3 Yoohanee 1:5 - Anutuna Ufa

⁵ Oo Kaiusafa qini qiqoondi, Yisuna ufa maqusa maqusa qimannimiqanuasa ani maqusai oonuraafana oosana oosana dadaaqirana amiqimasaida nimimariananoo. Anee sia moo maqannaa fee qimasee minnisaanafa mariananoo.

3 Yoohanee 1:5 Referans Kwoze

Karatia 6:10

Minara irisee maana qimannimidaqa maasa aiqamausa amiqira dadaaqirana dadaaqiaqa sia moodaakari kai, maqee maqee dadaaqirafa kambiqafinana dadaaqiaqa. Aiqamausa dadaaqidana niqoonausa Yisuna saqariki mariasa firaaqoo dadaaqiaqa.

Kooroosee 3:17

Innee inneeqara karaambaiqa Yisuna faiqi namu maridee qimasaidaqa mina aannandaidee qidaqa ufa qimariana ainainimariana andeeqasee mina kai afaqaaqa. Innee karaambaiqa Yisuna maa maqanasaa koorooirausa maridaqa mifa innandee innandee kai idaqa mariaqa aiqama ainaina narí qinnaqoo kai fidaqa ufa qinana auqeenana qafeeqa mina aanna raidee qiaqa. Sia noori runusee miqiaqa inneeqa nikoona Anutuna asasamamaqaidaqa susummamaqaaqa. Anutuna asauku mundirana minannai Anutufa aana ruqiqasaifaqa asasirana Anutuna amiaqa.

Ruka 12:42

Karaambaiqa fannoo iriseenoo ainainimaru fasiqana kikiqusinoo qimaminau, ainaina faqaana ainainira faiqi irirana faqaafa andeeqasee rakisimarifa marinau.

Mataioo 24:45

Ainaini mariasasaa rakisirafa amiqira fasiqa oosana maaqimminoo maridanoo. Mina firaafa minara qinoo. Anee qini ainainira faiqiuqasaa rakisida narana ainaina andeeqasee amiqimmasee nimisee rakisi marinaqa qinee moosaa fuanaura.

Roomma 12:13

Innee niqoonausa Yisuna ufa irimariasa nana ainainaree sarau imariasa inneeqaindi misa faqa rainasee naida nimiaqa. Sia qafee marinna aanaamurufa faqa anirainana amiqi amiqimandee maaqa aminanoo tootooqiranaki fuani.

Heeburu 13:2

Anaamuru sia oori qafainna maqannaana amiqi mandee narana amiqa maaqa amiaqa. Akaqausa miqidaqa sia irirai qangiroo amiqi amiqiqau.

3 Yoohanee 1:3

Oo Kaiusafa ani akaqaafasaa mai anireeqa aniara Yisuna anoona ufamau maqee maqee fimarianaqa qimaqimiafaqa mina iriseeqa asasidaqa. Kuqaa anoona maree mariannanara ani oosana koorooifaqa qinee qafeeqa.

Mataioo 25:16

Moodaannai qisauku koondaa amanee qumaroofa minannai aiqama ainainirana nimisaidanoo nimimarufanoo dinni qisauku amanee mi ainainiranasaa aniranau. Moodaanakikufanoo qisukuqara amanee marasee marinau.