2 Yoohanee 1:8 - Anutuna Ufa

⁸ Innee inneeqa nifaaqasaa rakisiaqa. Maasa ufa ooqai anoonaikimarifa sia maqee inniki taikaannoo aneenna maaqoo ainainirana akiaqara naaru innaarunai oorufinana amiqimasee maraanneera qimamidaqa.

2 Yoohanee 1:8 Referans Kwoze

Heeburu 10:35

Doo maqee faqa inneeqa paasoosirana sia quqaaqa. Mifa marifanoo mina feefauru naaru marirana nimiannoo ubiqafi marirafa inniki mariani. Innee sia ubiqafinaqa sia amana Anutuna iriranamau fifaranoo, sia mina qima afeekaikira marira innaaruna qumiasana mareefaranoo.

Uqafiqoo Ufafa 3:11

Qinee qusasaa qumuanaura. Innee uriqaraqa mariana amiqimmandee rakisi qumaraaqa moo fannoo qumaraandoora.

1 Koorinti 3:14

Faiqí moo fannoo maaqa atunasaa ookaamandee usakee marina ida sia qama taikasainanoo Anutufa mina qafamaseenoo mi fasiqanara amiqimmandee usakee maqi qimasee feefauru amiannoo.

1 Koorinti 3:8

Aaqee mari fasiqana saika faqa nammari adiee mari fasiqana saika faqa amana amana kai maridanoo. Anutufa naadu naadu narí ainaini marina akiaqara feefauru kasooqaqee nimiannoo. Maaqanda moodaanaki Anutuna ainainiranaki maridaqa ainainidaqa innee afuqa qambaanai Anutuna ainainirafa mariafanoo. Qinee Pauroosa moo ainaina kikiqa usuanaura, innee Koorinti maqannaasa Anutuna maaqa mariafanoo.

Heeburu 12:15

Innee amiqimmandee rakisia, innee Anutuna afaariranaki fuanakiqari quandaki kaqinni ubeekee foora. Innee amiqimmandee rakisiaqa sia moo fannoo inniki saakunananda inniki kambiqafinoo aiqamausa sukaqarana nimiani.

Mareekoo 13:9

Innee qini ufa irimariasa aufarida mariaqa, faiqí misa poorisa ufa qimannimifaqa inni ruumbeeqee kootaki quqeefaranoo. Misa inni mareeqee amaana maqaki quqasee saamusamu narifaranoo. Innee qini amiqira fasaasa ufa qimannimiaqeera qini ufasaara karaambaiqauqa faqa faiqí firaasa rakisirausa faqa nifusaa innee kikiqifaranoo.

Karatia 3:4

Indaaru Anutuna maraquna inni naakufufaqa amiqira oosana inniki kambiqafinau doo maqee innee minara fifau ainainee fee qidaqee. Sia fee innee minara iriafanoo nimuqusidanoo fee.

Yoohanee 4:36

Yisufa minara kaifaa narí faiqinamu qimanniminoo qinau. Faiqí moo fannoo narana aiqimarifa mifa mina akiaqara maraidanoo. Naranara foora faiqí anaasee suqueeqeenoo innaarunai quqasainaqa naaruara marirana maraaqeera. Misa naaruara marirana marasaifanoo ummaqimarifa faqa aiqimarifa faqa moodaanaki asasifaranoo.

Karatia 4:11

Qinee Pauroosa inniki marunausa inniara rufiaidaqa. Inniki ainainiafanafa fifaunni maqasaa rairaa idanoommi maqi qidaqa.

Heeburu 10:32

Indaaru innee Anutuna ufa iru aukuanna mi aukuannara maqee inni naaqoo auqaidaqa. Mi fasannai Anutunara asasirafa qoomara foora kaaqa qamannimaqoofaqa qafamasee kadaapi rumasee nidafimarufaqa Anutuna ufamau fifiufaqa sia kudoosaapaqau.

Firipi 3:16

Saina miqinoo mariani innisaimbaqa sia moo ufa irisee mi mau fuanaura maasa ooqai fuafannamau kai fuanaura.

Mareekoo 13:23

Qinee inniqa qini faiqi namu mi ainainna sia kambiooqoo qimannimiqa minara aufarida kai mariaqa.

Mataioo 24:4

Yisufa iriseenoo maaqi qimasee qimanniminau. Innee rufiaaqa moo fannoo unna ufa inni qimannimisee kaqi runna mara quqaani. Moomoosa anireeqa unna qimasee maasa asauku mundirausa maridee qifaranoo. Faiqí anaasee moomoosa misa ufa iriseeqa eedoo qimaseeqa fifaqa rarisameeqee kaqitinai ubeekeefaranoo.

1 Koorinti 15:8

Inaaqianna uqanna qini Pauroosa qifusaa faqa koorooinau. Qinee daaduma uqanna moo oosanakiqari amaneendaraasa eedadara foora mariafanausa maridaqa Yisufa qini qifusaa kambiqoofaqa qafaqiafana.