2 Yoohanee 1:5 - Anutuna Ufa

⁵ Minara qinee ani afeekaikamasee qimamidaqa maasa aiqamausa Yisuna ufa irisee naríara naríara uriqarara ainainee qimasee nimuqusiramau kai fuaqa. Doo mi ufana ani qimamidaqa sia fuka aakaparufau, ooqai oosanai irimarunnufana ani qimamidaqa.

2 Yoohanee 1:5 Referans Kwoze

1 Yoohanee 3:11

Ooqai indaaru maa ufana innee irimarusa mariafanoo mi ufana oosana maaqimminoo maridanoo maasa nariara nariara uriqarara ainainee qimasee nimuqusiani.

Yoohanee 15:12

Qinee ufa moo aaquqira ufa qimannianaura iriaqa Innee qini daanna ramasee nariara nariara ridaqa nidiani.

1 Yoohanee 3:23

Anutufa maa naakaparufana maasa qimaqiminau. Innee qini qimaaku Yisuna qini qisauku mundiranara inneeqa irirana minasaa rusisee quandaki narí mina ufamau fiqa nariara nariara uriqarara ainainee qimasee nimuqusiaqee qinau.

1 Yoohanee 4:20

Moo fannoo qinee Anutunara uriqarara ainainara rida fee qimasee quandaki narí akaqaafasaara fidiaqaa inafa unna qirafa mariannoo. Mifa narí afu qafee marina narí akaqaafasaa ririmma sia amuqusidanoo minau Anutuna sia qafee marina naqimandee fifau amuqusiraree sia amana.

1 Peetooroo 4:8

Aiqama amiqira ainaina urinaaqararafa maafa maridanoo, sia nifaurunnoo kai unna qimasee nariara nariara ruaqa, nisaukunnoo dadaaqirana faqa nimuqusannai faqa nariara nariara ruaqa. Nariara nariara nimuqusirafa moomoo manda oosana rafaaqafidanoo.

2 Peetooroo 1:7

Kafaa miqooqari nári nikaqaafasaara foora nariara nariara aidirana mina faqa afeekaikamasee ootupaaqa. Kafaa miqooqari nariara nariara nimuqusirana mina faqa afeekaikamasee ootupaaqa.

Heeburu 13:1

Innee asauku mundiranaki marianara nariara nariara moodaa fasiqa anaasee faiqiara foora uriqarara ainainee qimasee sia fifau noonnoo kai nimuqusi marinaqa nariara nariara ruaqa asaukunnoo auqaidana nariara nariara ruaqa. Miqi kai ida sia taikaaqa.

Karatia 5:22

Anutuna maraquna fannoo sia miqi maria mandoosanakina uqannifiqaidanoo. Innee mina ufamau fifanoo inni mareeqee amiqira saqari qaqammara foora ireefaranoo. Maa amiqira oosanausa ireefaranoo, nariara nariara uriqarara ainaina maridee qimasee nariara nariara rirana faqa Anutunara asasirana faqa naunduraki asooarana faqa faiqí aanaaseera reendeenira irirana faqa amiqimandee dadaaqi mariana faqa afaarirana faqa amiqira ainaina afaarirana faqa sia minnisee firafa miqookai marida auqainna ainaina auqaida marirana faqa fisoofisoommasee ufa qirana faqa narí mandoosanara akooqamasee andeeqasee fimarina faqa Anutuna maraquna fannoo mi ainainausa kai uqannifiqaidanoo, sia moo sandufa fannoo mi amiqira ainainausara qaoo qiannoo.

Yoohanee 15:17

Doo qeeqa aaquqira ufa maaqi qimasee qimannimidaqa. Innee nariara nariara ridaqa nidiaqa.

2 Yoohanee 1:1

Oo maa anaasee aneenna faiqi namufaqa qinee faiqí firaasa akara rumannimaqaidaqa. Qinee faqa Yisuna anoona ufa irimariasa saimbaqa ani aninna faiqi namuara faqa uriqarara ainainee qimasee qimuqusifaqa ridaqa Anutuna kuqaa anoona ufa maqee maasa daundurai maridanoo naaru naaru marianinafa marifaqa minara maasa aniara uriqarara ainainee qimasee qimuqusidanoo.