2 Teesaroonika 3:6 - Anutuna Ufa

⁶ Oo maasa qikaqaafasaauqa maasa Anutuna asauku mundirana karaambaiqa Yisuna auqu ramasee inni naaquqama nimaqaidaqa, inniki kudoosaapee mariasa innee sia misa naaqa mariaqa rufiasee nianai mariaqa misa sia maasa naamuaqira ufamau fimariasa maridaqammia.

2 Teesaroonika 3:6 Referans Kwoze

2 Teesaroonika 3:7

Innee maasa oosana qafeeusa mariafanoo, maasa inni faqa maridaqa sia kudoosaaparausa mariqiafana innee maasa oosanamau kai fuaqaana innee minara irimariafanoo.

Roomma 16:17

Oo qini qikaqaafasaauqa qeeqa qimuqusa ookiqara afeekaikamandee inni qimannimidaqa. Akaqausa rainara ufa oosana areemarisara eerairiaqa. Misa Yisuna saqariki mariasa akaqausa kuridi nimaqaidaqa innee maroo andeeqara ufana ateekaidaqa, misara rufiasee nianai mariaqa.

1 Teesaroonika 5:14

Qinee inni naamuaqi maruna fasiqausa qimannimidaqa, inni kudi fasiqauqara afeekaikamasee naakapaifaqa misa ainainiaqa, rufiee maria fasiqa anaaseesa nimana mapukunimaqaaqa, irirana oore̱eqarausa innee dadaaqiaqa, innee aiqamausa qambaanai reendeenidaqa asooamasee qimannimiqa fuaqa.

2 Teesaroonika 2:15

Oo qini qikaqaafasaa qinee minara irisee qimannimidaqa maasa ooqai inni faqa maridaqa nookiqari qimannimiafanna anoona ufana faqa maaqooqari pasaki akara rumannimiafannana mi anoona ufana faqa innee mi anoona ufanaki mapukufinaqa afeekaikamasee kikiqammafi nisaukuki uaqee iaqa. Sia moo unna ufa iriaqa.

1 Teesaroonika 4:1

Oo Teesaroonika maqannaasa qini qikaqaafasaauqa qeeqa ufa maa ufana ati qimannimianaura. Maasa inni faqa mariafanna kamuqoo Anutuna aidiramau firanara qimannimiafanaqa mi mau fifiusa doo maqee kaqi mi mau fimariafaqa qinee iridaqa. Karaambaiqa Yisufa qimaqimiqoonara doo maqee inni fuki faaki qidaqa sia ooqai undee kai kaqikaaqoo Anutuna iriranamau fuaqa, moo faqa moo faqa afeekaikamasee mi mau fuaqa.

Kooroosee 3:17

Innee inneeqara karaambaiqa Yisuna faiqi namu maridee qimasaidaqa mina aannandaidee qidaqa ufa qimariana ainainimariana andeeqasee mina kai afaqaaqa. Innee karaambaiqa Yisuna maa maqanasaa koorooirausa maridaqa mifa innandee innandee kai idaqa mariaqa aiqama ainaina narí qinnaqoo kai fidaqa ufa qinana auqeenana qafeeqa mina aanna raidee qiaqa. Sia noori runusee miqiaqa inneeqa nikoona Anutuna asasamamaqaidaqa susummamaqaaqa. Anutuna asauku mundirana minannai Anutufa aana ruqiqasaifaqa asasirana Anutuna amiaqa.

2 Timooti 3:5

Misa amaana ufa sia irifaranoo nipatakai qumareefaranoo, anoona amuqusakinaana sia qumareefaranoo. Timooti anee miqi mariasara eerairamandee nianai maria.

1 Teesaroonika 4:11

Maasa ooqai inni faqa maridaqa qimannimiaafanandee kai qidaqa kafaa qimannimidaqa. Maa ainainausasaa nimana mundusaafanoo miqoo kai fuaqa. Aiqamausa inneeqa ainainiranasaa inneeqa rakisiaqa, aiqamausa inneeqa narana inneeqa ainaina inneeqa kai maraaqa.

1 Koorinti 11:2

Oo Koorinti maqannaasa innee qiniara maqee maqee irisee Yisuna ufa irimariasa sandufa qinee qimamiafanna ufamau fimarianara inni nimooqidaqa.

Eefeesusa 4:17

Miqi marianara qinee Pauroosa Karaambaiqa auqusaa inni qimannimidaqa afeekaikamandee kafaa kafaa qimannimidaqa, sia Anutunara aamina maqannaasa naanna raaqa. Misa irirafa fifau faafaumminoo maridanoo. Innee andeeqasee mariaqa.

1 Koorinti 5:4

Innee moodaanaki suqimarifanoo qini maraquna faqa inni saimbaqa suquannoo, Karaambaiqa Yisuna afeeka miqoo maasa faqa marinaqa innee mi manda fasiqana mareeqee inni suqiranakiqari aqiqaifanoo mi aiqaranannai Sadannana amifanoo mina apata kuridinanoo karaambaiqa quminna faasaana mina aundurakinaana kai asumu maraannoo.

Mataioo 18:17

Mifa misa ufa faqa sia irinana amaana maqaki keeqeemariasa qimannimiaqa. Amaana maqaki keeqeemariasa ufa sia irifaqa aamina maqannaara foora mamaqaa sia mina faqa ufa qia, manda takisa maree maria fasiqausara foora fidiaqaa mamaqa.

2 Timooti 4:1

Oo Timooti qinee Pauroosa Anutuna afusaa faqa asauku mundirana kuqirausa faqa kaqi mariasa faqa aaquqimannimaqee marina afusaa faqa doori kandamasee ani faqa aaquqimamaqaidaqa. Yisufa kaifaa kooroomafi aiqamausa rakisianinnanara iriseeqa ani aaquqimamaqaidaqa.

1 Timooti 6:5

Faiqí akaqausa aaqee mariasa nári nifaurunnoo unna qidaqa. Misa Anutuna ufamau fidaqa firaa munnimma aina maa maqanasaa marararee qimariasa. Miqi qimariasa anoona ufa siaisa, irirafa taikarausa mi ufana qidaqa.

2 Koorinti 2:10

Innee Koorinti maqanaasa mi fasiqana mandainaina akiaqara minnisee moodaanaki kifaqa qinee faqa mina mandainaina minnisee mina faqa moodaanaki kianaura. Innee moo mandainaina mandaikamma qimaqoonara qinee inni minniseeqa, mikari moo mandaikamma qimaqaqau fee sia fee miqimma qimaqaqau fee minara qinee asauku mundirana afusaa marunausa inniara irisee minninisaidaqa.

1 Timooti 5:21

Oo Timooti qinee Pauroosa Anutuna faqa asauku mundirana faqa naaquqara qangiroouqa faqa misauqa nifusaa qinee doori kandamaseeqa ufa ani qimamianaura. Qinee maqee maa papiqanakinaa ufa qimamunnana amiqimmandee mi mau kai fidana Yisuna ufara suqimariasasaa rakirausa nariqa saika amanakai feefauru nimisee andeeqasee nári aaqarana aiqamausa nifusaa koorooia. Sia moonara qiqoondifee qimasee mina aaqarana kukeeqaisaa, sia moonara aamoondi fee qimasee minaindi akooroo maisa. Aiqama misoo maasoo moodaanaki kammasee rakisinnimaqaa.

1 Koorinti 5:9

Qinee Pauroosa ooqai inni Koorinti maqannaasa Yisuna ufara suqimarusa pasa akara rumannimaqaafannana. Mi pasanaki inniara faiqí anaasee narí ummuari narí ummuari mariasa faqa sia aqoondikamma nimaqararee qimasee misara eerairiaqee qimasee akara rumannimaqaqiafana.

2 Yoohanee 1:10

Oo maa anaasee faiqí moo fannoo maa qinee qunnufana sia qimarinafa anirainana sia aneenna maaqaki mara quqaa. Sia minara amiqi amiqia.