2 Teesaroonika 3:2 - Anutuna Ufa

² Kafaa maaqi qimasee maasara innaaru qiaqa, Anutufa maasa manda fasiqauqa nisaukukinaana rafiqaani sia aiqama maqannaasa Yisuna ufa iridammia.

2 Teesaroonika 3:2 Referans Kwoze

Roomma 15:31

Qinee maindari Yeerusareenni ooruree misa nimiraree qia munnimmana nimianaqa Anutuna ufa irimariasa minara asasiaqeera innaaru qiaqa. Miqoo Yeerusareenni qinee marianaqa innee Anutunara innaaru qimaqimaqaaqa Yeerusareenni mariasa Anutuna ufa sia irimariasa qini darirarammidammia. Innee misara innaaru qiqa qini sia daruaqee innaaru qiaqa.

Roomma 10:16

Misa amiqira fasaasa ufa mini qimannimisoofaqa sia aiqamausa iriqau akaqausa kai iriqau. Eesaiaafa minara maaqi qimasee akara rinau. Oo karaambaiqa maasa qimannimira ufa yausee iriaa, akaqausa moodaa kai iriaa. Eesaiaafa miqi qimasoofaqa qinee Pauroosa minara maaqi qidaqa. Faiqí anaasee sia fifau kaqi Yisuna saqarikidaqa, mina aufakiana naaree irisee miqoo Yisuna saqarikidaqa, Yisuna aufakiana sia fifau naaqooki kambiqaannoo, faiqí qimannimiafanoo naaqooki kambiqafifaqa saqarikidaqa.

1 Teesaroonika 2:18

Qinee Pauroosa faqa qini faqa mariasa Teesaroonika maqusai innee iannai fuaneera amanunanoo sia ifaqa qinee qeeqa kai moomoo kari amanunanoo Sadannafa qini faqa ititaifaqa minniseeqa kaqi Ateensa maqusai maridaqa.

Ruka 18:8

Minara sia innaaruqiranara nikoo nikaa masee minnisaaqa, afeekaikamasee innaaru qiaqa, qinee faiqí nimaaku kafaa qumuree qafaanaqa faiqí anaasee Anutuna saqarikidaqa innaaru kaqi fee ida marifaree sia fee ida marifaree.

Mataioo 23:23

Innee Mooseena sandufa akoofasauqa faqa Farisai amaana ufa qimariasa faqa inni Anutufa narirana firaanara qinee qimudaoo qimannimaqaidaqa. Innee faiqí anaasee uqannifiqaidaqa kafaa quandafi maqandanai mareemariasa. Innee inneeqa qafuqakinaana oosana oosana adiafaaira ainaina, kaqikaa fifau ainaina maqee maqee raineeqee ati Anutuna amimariasa, innee mi kaqikaa ainainnara fifau munari minarida, firaa ainaina Mooseena sandufakinaa anoona ainaina innee minnisaidaqa. Andeeqara oosanara faqa faiqí aanaaseera nimudaoo qira oosana faqa anoona ufa kai qira oosanara faqa mi firaa akooqooqaraa ainainnana innee minnisaidaqa. Innee mi firaa ainainnatia namufaqa iaqaana, kaqikaa ainaina namufaqa iaqaana.

Mataioo 17:17

Yisufa mina iriseenoo aiqamausa qimanniminau. Innee qini ufasaa irirana rusirafa siaisa mariafanoo kaaqa foomboo rimariasa mariafanoo. Qinee kisaaqasaa inniki marunaqa innee sia dauni irimariafaqa. Kisaaqasaa fee ubiqafi inni manda oosana ummaara maraqa fuanauree. See mi kumaaraana maree mai aniaqa qufaqa miqimmiqau.

2 Timooti 4:17

Misa fufanoo Karaambaiqa kai qumee qini pooduqee marufaqa qinee kootaki kikiqamafi Yisuna ufa aiqama amiqimasee aanaamuru aiqama qimannimiafanaqa iriqau. Miqimasaafananoo Anutufa kaasau aandau ookinaanara foora qini rafieenoora foora inau.

1 Koorinti 15:32

Qinee Pauroosa Eefeesusa maqusai kaasau aandaura foora marufaqa misa faqa rakimariqiafana. Kuqirausa sia kuqiranakiqari findififaqau qinee maaqoo Eefeesusa maqusai mi fasiqausa faqa rakidaqa nana ainainee maraanauree qimasee misa faqa rakiqiafana, fifau maaqoo maria fasiqaanaaseesa qiqafaaqee qimasee fee rakiqiafana. Oo sia miqi qiafana. Kuqaa kuqiranakiqari findi fuanauree qidaqa miqi qiafana. Faiqí firaasa unna ufa moo minara maaqimminoo maridanoo. Duna maasa kuquannanara maqee narana nammari moomoo naa. Qinee Pauroosa minara maaqi qidaqa. Kuqirausa kuqiranakiqari sia findififaqau anoonammifooqini, findififaranoo unna qimariafanoo.