2 Teesaroonika 2:10 - Anutuna Ufa

¹⁰ Mifa oosana oosana nikaruqira mandainaina uqannifiqainaqa naaru idaki taikeefandinausa minara kuqaa fee qimasee irifara, misa innaarunai asumu marira anoona ufara sia nidimarifaqa sia oonu irianara mina akiaqara taikeefaranoo.

2 Teesaroonika 2:10 Referans Kwoze

1 Koorinti 1:18

Asauku mundirafa aunirira saqarisaa kuqu ufana kuridiranaki fimariasa irisee furufarira ufa fee qidaqa. Maasa asumu mariranaki fimariasa sia miqi qidaqa mi ufanara Anutuna afeeka mi ufanara kai mari ifoo qidaqa.

Aaquqira Ufa 1:7

Anee irirana faqaafa mariraree qimasee Yaaweena ameemaanai maria. Furufari mariasa sia iriranara naaquqaidanoo irirana mararanara faqa nikooqaidanoo.

2 Peetooroo 2:12

Unna qira amaana ufa uqannifiqee mariasa nariqa kuara fuseena iriranamau fidaqa innaarunai mari ainainnara sia irimaria ainainnara mandufa qimasaida kaasau aandaura foora ufaanaki narifandinausa kambiqaida miqidaqa. Miqi mariasa Anutufa kaasau aandaura foora kaqi naruannoo.

1 Koorinti 16:22

Karaambaiqara sia amuqusimarinafa aqurarara ufa minasaa mariannoo. Nári ufakiqari maranata, maasa ufakiqari maasa karaambaiqa qumuannee qidaqa.

Roomma 16:18

Miqi mariasa sia maasa karaambaiqa asauku mundirana ainainau idau, misa nári nidimari mandainainara kai randaida iridaqa. Misa nári nimanira ufannai faqa nári nifaurunnai kai susumma nimaqaranannai faqa amiqira fasiqa anaasee iriranara uneemaana qidaqa.

2 Koorinti 11:15

Sadannana ainaini maria fasiqausa andeeqara fasiqauqa nimammana usufiqa ainainirafa sia firaa ainaina, nárindi maridanoo. Kasooqaqee taikara aukuana andeeqasee mi manda oosanna amana kai mareefaranoo.

Aaquqira Ufa 8:17

Qiniara rimariasara qinee faqa misara ridaqa. Nimudaanai qimasee qiniara randee mariasa misa qini paqurifaranoo.

Eefeesusa 4:14

Mikari maasa sia faiqi aanaaqiara foora aiqama oosana oosana amaana ufa iriseeqa munari minari ianaura unna ufa qimaria fasiqausa nári nikaruqira finnai akaqausa aaqaranaki rarisama quqaidaqa maasa misa ufa iriseeqa sia ufaira foora aiqama saqari udammi udammianaura.

2 Koorinti 2:17

Maasa amana mi saikana maraanaura. Akaqausa Anutuna ufara fifau oorudupira ainainee qimasee minasaaqaraana manda munnimma maraidaqa. Miqi qimariasa sia mi saikana amana mareefaranoo. Maasa sia misa naanna raidaqa. Anutufa maasa mi saikanaki diqiqoosa marunnanara mina afusaara foora maridaqa asauku mundirana ainainira faiqi maridaqa noori runusee faiqí anaasee qimannimidaqa.

2 Koorinti 2:15

Pauroofa minara iriseenoo Koorinti maqannaasa nariara maaqi qimasee qimanniminau. Maasa faiqí anaasee qambaanai fidaqa asauku mundirana ufa amiqira afundara foora uqirausa nidaqa akaqausa mi ufana irimariasa asumu mariranaki fifaranoo, akaqausa mi ufana sia irimariasa kuridiranaki fifaranoo.

Roomma 10:1

Oo qini qikaqaafasaauqa Roomma maqusai mariasa. Qeeqa qimuqusa ookiqari qeeqa maqannaasa Isaraee maqannaasara Yisufinnai aniree mina asumu marirana maraaqeera firaaqoo qimuqusidanoo. Qinee Pauroosa misara Anutufinnai firaaqoo innaaru qidaqa.

Roomma 6:17

Oo Anutunara dufi dufi qiaqa. Innee ooqai mandainaina ufa ameemaanai marusa mariafanoo maqee innee inneeqa aiqamausa naundurannai qinee Pauroosa qimannimuna naamuaqira anoona ufa ameemaanai mariafanoo minara innee manda rumbaranaki marufanoo Anutufa idukunnisoofaqa mina andeeqara rumbaranaki fuafanoo.

Yoohanee 5:34

Qinee sia maqasaa fasiqa moo qini dadaaqiranara randaidaqa Yoohaneenara qidaqa. Innee naaru mariranaki fuaqee qimasee maa ufana qimannimidaqa.

Yoohanee 3:17

Anutufa sia maa maqanasaaqaraa fasiqa anaasee narí ufa firaanaki mara aquanifeerau narí amaaku maa maqanasaa quqannisanau. Mifa faiqí anaasee nariranakinaana qumbaqeeqee naaru asumu mariranaki quqannisaanifeera Yisuna quqanau.

2 Peetooroo 2:18

Mi manda fasiqausa nári nifaaqa amooqimariana faqa furufari marianara faqa ufa qidaqa. Faiqí anaasee akaqausa nári mandoosanakiqari findifi aaqee kai aanai ubeekarariafaqa mi mandoosanna maree mariasa misa mareeqee nári ufaanaki mara naridaqa. Mi fasiqausa nári mandainainara nidiranannai ufaana fufuseeqa minaki mara naridaqa.

Heeburu 3:13

Maa aukuannasaqa innisaimbaqa kaqikai maridaqa maa ainainnara rakisiaqa, faasaambaasaana narí poodue̱e nári poodue̱e imariana. Innikina moo fannoo narí mandoosana fannoo rarisameeqee Anutuna ufara sia irianaki quqaandoora eerairiaqa.

1 Teesaroonika 2:16

Maasa Anutuna ufa faiqí asumu marararufa aanaamuru qimannimimarunaqa misa nikooqaifaqa maasa rafaaqafirara amanidaqa. Miqidaqa Yuda maqannaasa aaqarafa doo firaafa uriqaranoo maridanoo, doo maqee mandainaina akiaqara Anutuna aranaqarafa doo misasaa aqufinoo maridanoo.

2 Koorinti 11:13

Mi fasiqausa sia kuqaa niqiqoo fasiqausau maridau misa nikaru qira niqiqoo fasiqausa maridaqa, nariqa ainainiranara unna ufa qimasee asauku mundirafa anoona niqiqoo fasiqausara foora quandakiqa misa nimammana usufiqa nikaru qidaqa.

Mataioo 13:11

Yisufa iriseenoo qinau, innee innaaruna maqusa qumee irirana iriaqeera, misa sia iriaqeera quandara ufa qimannimidaqa.

2 Teesaroonika 2:13

Innee Teesaroonika maqusanaasa sia miqimariasa karaambaiqa inniara aidimarisa maasa doo inniara maqee maqee Anutufinnai dufi dufi qidaqammu. Anutufa narí maraquna afeekannai faqa innee anoona ufasaa mandaaqaranannai faqa inni Teesaroonika maqusanaasa innaarunai asumu marirana faqa Anutuna narí faiqí anaasee kammafi mariaqeera faqa oosana arooqooqari rusandeesamumasee inni maraanauree qimaqoofa maqee mareenoo.