2 Teesaroonika 1:5 - Anutuna Ufa

⁵ Anutuna andeeqara narira ufa anoona kasooqaqee maaqi qimasee kambiqaannoo, innee maqee Yisuna ufasaara aupurarana maraqa fimariana akiaqara kasooqaqee maaqimminoo mariannoo. Mi aupurarafa Anutuna marira ququsaki keeqarana amanaikamma nimaqaannoo.

2 Teesaroonika 1:5 Referans Kwoze

Firipi 1:28

Yisuna ufara namuqaaki mariasara sia rufiaaqa, paasoosiaqa. Innee sia rufiaifaqa misa nári kuridifandinnanara irifaranoo. Inni innaarunai asumu marifandinnanara faqa irifaranoo. Anutufa narí kai uqannifiqaannoo.

Uqafiqoo Ufafa 19:2

Mifa mi umuari mari anaaseefa maqasaaqaraasa putaamannimaqee marunna akiaqara Anutufa mina arinau. Miqunara mina ufa nimirafa kuqaa andeeqarafa maridanoo. Mi anaaseefa Anutuna ainainira fasiqauqa kuqa narunara Anutufa arinau.

Ruka 20:35

Anutufa faiqí anaasee qini faqa innaarunai amanaiki mariasee qimariasa kuqiranakiqari mara findifu mannimaqasee innarunai quqasaifaqa sia kuqifaranoo naaru marifandinausa marinara sia narí maree narí maree ifaranoo.

2 Timooti 2:12

Maasa mina faqa afeekaikamande fifi inaqa maasa kasooqaqee mina faqa rakisirausa marianaura. Maasa minara qaoo qiananoo mifa maasara faqa qaoo qiannoo.

2 Teesaroonika 1:11

Maasa mi ainainafa kambiqaaninnanara iriseeqa maqee maqee inni Teesaroonika maqusanaasara innaaru qidaqa Anutufa inni naundurai naakapaifaqa mina ufamau uqeerara aatata fimariafanoo minara qidaqa. Anutufa inni dadaaqinaqa inni marirafa nirafa uqeerara aana amana kai fuaqeera innaaru qidaqa. Anutufa narí afeekannai innee Anutuna ufamau firanara amiqiranee qimariana anoonaikiani, innee mina saqarikira saika faqa anoonaikiani.

Roomma 8:17

Anutufa narí faiqí aanaaseera amiqi amiqira ainaina afeeda maqimaqaina maasa mina faiqi namu marianara minara maasa mifa innaarunai quqannimaqaqai qumiasana kasooqaqee maraanaura. Anutufa narí asauku mundirana amaqaqai qumiasana faqa maridanoo mifa mina faqa maasa mirinni innaarunai naida qimiannoo. Maqee maria aukuana asauku mundirana kuqira aupurarana dadaaqi maraananoo innaarunai mina kaaqa areenarana faqa naida qimiannoo.

Idi Ufa 99:4

Afeeka faqaa karaambaiqa anee andeeqaranara kai aidimarifa mariananoo. Anee andeeqarana kai Isaraee maqa maaqaki quqaananoo. Anee andeeqarana faqa amana amana kai rainannimaqarana faqa maree mini quqaananoo.

Uqafiqoo Ufafa 16:7

Miqimandoofanoo Anutuna tatufira qaindasaaqari ufa moo qinau. Oo Karaambaiqa Anutufa uriqararafa aninna narirafa kuqaa andeeqarafa kai marifa mariananoo.

Uqafiqoo Ufafa 15:4

Oo Karaambaiqa yafasiqa fee sia aniara rufiaidanoo. Yafasiqa fee ani uriqararana sia koorooiannoo, Aneennaraa kai naaquqarafa mariananoo. Ani andeeqara ainainirafa aiqamausa qafamasee minara aiqama maqannaa aniree ani oorisaa aniree ani amooqifaranoo.

Uqafiqoo Ufafa 3:4

Inniki Saradisa maqusanaasa akaqausa sia qikairi faisa maridaqa. Innee qikairi siaisa qini faqa nifaranoo. Inni amiqira marirana amana kai eekara qamunna afisunnimaqasaanaqa qini faqa fifaranoo.

1 Teesaroonika 2:14

Ooqai Yuda maqannaasa nári niqoonausa asauku mundirana Yisuna ufa irimarusa irisoona akiaqara kadaapirirana nidafirana nimiqau. Innee Teesaroonika maqannaasa faqa asauku mundirana Yisuna ufa irisoofaqa inniqa niqoonausa nikooqoofaqa miqi undee kai iqa nidafirana aupurarana inni nimiqau.

Kooroosee 1:12

Anutufa narí areenara maqusaki innaarunai narí nimianinna ainaina afeedimarina quqaseenoo innee ooru marasee miqoo mariaqeera inni mandainaina doo afaqaseenoo innee minara faqa iriseeqa innaarunai nikoonara asasammasee dufi dufi qimamaqaaqa.

Eefeesusa 4:1

Qinee Pauroosa karaambaiqa Yisuna ainaini marunnana akiaqara Roomma maqannaa karabusaki maridaqa. Qinee karabusaki maridaqa inniara afeekaikamandee qimannimidaqa. Anutufa inni naaramasoofaqa innee asauku mundirana saqariki maru kamuqooqari inneeqa nirana mariranara andeeqasee marianifee qimasee inni naarama minaki quqeenoo. Inneeqa marirafa mina amanakai marianifeera qinee qeeqa qimuqusa ookiqari afeekaikamandee qimannimidaqa.

Roomma 2:5

Inni naaqooki ooni ititanoo marifaqara foora sia ufa irimariafanoo. Miqianara Anutuna andeeqara ufa faqa mandainaina akiaqara narira ufa faqa kooroo inna faasaana mikari inniqa mandainaina fannoo inniqa narira ufa firaaqoo uriqaramafuannoo.

Ruka 21:36

Innee maqee maqee aufarida maridaqa innaaru qimasaida mariaqa. Innee inneeqa afeeka afeekaikamasee qimannimunna mandainainausaki afeekaikamandee fiqaree qini faiqí nimaaku qifusaa amiqimandee kikiqiaqeera innaaru qiaqeera qidaqa.

Idi Ufa 111:7

Mina aiqama ainaina auqaranaki mifa narí mapukira oosana faqa Yaaweefa narí asaukunnai auqai ainainafa mapukirafa faqa aindeeqarafa amana amana kai rainara oosana faqaafa maridanoo. Mina aiqama naamuaqira ufa fannoo anoona ufa faiqí minasaa mundufi mariaqee ufa maridanoo.

Idi Ufa 72:2

Mifa andeeqaranannai ani Anutuna faiqí anaasee ufa andeeqannisaani. Narí maqannaa nuqu siai fasiqa anaaseesa faqa amana amana kai andeeqasee ufa raina nimaqaani.

Idi Ufa 50:6

Innaaruna fannoo Anutunara maaqi qimasee kooroo idanoo. Anutufa narí kai andeeqarafa ufa raina nimaqee marifa maridanoo.

Idi Ufa 33:5

Yaaweefa andeeqara marirana faqa andeeqasee amana amana kai rainee marianara faqa aididanoo. Maa maqa maaqanaki Yaaweena sia taikara amuqusirafa qumbiqanoo maridanoo.