2 Teesaroonika 1:10 - Anutuna Ufa

¹⁰ Mi faasaannasaa Yisufa maasa faqa aiqama narí aiku asauku amooqirana irirara qumuannoo, aiqama mina ufa irimariasa naaquqarana faqa mararara qumuannoo.

2 Teesaroonika 1:10 Referans Kwoze

2 Timooti 4:8

Doo maqee sandaida uriqareemariasa feefauru qiniara deedaqinoo maridanoo. Karaambaiqa andeeqasee ufa nimimarifa qumira faasaana andeeqeemariasa qafee qini qikiaaqa afisuannoo. Mikari sia qini kai qimiannoo, moomoosa minara nidimarisa mina koorooiranara afeesidaqa nidimarifaqa afeesimariasa misa faqa nimiannoo.

Eefeesusa 1:18

Anutufa inni naaramasee narí areenaranara afeesiaqee qimarianara innee iriaqee qimasee inniara innaaru qimasaanaqa inni nifu nitikura quandasainaqa areenarana nimianinnanara afeesiaqeera innaaru qidaqa. Naaquqara amiqi amiqirafa idaaqirafa moomoo uqanna narí maqasaa fasiqa anaasee innaarunai nimirara qima afeekaikidanoo nimiannoo minauqara faqa inniara iriaqeera innaaru qidaqa.

1 Koorinti 3:13

Asauku mundirafa qumuaninna aukuannai maaqa asaanira oosana aiqamausa nifusaa kooroo iannoo. Mi faasaannana Anutuna ida fannoo aiqama fasiqa ainainirana qamafinoo kooroo iannoo. Mi idafa aiqamausa ainainirana amanamandainanoo mina anoona kooroo iannoo.

Yoohanee 17:10

Oo qipoo qini aiqama ainaina anindi maridanoo. Kafaa ani aiqama ainaina qinindi maridanoo. Qini qifaaqa areenarafa qini faiqi namusaaqari kooroo idanoo.

1 Peetooroo 2:9

Innee sia miqi mariasa mariafanoo. Innee Anutufa rusandeesamumasee maree marisa mariafanoo. Innee karaambaiqa Anutuna uriqararana aanaiqiki mariasa. Innee naaduma kaaqa andeeqara maqannaa mariafanoo. Innee Anutuna narí maqannaasa mariafanoo. Mifa inni asukunakinaana naaramasee mareeqee narí idaaqira kaaqa qara andeeqaranaki inni quqasaifaqa mariafanoo. Sia fifau minaki mara quqeenoo innee Anutuna idaaqira afeeka ainaina imarianara aiqamausa nifusaa koorooiaqee qimaseenoo inni mara narí kaaqa qara andeeqaranaki quqaidanoo.

2 Teesaroonika 2:13

Innee Teesaroonika maqusanaasa sia miqimariasa karaambaiqa inniara aidimarisa maasa doo inniara maqee maqee Anutufinnai dufi dufi qidaqammu. Anutufa narí maraquna afeekannai faqa innee anoona ufasaa mandaaqaranannai faqa inni Teesaroonika maqusanaasa innaarunai asumu marirana faqa Anutuna narí faiqí anaasee kammafi mariaqeera faqa oosana arooqooqari rusandeesamumasee inni maraanauree qimaqoofa maqee mareenoo.

1 Koorinti 1:6

Innee maasa karaambaiqa asauku mundirana Yisunara innaarunaindaraafa kooroo iranara afeesimariafanoo asauku mundirana amiqi amiqirana aufakiana inni naunduraki mapukusee marinara Anutufa moomoo narí dadaaqi narí dadaaqirana akoofasaikirana niminau.

Idi Ufa 89:7

Innaarunai suqiranaki mariasa aniara firaaqoo rufiaidaqa. Mina fiqu fiqumma mariasa firaaqoo minara naaquqaifaqa rufiaidaqa.

2 Timooti 1:18

Qinee karaambaiqara narí qumira faasaanasaa mi fasiqanara afauaannee qidaqa innaaru qidaqa. Qinee Eefeesusa maqusai mariafananoo mi fasiqafa Ooneesifoorusafa firaaqoo qini dadaaqiufa marifana anee Timooti anee minara irimariananoo.

2 Teesaroonika 1:12

Innee miqifaqa aiqamausa inni andeeqarana qafamasee Yisuna auqu areenarana amooqifanoo Yisufa quandafi inni nimooqiannoo, Anutufa faqa Anutuna asauku mundirafa karaambaiqa Yisuna faqa kaqi afaariranannai maa ainainafa mariannoo.

1 Teesaroonika 2:13

Anutuna aufakiana maasasaa quqasoona inni qimannimiafaqa innee irisee umaraqau. Innee minara sia faiqí ufafee qimariqau. Anutuna ufafee qimasee umaraqau. Miquna qafamasee maasa Anutunara dufi dufi qidaqa. Kuqaa Anutuna ufa maridanoo innee mina ufa irimariasakina saikidanoo.

1 Teesaroonika 2:1

Oo Teesaroonika maqannaasa qini qikaqaafasaauqa. Maasa namu inni maqusai fuafannakari sia kadiqamannisaqiafana, innee minara irimariafanoo.

1 Teesaroonika 1:5

Maasa Yisuna aufakiana sia noonnai kaifau inni qimannimidau, Anutuna afeekannai faqa mina naaquqara andeeqara maraqunannai faqa qeeqa faqa mi iriranamau fidaqa minannai faqa inni qimannimiafannana minara Anutufa inni rusandeesamunara iridaqa kuqaa fee qidaqa. Maasa inni faqa Teesaroonika maqusai mariafana qiqafoosa maridaqa inni dadaaqirara andeeqaseeqa mariafanausa maridaqa innee minara irimariafanoo.

Eefeesusa 3:16

Mi Anutunara inniara innaaru qidaqa, asauku mundirana innee saqarikiranannai mifa anireenoo inni naunduraki maaqakiara foora ani keeqaanifeera. Mifa narí maraqunannai narí areenarana firaanakiqari inni naunduraki afeeka niminaqa mapukusee mariaqa. Qinee inniara maaqi qidaqa innaaru qidaqa, innee inneeqa atukara foora faqa faakanara foora faqa nariara nariara nimuqusiranaki mapukusaaqa, innee Eefeesusa maqannaasa faqa Anutuna aiku asauku moo maqannaa mariasa saimbaqa afeeka marinaqa minannai asauku mundirana inniara amuqusinoo aidirana firaana iriaqeera innaaru qidaqa. Mifa inniara amuqusinoo aidirana mina kisaaqasaa aidirana faqa mina qusa kamu faqa mina meerai sandaaqaira faqa mina meemai farumara foora marirana faqa mina firaatiara iriaqeera qinee innaaru qidaqa.

Eefeesusa 3:10

Maqee aukuana kooroo ianifeera qimasee Yisuna ufara suqimariasa misannai Anutufa narí irirana quandaqaandidanoo uqannifiqaifaqa qafaidaqa mina amiqi amiqiranara innaarunai ameemaanai mariasa misa uriqararausa faqa rakisirausa faqa maqee uqannifiqaanifeera Yisuna kooroo idanoo.

Eefeesusa 2:7

Sia Anutufa fifau miqinau, narí firaa afaarirana faqa, maasa asauku mundirana Yisunaki keeqarana qafamaseenoo narí firaa aidirana amuqusirana faqa naaru kambiqainausa uqannifiqarara miqinau.

Eefeesusa 1:14

Anutuna maraquna nimirafa Anutufa innaarunai qimianinna ainainnara qima afeekaikamma utaaqamaqoofa maridanoo, mifa Anutufa kuqaa mandainaina akiaqara rumbaranakinaana idukirana qimiannoo fee qimarifa maridanoo, maasa minara irisee Anutuna kuqaa areenaranara dufi dufi qidaqa.

Eefeesusa 1:12

Maasa asauku mundirana irirana naaree indaaru irisee minara afeesimariasa maasa Anutuna kaaqa areenaranara dufi dufi qidaqa.

Eefeesusa 1:6

Anutufa narí kaaqa qara areenara afaarirana narí amuqusira amaaku kaqi nimimari ainainnara foora kaqi niminau. Minara maasa qimuqusa ookiqari idaaqira ainaina uqannee qiaqeera kaqi niminau.

Karatia 1:24

Misa mi ufana iriseeqa Anutufinnai qiniara dufi dufi qimariqau.

Yoohanee 11:4

Yisufa mi ufana iriseenoo narí faiqi namu qimanniminau. Rasarusafa aurida maridanoo. Sia kuqiranaki firarau Rasarusafa mi aurirana maraidanoofau mina auriranannai Anutufa narí amaaku qini duqu uqeeraanifeera mi aurirana maraidanoo.

Ruka 10:12

Qini faiqi namu qinee Yisusa inni qimannimidaqa kasooqaqee Anutufa faiqí anaasee ufa irira faasaana anirainanoo innee kookoomma nimaqaqoosa Anutufa sia rauqi nimaqaannoo Soodooma maqusanaasa manda oosana maree maruna akiaqara Anutufa kaqikaaqoo rauqi nimaqaannoo kookoomma akunnimaqaasa sia rauqi nimaqaannoo, kuqa naruannoo.

Mataioo 25:31

Qinee faiqí nimaaku qumuanna kari qeeqa rakisira afeeka namufaqa qeeqa qangiroo namufaqa maa maqanasaa qumuanaura. Qumureeqa ufaqira qaari amiqira qaari ufiqisee eekara ariranasaa ooqu marifinaqa maqasaaqaraasa ufa irisee andeeqannimaqaanaura.

Mataioo 24:36

Qinee qumira aukuanee qinee qumira faasaanee sia uqanna faiqí moo fannoo irimariafanoo. Innaarunai qangiroouqa faqa Anutuna amaaku qinee faqa siamma iridaqa, qini qikoofa narí kaimma qinee qumira aukuanara iridanoo.

Mataioo 7:22

Innaarunai keeqeemaria aukuanafa kambiqafinaqa moomoosa maaqi qimasee qimaqimifaranoo. Oo karaambaiqa karaambaiqa. Maasa maqasaa maridaqa aniara maasa ani amaana ufa qimannimiaafanausa maridaqa. Maasa fueenasana aruna ani auqu ramasaida innaaru qimasee mara aqunniseeunausa maridaqa. Maasa miqi mariafanausa maridaqa. Doo maasa ani auqu ramaseeqa moomoo firaa afeeka ainaina auqimariafanausa maridaqa, doo anee minara irisee maasa faqa innaaruna ququsaki mara quqaqisaa.

Idi Ufa 68:35

Isaraee maqannaasa Anutufa narí amaana maaqaki marifa kaaqa naaquqarafa marinara rufiaaqa. Mifa uriqarara afeeka faqa eeraarirana faqa narí faiqí anaasee nimidanoo. Anutuna amooqiaqa.

Mataioo 16:27

Minara qinee faiqí nimaaku qumuanaura, qini qangiroo namufaqa qini qikoona kaaqa areenaranaki qumuanaura, aiqama faiqí anaasee misa saika auqee mariana akiaqara nimirara qumuanaura.

Mataioo 16:28

Kuqaa anoona ufa qinee qimannimidaqa innikiqari faiqí qaaramoo sia kuqirai kaqi marifaqa qinee faiqí nimaaku qeeqa innaaruna ququsa uriqarara ququsa namufaqa inni nifusaa qumuanaura.

1 Teesaroonika 2:12

Maasa innee mandainaina maroofaqa reendeenamma nimaqeeaafanausa maridaqa. Anutufa inni naaraidanoo kasooqaqee innaarunai ooruree narí areenarana faqa narí ququsara faqa mina faqa marasee narí faqa mariaqee qidanoo. Maasa inniara minara iriseeqa innee maqee mariaqooqari Anutuna aidiramau kai fuaqa, minara fuki faaki qimariqiafana.

1 Timooti 3:16

Maasa Yisuna ufa irirana anoona ooqaindari kukeeqara ufa marifa Yisufa idaaqirafa firaafa maridanoo, sia amana moo fannoo minara qaoo qirafa. Yisufa maqasaa fasiqa nifiri kammafinoo koorooinau. Anutuna maraquna fannoo minara andeeqarafa maridanoo fee qinau. Qangiroouqa mina qafaqau. Faiqí moomoosa maaqanna maaqanna minara qimannimiqau. Maa maqa maaqanaki marusa minara kuqaammifoo qiqau. Anutufa mina mareeqeenoo innaarunai quqaqoofanoo maridanoo.