1 Yoohanee 5:18 - Anutuna Ufa

¹⁸ Maasa maana iridaqa sia Anutuna faiqi namu mandoosana maqee maqee maraqa fidaqa. Anutuna amaaku ititasaifanoo manda fasiqa fannoo sia amana mina mandaikamamaqaannoo.

1 Yoohanee 5:18 Referans Kwoze

1 Yoohanee 3:9

Yafa yafee Anutuna faiqi maridanoo fee sia mi fasiqafa mandaikiraqoo nidanoo. Anutuna oosana anoona uqanna minaki maridanoo, Anutufa mina akoofa marinara sia amana mandaikiraqoo fimariannoo.

1 Yoohanee 5:4

Maasa Anutuna faiqi namu maa maqa maaqanasaaqaraa mandainaina amana maasa mina uraaqaraanaura. Maa ainainannai maasa maa maqa maaqanasaaqaraa mandainaina uraaqaraidaqa, Yisuna saqarikiranannai uraaqaraidaqa.

Yudeesa 1:21

Maasa karaambaiqa Yisufa asauku mundirafa narí nifauarana firaanakiqari maasa sia daruannoo naaru naaru marirana maasa qimiannoo. Innee Yisuna qumiranara afeesidaqa Anutufa inniara nidimarinaki minaki kai mariaqa sia moosaa finana kuridia.

1 Yoohanee 5:1

Yafa yafee Yisunara Anutuna asauku mundira fee qinafa mifa Anutuna faiqi mariannoo. Moo fannoo akoonara rinafa mifa mi fasiqana faiqiara faqa ruannoo.

Yudeesa 1:24

Anutufa innee mandainainaki aqufirarifanoo mifa amana inni ititannisainaqa sia aqufifaranoo. Mifa amana inni mareeqeenoo amiqimmandee ninukamasee asasirana inni nimisee narí afaaqa areenaranaki naroorisaa amana quqaaninafa.

1 Yoohanee 3:3

Maqee maria kamuqoo asauku mundirana asasammasee afeesara mariasa minara indee indee idaqa nariqa mandoosana findaukaqa fidaqa.

Yameesa 1:27

Maasa qikoofa Anutufa maa qaaramoo ainainausa maraanara kuqaa anoona qini saqarikirausammiafoo qidanoo. Moo oosana fiaiqi faiqi rakisirana faqa moo oosana adeedaana aanaaseeuqa nariqa aupuraranaki mariasa rakisirafa faqa moo oosana maa manda maqa maaqanakina mandoosanauqa qifaaqai aqufuandoo qimasee eerairinafa faqa mi ainainna namuna maree mariasara kuqaa anoona qini saqariki mariasee qidanoo.

1 Peetooroo 1:23

Anutuna akarakinaa ufa fannoo ooqai kaqi marufa maqee marifa naaru naaru kaqi marianinafa innee minannai kafaa oorudupi mafi kafaa fukasaa aanaaqi kammafi mariafanoo. Sia maaqoo kuqimaria nikoona faiqi namu mariafanoo, Anutuna kasimari akarakinaa ufannai naaru naaru marianinna nikoona faiqi kammafi fukasaa aanaaqi kammambi mariafanoo.

1 Yoohanee 2:29

Innee asauku mundiranara irimariafanoo mifa andeeqeemarifa maridanoo. Innee maanara faqa doo iriaqa, faiqí fee anaasee fee moo fannoo andeeqara oosana marainafa mifa faqa Anutuna faiqiara foora maridanoo.

Yoohanee 15:9

Qini qikoofa qiniara firaaqoo ridanoo qinee faqa miqikai iqa inniara firaa qoo ridaqa doo sia innee moo fannoo minakiqari aiaki fuaqa. Kaqi kai qini didiranaki mariaqa.

Idi Ufa 119:101

Qinee ani ufamau firaree qimaseeqa aiqama mandainainara qeerairammasee amaaraidaqa.

Idi Ufa 18:23

Qinee aaqarana siaisa marunnanara mifa iridanoo. Qinee kaqi runna fuanoora qeeqa mariranasaa rakisidaqa.

Idi Ufa 17:4

Qinee sia akaqausa naannareeqa manda ufa qidaqa. Qinee ani naakapara ufa qaindusidaqa sia faiqi narimariasa fimaria aatata fidaqa.

Uqafiqoo Ufafa 2:13

Innee Peerakamumma maqusanaasa Sadannana amaana maqa mariaqoo mariasa mariafanoo qinee iridaqa. Innee kuqaa qinisaa atooqee mariasa mariafanoo. Inni maqusai Sadannana amaana maqa mariqoo miqooqaraasa qini qiqoondi moo fasiqa qini Yisusara andeeqasee kooroo qimarina akiaqara mina auqu Antipasana kuqa arufaqa innee sia minara rufioosa kaqi kai qini saqariki mariasa mariafanoo.

1 Yoohanee 5:21

Qini faiqi namu unna qira Anutufara fooqaa qira ainainara nianasaa rufiaaqa, kuqaa Anutuna inni nimuqusakinaana mara amaaramaseenoo mina amaaqa maqaandoora minara rufiaaqa.

1 Yoohanee 4:6

Maasa Anutunaindi maridaqa Anutunara irimari fasiqafa maasa ufa iridanoo. Yau yausee sia Anutunaindi mariasa misa sia maasa ufa iridaqa. Doo maasa miqimandee anoona maraquna faqa unna qira maraquna faqa rainasee iridaqa.

Yoohanee 15:7

Innee qiniki marirara kai idaqa marifaqa qinee qimannimunna ufafa inniki marirara kai imarinaqa innee nana ainainaree qiniara iraifaqa nimianaura.

Yoohanee 1:13

Anutuna faiqi miqimariasa kambiqafi mariasa sia maa maqa maaqanaki mariasakiqari kambiqaqau. Sia faiqí faiqi imariandeefau mafi kambiqaqau. Sia faiqí nári iriranannaifau Anutuna faiqi kammafi kambiqaqau. Anutuna iriranannai kai kambiqafufaqa mina faiqi namukiqau.

Aaquqira Ufa 4:23

Maa firaa ainainnara qimamianaura. Aneenna amuqusasaa rakisia. Aiqama marirana oosana amuqusaki qari ururaidanoo minara aneenna amuqusa amiqimmaseenana rakisia.

Idi Ufa 39:1

Qinee Dafidisa qeeqara maaqi qiqa, qinee qeeqa nirana mariranasaa rakisianaura. Qini qifauru fannoo sia aaqara ufa qiannoo. Manda oosana maree mariasa qini daaqa marifaqa sia qinee moo manda ufa qianaura.

1 Yoohanee 3:12

Maasa sia Kaina aanna raa, mifa Sadannana faiqi maridanoo narí akaqa arinau. Kainafa nanaree narí akaqa arinoo fee inau. Narí auqoo ainaina mandaikufanoo, mina marirafa nirafa eendaandinoo marunara narí akaqa nirafa marirafa andeeqanoo marunara minasaara aanoomaseenoo arinau.

Yoohanee 15:4

Innee saqari asaanara foora qinisaa ariqa mariaqa. Innee sia qinisaa ariqa maridaqa sia qini amiqira marira nirana mareefaranoo.

Yoohanee 14:30

Qinee sia amana inni faqa kisaaqasaa ufa qianaura. Maa maqanasaa rakisirafa Sadannafa doo anidanoo qini afeeka fannoo mina afeeka uraaqaranoo maridanoo.

Yameesa 1:18

Anutufa narí iriranannai kai narí anoona ufannai kai maasa narí fukasaa aanaaqi aanaaqikiranaki quqaqiseenoo maasa narí ufini aandau aiqama ainaina uriqararausai kamafi mariaqeera auquqisanau.

Idi Ufa 119:3

Miqi marinausa sia moo aaqara oosana maraidammia. Misa Yaaweena aatata fimariasa maridammia.

Mataioo 5:37

Minara innee eedoo qiaqeera eedoo kai qiaqa. Innee qaoo qiaqeera andeeqasee qaoo kai qiaqa. Anee moo ainaina kikiqa usinana aneenna amuqusa ookiqari mandainaina marinakiqari moo ainaina kikiqa ususee unna qiananoo.

Mataioo 6:13

Sia anee maasa rarisameeqeenana afeeka nimaniraqoo quqaqisaa. Manda fasiqa asaukuki marunnana anee Anutufa uqeereeqee kaqinni amiqiraqoo quqaqisaa.

1 Yoohanee 5:15

Maasa Anutunara moo ainainara innaaru qiananoo mifa iriannoo. Maasa minara iridaqa iraanna ainainna kuqaa qimiannoo fee qidaqa.

1 Yoohanee 5:19

Maasa maana iridaqa maasa Anutuna ainaina maridaqa. Maa maqa maaqanaki mariasa aiqama manda fasiqa aakaaqakinaa fasiqa aramandunnai maridaqa.

1 Yoohanee 5:20

Maasa maanara iridaqa asauku mundirafa Anutuna amaaku uqanna maasa Anutunara iriaqeera mina irirana qiminau. Doo maqee maasa Anutuna amaaku asauku mundirana Yisunaki marianara moodaanaki kuqaa anoona Anutunaki maridee qidaqa. Miqiqa maasa anoona Anutunaki faqa anoona asumu mariranaki faqa maridaqee qidaqa.