1 Yoohanee 5:10 - Anutuna Ufa

¹⁰ Yafa yafee Yisunara Anutuna amaaku fee qinafa narí aundurakinaafa faqa dadaaqinanoo kuqaa anoonee qiannoo. Yafa yafee Yisunara sia Anutuna faiqi fee qinafa mifa Anutunara unna qimari fasiqafee qidanoo Anutufa narí amaakuara qu ufanara unna fee qidanoo miqi qidanoo.

1 Yoohanee 5:10 Referans Kwoze

Roomma 8:16

Anutuna maraquna fannoo aniree maasa qeeqa maraquna minasaa ootupamasaannanara maasa maraquna qimamida maaqi qidanoo innee Anutuna faiqi namu mariafanoo fee qidanoo.

Karatia 4:6

Anutufa inniara mina amaaku fee qiaqeera qimaseenoo narí amaaku maraquna inni nimuqusaki aqiqoofanoo keeqafi maridanoo, mi maraqunafa inni dadaaqifaqa innee faiqi aanaaqiara fooqaana Anutunara qini qikoo fee qimariafanoo.

Yoohanee 3:33

Mi ainainna qimannimina irisee kuqaa anoonee qimasee marainna fasiqa aanaaseesa Anutunara kuqaa fee qimariasa maridaqa.

Yoohanee 5:38

Innee qini qikoofa diqiqoonara sia mina irimariafanoo minara inniki sia mina ufa maridanoo.

Heeburu 3:12

Qini qikaqaafasaauqa, innee amiqimandee rakisiaqa. Moo fannoo narí mandiriranannai faqa narí ufa rukiee marinannai faqa narí amuqusaki marinara kaqi marira Anutuna nimeesa uqamaqeefoora.

1 Yoohanee 5:1

Yafa yafee Yisunara Anutuna asauku mundira fee qinafa mifa Anutuna faiqi mariannoo. Moo fannoo akoonara rinafa mifa mi fasiqana faiqiara faqa ruannoo.

1 Yoohanee 1:10

Anutufa maasa aiqamausara aaqee mariasee kai qidanoo. Maasa náriara sia aaqee marunausee qimariana Anutunara unna qimari fee qidaqa miqi qidaqa mina ufa anoona sia maasaki marifaqa miqi qidaqa.

Idi Ufa 25:14

Yaaweefa mina ufa qaindusi mariasa niqoondi maridanoo. Mifa narí moodaanaki kira ufa qimaqoona kafaa qimannimidanoo.

Uqafiqoo Ufafa 2:17

Anutuna maraquna fannoo aiqama maqusa amaana maqaki keeqee mariasa qimannimidanoo naaqoo faqaasa iriaqa. Ooqai Isaraee maqannaasa aadana maqa maaqakinai nimarufaqa kananaana kananaana innaarunaindaraa feemu nimiaafanausa maridaqa. Maa maqee mariaqoo mandainaina faqa rakiraridaqa mina uriaaqararausa qinee kukeeqara feemu innaarunai misa nimianaura. Eekara oonisaa nári fuka nuqu akara rirana moodaa kai moodaa kai nimianaura. Mi fuka auquna sia moo fannoo misa oosana iriannoo narí kai mina oosana iriannoo. Doo mi ufana Yisufa Peerakamumma amaana maqasaa Paatoonara Yoohaneena qimaminau.

Kooroosee 3:3

Innee kuqirana aannareeqa sia mandainainara iriaqa kuqiara foora iqa mariaqa.

Aaquqira Ufa 3:32

Manda oosana maree mariasara Yaaweefa fidiaqaa midanoo. Andeeqara oosna faqaasa Yaweena afaaqasaa aqondi mariafanoo misara aididanoo.

Uqafiqoo Ufafa 12:17

Qaareena fannoo mina qafoofanoo firaaqoo uqanna aranaqoofanoo quandakinoo mi anaaseena ati aiku asauku marusa aiqama Anutuna aauqira sandufamau fimariasa Yisuna kooroo ira anoona ufamau fimariasa faqa naruanee qimasee fufa ooruku nammari afainni kikiqinoo marinau.

2 Peetooroo 1:19

Maqee maasa mina qafamaseeqa ooqeenaa tamummaqara fasiqauqa akarara kuqaa fee qimariafannana, maqee anoona qafamaseeqa doo kuqaa uqanna anoona fee qidaqa. Innee tamummaqara fasiqauqa ufa amiqimasee irifanoo naaqooki keeqainaqa amiqimandee marifaranoo. Misa ufa asukunaki qoomara foora kaaqa qaida maridanoo iqaqarana afeesiannoo duqudeeqiara foora Yisufa inni nimuqusaki kaaqa qaannoo.

Yoohanee 3:16

Anutufa maa maqanasaa mariasara amuqusa firaaqoo qunara narí amaaku moodaa uqanna amiqirana maqasaaqaraasa nimuna mina saqarikinausa sia kuridiranaki fifaranoo Anutuna naaru mariranaki fuaqeera narí amaaku niminau.

Yoohanee 3:18

Maqasaa fasiqa anaasee Anutuna faiqi namukinausa mina saqarikinausa Anutuna narirafa sia misasaa maridanoo. Sia Anutuna faiqi namukinausa sia mina saqarikinausa doo ooqai Anutuna narirafa misasaa maridanoo. Misa Anutuna moodaa faiqiara sia misa nári irirana minasaa rusirai Anutuna narirafa minarakai doo misasaa maridanoo.

Karatia 4:1

Mi ufanasaa ootupammasee maa ufana ainainafaqaafa faqa narí amaakuara faqa qimannimianaura. Faiqí moo fannoo kuqufinanoo mina faiqi mina aiqama ainaina maraanoo. Mina akoofa kaqi maru kamuqoo mina faiqi sia innooqanoo marufanoo kaqi narí akoona ainainira faiqiara foora maridanoo. Narí akoofa narí amaakuara narí ainainira faiqiara foora marifanoo saika ummaqirana dadaaqi marinara narana aandau amidanoo. Narí akoona aiqama ainaina maraaninafa maridanoo kaqi fifau ainainira faiqiara foora narí akoona faqa maridanoo.