1 Yoohanee 5:1 - Anutuna Ufa

¹ Yafa yafee Yisunara Anutuna asauku mundira fee qinafa mifa Anutuna faiqi mariannoo. Moo fannoo akoonara rinafa mifa mi fasiqana faiqiara faqa ruannoo.

1 Yoohanee 5:1 Referans Kwoze

1 Yoohanee 2:29

Innee asauku mundiranara irimariafanoo mifa andeeqeemarifa maridanoo. Innee maanara faqa doo iriaqa, faiqí fee anaasee fee moo fannoo andeeqara oosana marainafa mifa faqa Anutuna faiqiara foora maridanoo.

Yoohanee 8:42

Yisufa misa ufa iriseenoo maaqi qimasee qimanniminau. Anutufa inni nikoofa marinaqau kuqaa innee qiniara rini. Qinee Anutufinaindari maaqoo qumumaridaqa. Qinee sia qeeqafau qumiqau mifa diqiqoofaqa qumiqiafana.

1 Yoohanee 4:7

Oo qini qiqoondiuqa, maasa andeeqasee nariara nariara uriqarara ainainee qimasee ruaqa. Nariara nariara nimuqusirafa Anutunasaaqari animari ainainafa maridanoo. Nariara nariara andeeqara amuqusimarifa Anutuna faiqi maridanoo minara irimarifa maridanoo.

1 Yoohanee 3:14

Maasa kuqirana minniseeqa kaqi mariranaki ani maridaqa. Maasa nariara nariara andeeqasee qimuqusunnanara minara maasa kaqi mariranaki animaridaqee qidaqa. Yafa yafee nariara nariara sia andeeqasee amuqusinafa kaqi kuqiranaki maridanoo sia anikeeqaidanoo.

1 Yoohanee 5:4

Maasa Anutuna faiqi namu maa maqa maaqanasaaqaraa mandainaina amana maasa mina uraaqaraanaura. Maa ainainannai maasa maa maqa maaqanasaaqaraa mandainaina uraaqaraidaqa, Yisuna saqarikiranannai uraaqaraidaqa.

1 Yoohanee 4:20

Moo fannoo qinee Anutunara uriqarara ainainara rida fee qimasee quandaki narí akaqaafasaara fidiaqaa inafa unna qirafa mariannoo. Mifa narí afu qafee marina narí akaqaafasaa ririmma sia amuqusidanoo minau Anutuna sia qafee marina naqimandee fifau amuqusiraree sia amana.

1 Yoohanee 3:9

Yafa yafee Anutuna faiqi maridanoo fee sia mi fasiqafa mandaikiraqoo nidanoo. Anutuna oosana anoona uqanna minaki maridanoo, Anutufa mina akoofa marinara sia amana mandaikiraqoo fimariannoo.

Yoohanee 3:3

Yisufa iriseenoo narí qimaminoo qinau. Qinee anoona ufa ani qimamianaura. Faiqí Anutufinaindari kafaa fukasaa aanaaqi aanaaqi kamafinausa kai Anutuna ququsaki keeqeefaranoo. Kaqi marinausa sia amana fifaranoo.

1 Yoohanee 2:10

Moo fannoo narí akaqaafasaara rinafa mifa faasaana miqiranasaa maridanoo, sia minaki aiku amaki aqufirafa mariannoo.

Yoohanee 15:23

Faiqí moo fannoo qiniara fidiaqaammidanoo qini qikoonara faqa fidiaqaammidanoo.

1 Yoohanee 4:2

Innee maaqimasee nimanamasee qafaaqa, kuqaa fee Anutuna maraquna misaki maridanoo fee. Ooqai maa maqa maaqafa sia maruqoo Anutufa innaarunai Yisunasaa asauku munduseenoo kasooqaqee anee aiqama maqasaaqaraasa asumu mareena fee qimaseenoo mina qimaminau. Doo maqee inniki moo fannoo maa akooqooqaraanara Yisunara mifammifoo qinafa mifa Anutuna maraquna faqaafa mariannoo.

1 Peetooroo 1:3

Karaambaiqa Yisufa Anutuna asauku mundirana akoonara Anutunara maasa aiqamausa dufi dufi qimamaqaidaqa. Maasa aaqarana akiaqara nifauarafa firaafa marinara narí asauku mundirafa kuqiranakiqari findifinoo fukasaa aanaaqi kammafi marirana maasa paqurimma qiminau. Naaru kambiqaaninnanara maqee asasiqa doo mi marirafa maasa qumbiqaqimaqaidanoo.

Yameesa 1:18

Anutufa narí iriranannai kai narí anoona ufannai kai maasa narí fukasaa aanaaqi aanaaqikiranaki quqaqiseenoo maasa narí ufini aandau aiqama ainaina uriqararausai kamafi mariaqeera auquqisanau.

Yoohanee 6:69

Doo maqee maasa aniara kuqaa anoonee qidaqa aniara Anutufinaindari naaquqarafa mariifoo qidaqa.

1 Yoohanee 3:17

Moo fannoo ainaina narí amanasaa maqeeifa narí akaqaafasaa sarauqiranaki marina qafamasee qimudaoo qimasee amiraree qimasee narí amuqusirana amuqusinanoo narí amuqusa muqufi rafaaqafuseenoo sia dadaaqinoo, naqimasee miqinna fasiqafa Anutunara qini qimuqusaki maridanoommifoo qiannoo fee. Sia amana maridanoo.

Yoohanee 1:3

Mi ufanannai Yisunannai aiqama ainaina kambiqaqoofanoo maridanoo. Sia moo ainaina sia minannai kambiqanau. Aiqama ainaina mina Yisunannai kai kambiqanau.

1 Yoohanee 5:5

Yafasiqa anaasee fee maa maqa maaqanakinaa mandainaina uraaqaraannoo fee. Akooqooqaraana Yisunara Anutuna amaaku fee qinafa mifa maa maqanasaaqaraa mandainaina uraaqaranoo mariannoo.

1 Yoohanee 5:18

Maasa maana iridaqa sia Anutuna faiqi namu mandoosana maqee maqee maraqa fidaqa. Anutuna amaaku ititasaifanoo manda fasiqa fannoo sia amana mina mandaikamamaqaannoo.