1 Yoohanee 4:8 - Anutuna Ufa

⁸ Faiqí moo fannoo sia andeeqasee amuqusinafa sia Anutunara iridanoo. Nimuqusirana anoona uqanna Anutufa maridanoo.

1 Yoohanee 4:8 Referans Kwoze

1 Yoohanee 4:16

Anutufa maasara amuqusirana maasa qeeqa minara iridaqa kuqaa fee qimasee minasaa mundidaqa. Anutufa nimuqusirana anoona marinara yafa yafee nariara nariara andeeqara amuqusiranaki marifa mifa Anutunaki faqa marifa maridanoo, kaifaa Anutufa minaki maridanoo.

Idi Ufa 86:15

Oo Yaawee, anee kaaqa amuqusi marianna Anutufa faqa kaaqa afaari marianafa faqa mariananoo. Anee sia dauni aanoo qimarianafa mariananoo. Ani maasara amuqusirafa faqa aniki mapukusee marirafa faqa fiqaranoo maridanoo.

1 Yoohanee 4:7

Oo qini qiqoondiuqa, maasa andeeqasee nariara nariara uriqarara ainainee qimasee ruaqa. Nariara nariara nimuqusirafa Anutunasaaqari animari ainainafa maridanoo. Nariara nariara andeeqara amuqusimarifa Anutuna faiqi maridanoo minara irimarifa maridanoo.

2 Koorinti 13:11

Qini qikaqaafasaa doo maqee akara taikaanaura. Innee kaaqa andeeqaranara afeekaikamasee marararee qimariasa mariafanoo, qini ufa qunnana amiqimasee iriaqa, sia nariara nariara rairaiqiaqa, moodaanaki maridaqa asooaranaki mariaqa. Faiqí aanaaseera nimuqusirana nimimari Anutufa faqa naundura asooarana nimimari Anutufa faqa inni faqa mariani.

Idi Ufa 86:5

Oo Yaawee, anee maasa amiqimma qisaseenana maasa numoo minni qisee mariananoo. Aniara innaaru qimariasara ani misara amuqusirafa firaafa maridanoo.

Eefeesusa 2:4

Anutufa mina qafamaseenoo maasara amuqusirana faqa nifauarafa faqa firaatia marifanoo asauku mundirana saimbaqa maasa faqa kuqiranakinaana uqeera qiseenoo sia moo ainaina, Anutuna afaarirafa kai innaaruna asumu mariranaki quqanniseenoo.

1 Yoohanee 1:5

Anutuna amaaku ufa moo maasa qimaqimufaqa maasa mina akooroomasee inni qimannimidaqa. Mi ufana maaqi qinoo Anutufa kaaqa qarafa qoomara foora sia kaqikaa asukuna marifa maridanoo. Mi ufana qimaqiminau. Maasa qeeqara Anutuna faqa aqoondi fee qimasee quandaki asukunaki keeqafidaqa maasa ufa faqa marirana faqa unna qidaqa, sia anoonamau fidaqa.

1 Yoohanee 3:6

Minara maasa asauku mundiranaki mariasa sia kaqi mandainainaki nidaqa. Yafa yafee kaqi mandainainaki nida fee mifa asauku mundiranara sia irifa sia uqanna minara irimarifa maridanoo.

1 Yoohanee 2:9

Mi fukufana maaqimminoo maridanoo. Moo fannoo nariara Yisuna kaaqa qaranaki maridee qidanoo quandafi narí akaqaafasaara fidiaqaa inafa mifa sia kaaqa qaranaki maridanoo asukunaki kaqi maridanoo.

1 Yoohanee 2:4

Faiqí faqa anaasee faqa moo fannoo Anutuna aqoondi fee qimasee sia Anutuna ufamau finafa mifa unna qimarifa sia anoona ufa minaki marifa maridanoo.

Heeburu 12:29

Maasa Anutufa sia fifau ainaina maridanoo. Ida qamataikannimaqee marifa maridanoo, minara aaqara oosanara rufiaaqa, ani faqa ida qamataikaandoora.

1 Yoohanee 3:10

Doo qinee maqee Anutuna faiqi namufaqa Sadannana faiqi namufaqa akooroomasee qimannimidaqa. Faiqí anaasee moo fannoo sia andeeqara qoo nimarifa sia Anutuna faiqi maridanoo, narí akaqaafasaara faqa sia uriqarara ainainee qimaseenoo minara sia amuqusimarifa mifa sia Anutuna faiqi maridanoo.