1 Yoohanee 4:21 - Anutuna Ufa21 Doo minara qinee qidaqa. Asauku mundirafa maa naakaparufana maasa qimaqimiqoona inni qimannimidaqa. Ya fasiqa anaasee fee Anutunara uriqarara ainainee qimasee rinafa mifa quandakinoo narí akaqaafasaara uriqarara ainainee qimasee faqa ruannoo. Gade chapit la |
Mi ufana atisaa maaqimminoo marifaqa qimannimianaura. Innee Yisuna ufa irimariasa aiqama ainainara moodaa irirafa mariani aiqamausa moodaanaki kai nimuqusa quandaaqa. Innee nariara nariara nikaqaafasaara foora nimuqusidaqa aiqamausa nariara nariara ruaqa. Innee nariara nariara fifimmasee reendeenamasee miqidaqa nariara nariara qimudaoo qimasee narí dadaaqi narí dadaaqiaqa.
Maasa asauku mundirana Yisuna faqa moodaanaki maridaqa Yuda maqannaasa fainanduqirana faqa sia fainanduqirana faqa miqanda fifau ainaina maridaqa. Anoona ainaina maaqimminoo maridanoo. Nariara nariara uriqarara ainainee qimasee nariara nariara amuqusirafa inni Yisunasaa rusirana akooroo imarifa mi ainainafa anoona uqanna maridanoo.