1 Yoohanee 4:18 - Anutuna Ufa

¹⁸ Moonara rufiarafa sia kaqi kambiqaidanoo maasa manda ainaina akiqara daruandoo qimasaida rufiaidaqa. Maasa maqasaa didimari fasiqanara sia rufiaidaqa maasa didirafa rufiarana afaqasaifanoo didirafa kai maridanoo. Anutufa maasara amuqusimarifanoo maasara ridanoo. Maasa Anutunara rufiaidaqa Anutufa maasara rimarina sia iridaqara miqidaqa, Anutufa maasa dari marifaqara foora minara rufiaidaqa.

1 Yoohanee 4:18 Referans Kwoze

2 Timooti 1:7

Anutuna maraquna maasa qimufa sia maparaairana rufiarana qimidanoo, mina maraquna fannoo afeekaikirana faqa faiqí aanaaseera amuqusirana faqa qeeqa daundurai qimanasaa andeeqasee rakisirana faqa maasa qimidanoo.

Roomma 8:15

Anutufa narí nimimari maraqunafa sia inni manda rumbaranaki quqaseenoo rufiarana nimiannoo, mifa sia miqidanoo maaqimmiannoo inni mareeqeenoo inni Anutuna faiqi namu kammasainaqa mina afeekannai kai qifaaqa quqasee maasa Anutunara maasa qikoonee qidaqa.

1 Yoohanee 4:12

Sia moo fannoo Anutuna qafoosa maridaqa maasa nariara nariara riranannai Anutufa maasaki maridanoo mina amuqusirana anoona doo maasaki anoonaikinoo maridanoo.

Heeburu 12:28

Doo maasa sia kasira ququsaki maridaqa minara maasa susuia. Maasa minara quandakiqa Anutuna aidiranamau kai narí amooqia. Oori kandamasee rufiaqa rufiaqa qiranannai narí amooqia.

Yameesa 2:19

Anee fee aneennaraa kai fee Anutufa moodaa mari fee qimasee mi iriranannai kai anee amiqiranaki maridee qidanee. Oo amana innee afaannauqa ufa moodaamau aamasee qimariasa mariafanoo. Afaannauqa faqa Anutunara moodaa mari fee qidaqa nariqa mandainaina akiaqara narifandinnanara iriafanoo naaquqaidanoo naindiri raidanoo.

Idi Ufa 119:120

Qinee aniara rufiaidaqa. Qinee ani andeeqasee rainannimaqaranara irunanoo rufiarafa qini qumbiqa qimaqaidanoo.

Idi Ufa 73:19

Misa tautummaki mandainainaki kuridiranaki aqufidaqa. Miqi mariasa manda kuqiranaki ooqu fidaqa.

Mataioo 9:34

Miqi qufaqa Farisai amaana ufa irimarusa minara kaukaata qimaseeqa qiqau. Yisufa afaannauqa firaanannai faiqí naundurakinaa afaannauqa niqiqaidanoo.