1 Yoohanee 3:23 - Anutuna Ufa

²³ Anutufa maa naakaparufana maasa qimaqiminau. Innee qini qimaaku Yisuna qini qisauku mundiranara inneeqa irirana minasaa rusisee quandaki narí mina ufamau fiqa nariara nariara uriqarara ainainee qimasee nimuqusiaqee qinau.

1 Yoohanee 3:23 Referans Kwoze

Yoohanee 13:34

Doo maqee qinee fuka aaquqira ufa qimannimidaqa. Innee nariara nariara nimuqusidaqa nariara nariara ruaqa. Qinee inniara qimuqusufaqa inniara rimariqia innee faqa qini daanna raaqa nariara nariara ruaqa.

1 Peetooroo 1:22

Maqee innee Anutuna anoona ufa irisee maraafanoo mi ufanannai inni ninukama findaukamaseenoo. Innee inneeqa niqoonausa mi ufana irimariasara kuqaa nimuqusidanoo nidimarifaqa minara kaifaa qinee qimannimidaqa inneeqa nimuqusa ookiqari noori kandamasee nariara nariara nimuqusidanoo nidiani.

Yoohanee 15:12

Qinee ufa moo aaquqira ufa qimannianaura iriaqa Innee qini daanna ramasee nariara nariara ridaqa nidiani.

Yoohanee 6:29

Yisufa iriseenoo maaqi qimasee qimanniminau. Innee maaqimasee Anutuna ainainamaisaaqa. Narí aqiqainna fasiqana mina saqarikiqa minasaa naundura rusiaqa. Anutuna ainainirafa miqimminoo maridanoo.

1 Peetooroo 4:8

Aiqama amiqira ainaina urinaaqararafa maafa maridanoo, sia nifaurunnoo kai unna qimasee nariara nariara ruaqa, nisaukunnoo dadaaqirana faqa nimuqusannai faqa nariara nariara ruaqa. Nariara nariara nimuqusirafa moomoo manda oosana rafaaqafidanoo.

1 Yoohanee 3:11

Ooqai indaaru maa ufana innee irimarusa mariafanoo mi ufana oosana maaqimminoo maridanoo maasa nariara nariara uriqarara ainainee qimasee nimuqusiani.

1 Yoohanee 4:21

Doo minara qinee qidaqa. Asauku mundirafa maa naakaparufana maasa qimaqimiqoona inni qimannimidaqa. Ya fasiqa anaasee fee Anutunara uriqarara ainainee qimasee rinafa mifa quandakinoo narí akaqaafasaara uriqarara ainainee qimasee faqa ruannoo.

Mataioo 22:39

Mina aanaaqiana mina fooqaafa maaqimminoo maridanoo. Innee inneeqa nipatasaa amiqimmasee rakisidaqa rimariafanoo doo innee miqi kai iqa niqoonausara faqa rakisidaqa ruaqanani.

Yoohanee 17:3

Naaru naaru marirafa maaqimminoo maridanoo. Maqasaa fasiqa anaasee misa ani moodaa kuqaa Anutunara irisee mi iriranamau firafa kafaa qini Yisusa ani asauku mundirausara anee diqiqoonausara miqikaimasee irisee mi iriranamau firafa, mifa kai naaru naaru marirafa maridanoo.

Yoohanee 14:1

Yisufa miqi qimaseenoo aiqama qimanniminoo qinau. Innee sia nimukee marinaqa maparaaiaqa. Innee Anutuna saqariki mariafanoo doo qini faqa saqarikiaqa.

Idi Ufa 2:12

Naindiri ree marinaqa mina oorinni niqoori saunu araaqa. Innee sia miqifanoo mifa aanoo qinaqa innee kuqifaranoo. Mifa itita qimaqaanifee qimasee mifinnai fimariasa asasi mariasa maridaqa.

1 Timooti 1:15

Maa ufana anoona ufa maridanoo qumaree iri maria ufafa maridanoo asauku mundirafa Yisufa manda oosana maree mariasa asumu maraanee qimasee quminau. Qinee Pauroosa mi mandoosanna uriqararausa mariafananoo Anutufa sia qini darinoo qifauanau. Asauku mundirafa Yisufa narí kasoomambi qini qifiqaranara firaana firaaqoo koorooianifeera mandoosana uriqararausa qini qifauanau. Miqimaseenoo Yisufa qini mareeqeenoo akooqoo quqasoofaqa naaru kasooqaqee Yisuna mandaaqasee naaru marirana maree mariasa qini kikiqususaidanoo qini mandoosana uriqaranoo maruna ririmma qifauamaseenoo minni qisanau. Innindi oorudupinoo maridanoo mina mandaaqasaifanoo kaqi inni faqa maraanauree qinau. Qinee minara irisee amooqira ufa maaqi qimasee qianaura.

Yoohanee 1:12

Akaqausa asasammasee maroosa Anutuna ufa Yisufa misara innee Anutuna faiqi kamambi mariaqee qira ufa niminau. Minara kuqaa Anutunee qimasee naundura amimarusa mina faiqi kamambi mariaqee qira ufa niminau.

Yoohanee 2:23

Mi fasannai ainnaaqarara qoomaqa kamuqoo Yisufa Yeerusareenni marufaqa moomoosa mina sia faiqí amana auqeemaria ainaina qafamasee kuqaa Anutuna asauku mundira fee qimariqau. Maa fasiqafa Anutuna afeeka eeraarirana kooroo imarifa maridanoo fee qimariqau.

Yoohanee 3:18

Maqasaa fasiqa anaasee Anutuna faiqi namukinausa mina saqarikinausa Anutuna narirafa sia misasaa maridanoo. Sia Anutuna faiqi namukinausa sia mina saqarikinausa doo ooqai Anutuna narirafa misasaa maridanoo. Misa Anutuna moodaa faiqiara sia misa nári irirana minasaa rusirai Anutuna narirafa minarakai doo misasaa maridanoo.

1 Yoohanee 2:7

Qini qifaaqasaa qiqoondiuqa. Maa ufana sia fuka ufa maridanoo innee oosanaindari iri maria ufafa maridanoo. Ooqeenaa ufa irimariafa maridanoo.

1 Yoohanee 4:15

Ya fasiqa anaasee fee maa maqanasaaqari Yisunara kuqaa Anutuna faiqi fee qinafa Anutufa minaki maridanoo mifa faqa nariki maridanoo.

1 Yoohanee 5:13

Innee Anutuna amaakuara irirana rusimariasa innee doo naaru marirana doo maree fee qiaqeera maa ufana akara rumannimaqaidaqa.