1 Yoohanee 3:17 - Anutuna Ufa

¹⁷ Moo fannoo ainaina narí amanasaa maqeeifa narí akaqaafasaa sarauqiranaki marina qafamasee qimudaoo qimasee amiraree qimasee narí amuqusirana amuqusinanoo narí amuqusa muqufi rafaaqafuseenoo sia dadaaqinoo, naqimasee miqinna fasiqafa Anutunara qini qimuqusaki maridanoommifoo qiannoo fee. Sia amana maridanoo.

1 Yoohanee 3:17 Referans Kwoze

Heeburu 13:16

Maa ainainna faqa sia aunuaqa, narí amiqi narí amiqiaqa, inneeqa ainaina innee iriranannoo kai raineeqee niqoonausa narí ami narí amiaqa. Anutufa miqira ainainara amiqira tatufira aandaura foora maridanoo fee qidanoo qaqaara raidanoo.

1 Yoohanee 4:20

Moo fannoo qinee Anutunara uriqarara ainainara rida fee qimasee quandaki narí akaqaafasaara fidiaqaa inafa unna qirafa mariannoo. Mifa narí afu qafee marina narí akaqaafasaa ririmma sia amuqusidanoo minau Anutuna sia qafee marina naqimandee fifau amuqusiraree sia amana.

Ruka 3:11

Oo Yoohanee maasa ani ufara naqi fee ianauree qufanoo Yoohaneefa qimanniminoo qinau, qaara siuta faqaafa siuta siaina moo amia narana faqaafa rainasee narana siaina amia.

Aaquqira Ufa 19:17

Anee kudi fasiqa anaasee narana aina nimidana Yaaweena amiara foora imariananoo kasooaqee Yaaweefa mina akiiqara ani faqa amiannoo.

Yameesa 2:15

Qinee minara iridaqa moo ainaina kikiqa usuanaura. Inni nikaqaafasaa fee nisooqmaakee kuqaa sarauqimariasara qidaqa misa innee innannai aniree naranaree qamunnaree innaaru qifaqa innee sia nimiqa fifau nifaurukoo kai maaqi qia Anutufa inni amiqi amiqiannoo innee oonu qamunna afisusaifanoo inni nifaaqa tootoo qinaqa narana suqasee naaqa. Miqira ufa sia anoona maridanoo fifau ufa maridanoo. Anee kaqi kasinana nipatasaa sarauqi maria ainainna andeeqasee nimiaqaana.

Aaquqira Ufa 28:9

Faiqí moo fannoo Yaaweena sandufa ameesuqinafa Yaaweenara inaaru qinanoo Yaaweefa mina innaaru irinoo fidiaqaammiannoo.

2 Koorinti 8:9

Innee asauku mundirana Yisuna maasa karaambaiqa amuqusira dadaaqiranara amiqimandee irimariafanoo mifa innaarunai ainainafaqaafa uriqararafa marinoo inniara irisee maa maqanasaa qumu ainaina siaifara maqi mafinoo marinau. Yisufa narí ainaina siaifara maqi iranannai innaarunai ainaina faqaasa mariaqeera miqi marinau.

1 Yoohanee 5:1

Yafa yafee Yisunara Anutuna asauku mundira fee qinafa mifa Anutuna faiqi mariannoo. Moo fannoo akoonara rinafa mifa mi fasiqana faiqiara faqa ruannoo.

Aaquqira Ufa 12:10

Andeeqara fasiqauqa nári aandau kuara faini nimuqusi marifaqa rakisidaqa. Manda oosana maree marifa kuara faini kaukaata qimannimaqaidanoo.

Aaquqira Ufa 14:31

Kudi fasiqara kaukaata qinana mina auqu fasiqana Anutunara faqa kaukaata qimariananoo. Kudi fasiqara amuqusinana dadaaqinna anee Anutuna amooqidana mina auqu uqeeree mariananoo.

Aaquqira Ufa 21:13

Kudi fasiqa fannoo dadaaqiaqeera nammeera qinana anee sia irinana kasooaqee anee faqa nammeera qinaqa sia moo fannoo iriannoo.