1 Yoohanee 3:15 - Anutuna Ufa

¹⁵ Yafee faiqí moo fannoo narí akaqaafasaara fidiaqaa imarinafa mifa doo kuqa nárí marifa maridanoo. Innee maana iridaqa faiqí kuqa nárí mariasa sia naaru marirafa misaki maridanoo.

1 Yoohanee 3:15 Referans Kwoze

Uqafiqoo Ufafa 21:8

Maparaa imariasa faqa ueeqee mariasa faqa kaaqa ufa rukiee mariasa faqa faiqí anaasee kuqa narimariasa faqa kaaqa faiqí aanaaseera rimariasa faqa aukainaina maraqa nuasa faqa tumunnai faiqí nimana auqusaida minara rufiasaida innaaru qimariasa faqa aiqama oosana oosana unna ufa qimariasa faqa mi mandoosanna maraqa nuasa misa maqusai ida farumaki marifaranoo. Miqoo ida firaafa fasafasainoo mandundi marifa mariannoo. Mi idana auqu inaaqiannaa kuqirafa maridanoo.

Yoohanee 8:44

Afaanna nikoofa Sadannafa maridanoo. Innee mina faiqi namu maridaqa mina aanna ree mariafanoo. Ooqaindari faiqí kuqannarimarufa maridanoo. Sia anoonufakifau mapukinoo maridanoofau. Anoona ufa sia uqanna minaki marifa maridanoo. Mifa unna ufa qinoo narí oosanamau kai fidanoo. Mifa unna ufa qimarifa maridanoo unna ufa qimariasa nikoofa maridanoo.

Yameesa 1:15

Nári mi manda nidirafa innooqeenoo radiqififanoo mandoosana kambiqaidanoo. Mandoosana kambiqeenoo innoqafinoo kuqiranaki aqufidanoo.

Yoohanee 4:14

Qinee nimianna nammarina namasainafa mina aunduraindari naaru marira nammari maqee maqee uridanoo naaru marirana amiannoo.

Mareekoo 6:19

Eeroodia nammarifa Yoohaneena ufa irisoofanoo afaaqai kaqi ati qanoo marufanoo maridanoo mina ariranara randee marufanoo Eeroodeefa qaoo qufanoo sia arinau.

Mataioo 5:28

Faiqí moo fannoo sia anaasee mareennara kaqi afu kai qafainnara aaqoo kai oonu mafi irinnanara minara Anutufa doo ummuarammiaanoo qiannoo.

Oosana 27:41

Yakooboofa Eesauna afaaqooqa maree fifufanoo Eesaufa narí akaqara akoo qaidanoo fidiaqaammi marinau. Miqi marufanoo maaqi qimasee narí kai oonu mafi iriseenoo qinau. Kaqi kaaqoo maasa qikoofa kuqu finaqa soofaara taikaseeqa mikari qeeqa qikaqa kuqamma aruanaura.

1 Peetooroo 1:23

Anutuna akarakinaa ufa fannoo ooqai kaqi marufa maqee marifa naaru naaru kaqi marianinafa innee minannai kafaa oorudupi mafi kafaa fukasaa aanaaqi kammafi mariafanoo. Sia maaqoo kuqimaria nikoona faiqi namu mariafanoo, Anutuna kasimari akarakinaa ufannai naaru naaru marianinna nikoona faiqi kammafi fukasaa aanaaqi kammambi mariafanoo.

1 Yoohanee 2:9

Mi fukufana maaqimminoo maridanoo. Moo fannoo nariara Yisuna kaaqa qaranaki maridee qidanoo quandafi narí akaqaafasaara fidiaqaa inafa mifa sia kaaqa qaranaki maridanoo asukunaki kaqi maridanoo.

1 Yoohanee 2:11

Narí akaqaafasaara fidiaqaa imaria fasiqa anaaseesa asukunakiara foora maridaqa, asukunaki nidaqa firannai anirannaira randaidaqa mikimakanidaqa asukuna fannoo misa nifusaa ititanoo marifaqa miqidaqa.