1 Yoohanee 3:12 - Anutuna Ufa

¹² Maasa sia Kaina aanna raa, mifa Sadannana faiqi maridanoo narí akaqa arinau. Kainafa nanaree narí akaqa arinoo fee inau. Narí auqoo ainaina mandaikufanoo, mina marirafa nirafa eendaandinoo marunara narí akaqa nirafa marirafa andeeqanoo marunara minasaara aanoomaseenoo arinau.

1 Yoohanee 3:12 Referans Kwoze

Heeburu 11:4

Kainafa Anutuna tatufirana suqa amiraree qimaseenoo ureeqarana suqa aminau. Abeerafa Anutunasaa irirana rusi marunanoo narí afasaana Kainana tatufirana uraaqaranau. Abeerafa Anutuna saqariki marunara Anutufa Abeeranara andeeqara fasiqafee qimaseenoo mifa amu ainainara asasinau. Abeerafa ooqai kuqinoo maridanoo mina ufa fannoo kaqi maasa qimaqimidanoo. Innee faqa miqikai mandee Anutuna saqarikiaqa. Miqi qidanoo Abeerafa naamua qidanoo.

Aaquqira Ufa 29:27

Andeeqarausa manda oosana maree mariasara fidiaqaa midaqa. Manda oosana maree mariasa andeeqarausara fidiaqaa midaqa.

Oosana 4:25

Adamafa kaifaa narí anaaqa faiqi mara amisoofanoo amuaqu qaikinoo akoonaiqi moo maqaseenoo mina auqu Seetanee qinau. Miqi qimaseenoo mina anoofa qinau. Anutufa qini qimaaku moo qiminoo narí afasaana Abeerana amaaqa maqaanifeera qiminoo mifa Kainafa aruna amaaqa maqaannoo.

Yudeesa 1:11

Misa narirafa firaaqoo mariannoo. Minara irifanoo naaquqaani. Misa Kaina aatata fidaqa. Kainafa Anutuna ufa rukiee marufa maridanoo narí akaqa arinau. Misa kafaa Baraamana manda aatata fidaqa minaki keeqararee qimaseeqa narí rarisee narí rarisee mamaree fidaqa. Baraamafa munnimmara rumammareenoo unna qimasee Isaraee maqannaasa rarisameeqee mandainainaki quqee marinau. Misa moo fasiqa ooqeenaa fasiqa Kooraana aanna raidee qimasee Mooseenasaaqari rakeemaku aadumarunna nariara moo karaambaiqee qimasee fufanoo Anutufa mina faqa mina aiku asauku mina faqa fusa faqa narinau. Maa inniki mandoosana uqeeree mariasa nariqa kai nári narirana mareeqee Anutuna nariranaki quqaseeqa minaki maridaqa.

Ruka 11:51

Mi aiqama kuqannarirana akiaqara qinee aiqama mareeqee maqee mariasasaa quqaanaura.

Aaquqira Ufa 29:10

Faiqí fidika ruiqarara rimariasa andeeqara fasiqara fidiaqaa midaqa. Andeeqara fasiqauqa misa mariranasaa itita nimaqaidaqa.

1 Peetooroo 4:4

Ooqai innee faqa misa faqa mandoosana qambaanai aqufiqa mariusa mariafanoo doo maqee sia misa faqa fuafaqa misa tautiqa aanooqiqa aasaandaana mandufa inni qimannimaqaidaqa.

Heeburu 12:24

Ooqai Kainafa narí akaqa Abeerana arufanoo mina fidika teeqinau. Abeerana fidika fannoo Anutunara qini fidika akiaqara anee qiannee qidanoo. Maqee innee Yisuna fidika Abeerana ooriqararana teeqiraqoo ani mariafanoo. Yisuna fidika fannoo Anutunara maasa numoo akiaqara minniqisaannee qidanoo uriqaranoo maridanoo. Innee maqee fuka moodaanaki kira ufa quqee marianaki Yisunaki ani mariafanoo.

Idi Ufa 38:20

Qini amiqira oosana akiiqara mandaikammaqimaqee mariasa misa qinee andeeqaramau fimarunaqa misa qini namuqaakamma qimaqaidaqa.

Idi Ufa 37:12

Manda oosana maraqanuasa andeeqarausa nariraree qimasee tipundaaridaqa. Miqidaqa misa andeeqarausara fidiaqaaira noori nifiri maraidaqa.

1 Yoohanee 3:8

Yafa yafee mandaikiraqoo kaqi nimarifa mifa Sadannanaindi maridanoo, Sadannafa nikaruqirafa maridanoo nikaruqiannoo. Ooqai oosana arooqooqari mandainainaki nimarifa Sadannafa maridanoo Anutufa narí amaaku maa ainainnara maa maqanasaa koorooinau, Sadannana mandainainirana arutaikaanifeera maa maqanasaa koorooinau.

Yoohanee 10:32

Qinee moomoo amiqira ainaina auqaidaqa qini qikoofa qimu ainaina auqaidaqa innee nana amiqira ainainara irisee fee minasaara oonisamu qini darirara qidee.

Mataioo 27:23

Piratoofa kaifaa misa irammirinoo qinau. Nana mandainainee marinaqee qinee aruanauree qimasoofaqa misa aiqamausa darara qimasee qiqau. Aunirira saqarisaa arua.

Mataioo 13:38

Ququsaki maa maqanasaa mariasa maridaqa. Amiqira qaqamma karaambaiqa aiku asauku mariasa maridaqa. Kukura manda faiqi mina aiku asauku mariasa maridaqa.

Mataioo 13:19

Moo fannoo qini ququsakinaa ufa iriseenoo sia irinoo manoo manaa imarifa, qaqamma mina amuqusaki kakasammasaifanoo manda faiqi fannoo animaree fifinoo. Maafa qaqamma fooqaana aanasaa kukupee marifanoo siara foorammidanoo.

Uqafiqoo Ufafa 17:6

Qinee Yoohaneesa mina akara qafeeqa mi anaaseena oosana qafaunanoo furufaramminoo marifaqa qafeeqa. Mifa Anutuna maqasaaqaraa faiqí anaasee fidika faqa Yisuna ufara afeekaiki mariasa fidika faqa uainna nammariara foora misa narusee misa fidika neeneeseenoora foora furufarinoo nimari anaaseefa. Qinee mina qafamasaunanoo firaaqoo daaquqeenoo. Qangiroo fannoo miqiafananoo qiqafeenoo qinau.

1 Teesaroonika 2:14

Ooqai Yuda maqannaasa nári niqoonausa asauku mundirana Yisuna ufa irimarusa irisoona akiaqara kadaapirirana nidafirana nimiqau. Innee Teesaroonika maqannaasa faqa asauku mundirana Yisuna ufa irisoofaqa inniqa niqoonausa nikooqoofaqa miqi undee kai iqa nidafirana aupurarana inni nimiqau.

Aaquqira Ufa 27:4

Aanoo qirafa faqa aranaqarafa faqa mandainaina maridanoo. Aqoonnanara rairai qirafa misa firaafa maridanoo.

Mataioo 5:37

Minara innee eedoo qiaqeera eedoo kai qiaqa. Innee qaoo qiaqeera andeeqasee qaoo kai qiaqa. Anee moo ainaina kikiqa usinana aneenna amuqusa ookiqari mandainaina marinakiqari moo ainaina kikiqa ususee unna qiananoo.

Yoohanee 8:40

Qinee qeeqa qikoonasaaqaraa ufa kai inni qimannimimarunaqa innee quandafiqa qini darirara qimariafanoo Abarahaamafa sia mi oosanna maranau.

Yoohanee 8:41

Innee inneeqa nikoona uqanna oosana maraidaqa miqi mariafanoo. Misa mi ufana iriseeqa qiqau. Maasa sia qummuara faiqifau maridaqau. Maasa moodaa fasiqa faiqi Anutufa narí uqanna maasa qikoofa maridanoo.