1 Yoohanee 2:24 - Anutuna Ufa

²⁴ Ooqai indaaru Yisuna ufa iriusa mifa inni naunduraki marinara amiqimasee rakisiaqa. Yisuna ufa irufa inni naunduraki marinaqa doo innee minannai amaaku faqa narí akoona faqa atukarasee miqandaki marifaranoo.

1 Yoohanee 2:24 Referans Kwoze

Yoohanee 14:23

Yisufa iriseenoo qinau. Yafasiqa anaasee fee qiniara rimarinafa qini ufa maree mari fasiqa anaaseefa mifa qiniara rimarifa mariannoo. Miqinna fasiqa anaaseena qini qikoofa Anutufa minara faqa ruannoo. Mifa faqa qinee faqa mi fasiqa anaaseesa innannai oonuree umee mina faqa marianaura, miqimaseeqa maasa inni nifusaa kai koorooianaura. Maqasaaqaraa irirana faqaasa nifusaa kukeeqaanaura.

1 Yoohanee 4:13

Maasa maaqi qimaseeqa Anutunara kuqaa maasaki marifaqa maasa minaki maridee qianauranoo. Mifa narí maraquna maasa qimunara maasa minaramma irianaura.

1 Yoohanee 4:16

Anutufa maasara amuqusirana maasa qeeqa minara iridaqa kuqaa fee qimasee minasaa mundidaqa. Anutufa nimuqusirana anoona marinara yafa yafee nariara nariara andeeqara amuqusiranaki marifa mifa Anutunaki faqa marifa maridanoo, kaifaa Anutufa minaki maridanoo.

Uqafiqoo Ufafa 3:3

Innee ooqai qini ufa irimaria oosannara naaqoo irisee qini ufara faqa irisee eedoo qimasee mi mau fifanoo inneeqa mandoosana quandaaqa. Innee sia faiqaranakiqari tauti findififaqa qinee ummuari mari fasiqafara foora tautumannimaqasee anireeqa naruanaura.

1 Yoohanee 2:7

Qini qifaaqasaa qiqoondiuqa. Maa ufana sia fuka ufa maridanoo innee oosanaindari iri maria ufafa maridanoo. Ooqeenaa ufa irimariafa maridanoo.

Yoohanee 15:7

Innee qiniki marirara kai idaqa marifaqa qinee qimannimunna ufafa inniki marirara kai imarinaqa innee nana ainainaree qiniara iraifaqa nimianaura.

Uqafiqoo Ufafa 3:11

Qinee qusasaa qumuanaura. Innee uriqaraqa mariana amiqimmandee rakisi qumaraaqa moo fannoo qumaraandoora.

Kooroosee 3:16

Asauku mundirafa nimu ufana innee iriseeqa maqee maqee eedoo qidaqa mi mau kai fimarifanoo inni naunduraki mi adiafaairafa qumbiqaani. Innee mi mariranasaa fidaqa iriranannai kai narí andeeqee narí andeeqee iaqa. Firaa iriranannai aiqamausa narí aaquqimamaqaina narí aaquqimamaqaina iaqa. Anutuna maraquna fannoo amaana idi nimuna mi idina maqee maqee raqa nuaqa. Idi roona auqu Dafidifa mina idi faqa ooqeenaasa amaana idi faqa mi idisa maqee maqee raqa nuaqa. Raqa nidaqa Anutunara asasidaqa dufi dufi qidaqa mi idi namusa raqa nuaqa.

Idi Ufa 119:11

Qinee ani naamuaqira ufa qumareeqa qeeqa qimuqusaki quqaseeqa sia ani mandaikamma amaqaanaura.

1 Yoohanee 1:7

Maasa Anutuna aanna reeqa suanisaa rakeeiraqoo nunausa moodaanaki marunausa maridaqa nariara nariara aqoondi kammiqa maridaqa. Maasa Anutuna aanna reeqa kaaqa qara qoo fimarunanoo narí amaaku Yisuna fidika fannoo maasa aaqarana numoo aiqama findaukaidanoo.

Heeburu 3:14

Maasa indaaru paasoosamandee Yisuna qumareeqa. Maqeendari maqeesaa paasoosamasee Yisuna qumareeqa mina kai afaqaqa fifi inaqa taikainna aukuana qumarainaqa maasa mina faqa moodaanaki ainaini marunausara maqi mafiqa mina qumaraanaura.

Firipi 4:15

Ooqai indaaru inni maqa maaqa Maseedoonia minnisee amiqira fasaasa ufa maqusa maqusa qimannimiqa niniufaqa innee Firipi maqannaa Yisuna ufara suqimarusa kai sia moo maqannaasa inneeqa kai dadaaqiusa mariafanoo. Inneeqa kai narana munnimma qimufaqa minannai qeeqa narana aina maraseeqa namasaida ainainiqiafana.

3 Yoohanee 1:3

Oo Kaiusafa ani akaqaafasaa mai anireeqa aniara Yisuna anoona ufamau maqee maqee fimarianaqa qimaqimiafaqa mina iriseeqa asasidaqa. Kuqaa anoona maree mariannanara ani oosana koorooifaqa qinee qafeeqa.

Heeburu 2:1

Minara maasa anoona ufa irimariafannufana qumareeqa amiqimma rakisi qumaraanauranoo. Sia miqifanoo maasa nammariara foora aufinoo maasa maree fuandoora.

Yoohanee 8:25

Misa uriqararausa mina iriseeqa qiqau. Anee yafee maridanee qufanoo Yisufa qinau. Indaaru qimannimiafanausa misa kai maridaqa.

Aaquqira Ufa 23:23

Kuqaa anoona qira ufa faqa amiqira irirana faqa afeekaikammasee maraa. Firaa ainaina marinara sia uqasaina moo fannoo feefauriani.

Ruka 9:44

Faiqí anaasee Yisufa auqoo ainainara naaquqoofaqa narí qimami narí qimami masoofanoo, Yisufa quandaki narí faiqi namu qimanniminoo qinau, innee maa qimannimianaqa sia aunuaqa amiqimasee iriaqa. Qinee faiqí nimaaku uqanna Anutufa qini mareeqee faiqí faiqi nisaukuki quqaqisainaqa darifaranoo fee qufaqa sia mi ufana oosana iriqau, Anutufa misa irirana ititasoofaqa sia iriqau, Yisuna irammirianee rusia minnisaqau.

Yoohanee 6:56

Faiqí anaasee moo fannoo qini qimaqi fidika neemarifa qiniki maridanoo qinee minaki faqa maridaqa.

1 Yoohanee 3:24

Yau yausee Anutuna naakapara ufamau fimarinausa misa Anutunaki marifanoo kafaa Anutufa misaki maridanoo. Anutufa narí maraquna nimiqoona minara Anutufa maasa daunduraki maridanoo fee qidaqa.

1 Yoohanee 4:15

Ya fasiqa anaasee fee maa maqanasaaqari Yisunara kuqaa Anutuna faiqi fee qinafa Anutufa minaki maridanoo mifa faqa nariki maridanoo.

2 Yoohanee 1:9

Faiqí moo fannoo asauku mundirana ufamau sia fimarifa fiaikatee fimarifa mifa sia Anutuna faiqi mariannoo. Asauku mundirana ufamau kai fimarianafa sia asauku mundirafa kai minaki maridanoo, mina akoofa faqa minaki maridanoo.