1 Yoohanee 2:20 - Anutuna Ufa

²⁰ Innee sia misa naanna ree mariasa mariafanoo asauku mundirafa kuqaa narí naaquqara andeeqara maraqunna inni naakunnimaqee marifaqa mariafanoo innee Yisuna anoonufara irimariafanoo.

1 Yoohanee 2:20 Referans Kwoze

Yoohanee 14:26

Inni fuka dadaaqirafa naaquqara maraquna qini qikoofa kasooqaqee nimianinnafa mifa aiqama ainainara qimannimiannoo. Qinee faqa aiqama ufa qimannimiafannana mifa minara inni naaqoo auqainaqa oonumafi irifaranoo.

1 Yoohanee 2:27

Qinee inniara iridaqa asauku mundirafa narí ufa inni naakunnimaqoofanoo maridanoo. Mina ufa fannoo inniki maridanoo sia fifau moo fannoo aana inni uqannifiqaannoo. Mina ufa fannoo narí kai aiqama ainaina anoona ainaina faqa unna ainaina faqa rainasee qimannimidanoo sia moo unna qidanoo. Innee Yisuna ufa irisee eedoo kai qiaqa. Miqidaqa asauku mundiranaki kaqi mariaqeera qidaqa.

Aaquqira Ufa 28:5

Manda oosana maree mariasa sia andeeqara oosanara iridaqa. Yaweenara inaaru qimariasa misa andeeqara oosanra amiqimmasee iridaqa.

Idi Ufa 23:5

Anee qini namuqaa nifusaa firaa oomaqa qini qimiananoo. Qinee uriqarara fasiqara foora marunana qini daarama quqaananoo. Anee amiqi amiqira ainaina namariara foora qini kaafaki adia afairaqaramma qimiananoo.

Yoohanee 16:13

Miqimarianara kuqaa anoona ufa qira maraquna fannoo qumureenoo inni mareeqeenoo anoona ufa mariranaki mara quqaannoo. Sia mi maraqunafa narí kai ufa qimannimiannoo qini dookinaana kai irinoo inni qimannimiannoo. Mifa kasooqaqee kambiqaaninna ainainara tamummaqasee iriseenoo inni qimannimiannoo.

Heeburu 1:9

Anee andeeqara oosanara rimarianafa mariananoo. Anee mandainainara fidiaqaa imarianafa mariananoo. Minara kai ani Anutufa ani aqoonausakinaana rusandeesamumasee maraseenoo firaanaikamandoofa maridana asasimariananoo.

1 Yoohanee 4:13

Maasa maaqi qimaseeqa Anutunara kuqaa maasaki marifaqa maasa minaki maridee qianauranoo. Mifa narí maraquna maasa qimunara maasa minaramma irianaura.

Idi Ufa 45:7

Ani andeeqaranara aidinoo mandainainara fidiaqaa inoo imarifa mariananoo. Minara kai ani Anutufa ani utaaqamaseenoo asasirana ani akiiqa amoondunna akaqa uriqararausa adia nimaqaina faqa uraaqa ramasee adia amaqeenoo.

Ruka 4:18

Karaambaiqa maraquna fannoo qini daakinoo maridanoo, mifa kudi fasiqauqa amiqira fasaasa ufa qimannimiannee qimasee asauku qinisaa mundinau, rumbaqa mariasa idukuaki fuaqeera qini diqiqanau, nifu dimbarausa faqa nifu maqannisaaneera faqa qini diqiqanau, moo maqannaasa ani mara moo maqannaasa aupurarana nimimariana minakinaana idukuaneera faqa qini diqiqanau, karaambaiqa narí maqannaasa mandainainakinaasa maraaninna aukuanara qimannimirara qini diqiqaifaqa ani maridaqa.

Idi Ufa 92:10

Kaasau burimakau akoona afeeka amana kai qini faqa qimimariananoo. Anee asasiranannai qini amiqi amiqimma qimaqaananoo.

Idi Ufa 71:22

Oo qini Anutu, ani mapukusee marira oosanara piripunna aridaqa ani amooqianaura. Oo Isaraee maqannaasa naaquqara Anutufa, qinee piripunna aridaqa ani amooqira idi raanaura.

Uqafiqoo Ufafa 4:8

Mi aandau namusa qisauku dinni taikasee dinni ani moodaa marasee niqoosa faqasaa mariqau. Mi namusa nifaaqasasa faqa naunduraki faqa nifu moomoo marinau. Mi namusa eendaki faqa faasaana faqa idi raida kai mariqau. Misa maaqi qimasee idi ree mariqau. Anutufa karaambaiqa afeeka uriqararafa naaquqarafa naaquqarafa naaquqarafa. Ooqai marufa maqee marifa kasooqaqee marianinafa maridanoo.

Uqafiqoo Ufafa 3:7

Yisufa miqi qimasee Saradisa amaana maqa Paatoona qimamiseenoo quandaki Firadeerafia amaana maqasaa rakisimarunara Yoohaneena qimaminoo qinau. Yoohanee anee maa ufana akara rumeeqeenana Firadeerafia amaana maqasaa rakisira Paatoona maaqi qimasee amaqaa. Ooqai Dafidifa kooqi kiqa uaqeeuna qinee Yisusa maqee mina uaqeeidaqa ani qimamidaqa. Qinee naaquqara andeeqarausa kuqaa anoona oosana oosana mareemarunausa maa ufana inni qimannimidaqa. Qinee kiqannai kooqi ititasaana sia amana moo fannoo atuarana amana maridanoo, kaifaa qinee kooqi atuasaananoo moo fannoo sia amana ititaannoo.

Heeburu 8:11

Sia moo fannoo narí aqoonnanara fuki faaki qiannoo. Sia moo fannoo narí aqoonnanara Anutunara iriannee qiannoo. Misa aiqamausa uriqararausa faqa ureeqarausa faqa qiniara irifaranoo.

1 Koorinti 2:15

Maraquna maree maria fasiqanaaseesa innaarunaindaraa ufa aina aiqama raina raina masee irimarifaranoo. Maraquna siaisa kaiqeesa sia amana maraquna faqaasa maree mariana oosana irifaranoo.

Ruka 4:34

Oo Yisufa Nasareetee maqusanaafa anee nanaree maasa soodaa qidanee, maasa daru taikararee anidanee qinee aniara iridaqa anee Anutuna naaquqara ufa maree marianafa mariananoo.

Idi Ufa 16:10

Anee kuqira afeeka ameemaanaindaraana ititaqimaqaannanara miqidaqa. Anee aneenna aidimarina sia minnisainanoo mifa kuqufinoo putaaiannoo.

Mataioo 13:11

Yisufa iriseenoo qinau, innee innaaruna maqusa qumee irirana iriaqeera, misa sia iriaqeera quandara ufa qimannimidaqa.

Yudeesa 1:5

Inni moo ainainara naaqoo auqaidaqa. Ooqai Anutufa Isaraee maqannaa Isipa maqusaindaraana rafiamareenoo aadana maqa maaqaki quqanau. Quqasoofaqa akaqausa quandaki Anutuna ufa rukiasee kaqirunna ubeekaqau. Miqiufanoo Anutufa sia nifauanau kaqi narinau.