1 Yoohanee 2:17 - Anutuna Ufa

¹⁷ Maa maqa maaqanaki maria mandirirana marina ainainausa faqa faiqí nidimari mandainainausa faqa doo taikanoo qumidanoo kasooqaqee firaaqoo taikaannoo. Faiqí fee anaasee fee moo fannoo Anutuna iriranamau fimarifa sia maa maqa maaqana namufaqa taikaanno, kaqi naaru naaru mariannoo.

1 Yoohanee 2:17 Referans Kwoze

Mataioo 24:35

Innaaruna faqa innaarunakinaa ainaina faqa maqa faqa maqasaaqaraa ainaina faqa aiqama taikafuannoo. Qini dookinaafa sia taikarana amana naaru naaru anoona uqanna mariannoo miqi kaimminoo mariannoo.

Roomma 12:2

Minara irisee maaqimmiaqa sia maa maqa maaqanasaa mariasa naanna raaqa. Innee eedoo qifanoo Anutufa inni nitikura amiqimmasee firaaqoo quandanniseenoo naunduraki nirana faqa quandannisaannoo. Innee miqimmaseeqa Anutuna irirana faqa Anutuna aidirana faqa amiqiranee qimariana faqa idaaqiranee qimariana faqa amiqimandee irifaranoo.

1 Koorinti 7:31

Innee maqasaa ainaina feefauru nimisaida ainaina maree mariasa sia kaaqa minara afeekaikiaqa, mana mana imariasara foora mariaqa. Maa maqa maaqafa maaqoo marinafa sia kisaaqasaa mariannoo. Qusasaa taikaannoo.

1 Peetooroo 4:2

Nipatasaa nidafirana naruqooqari innee maa maqanasaa maridaqa inniqa nidira mandainaina fannoo sia inni mara quqaannoo, Anutuna irirafa kai inni mareeqee quqaani.

1 Peetooroo 1:5

Mi ainainausa innindi maridanoo Anutuna afeeka fannoo inneeqa Yisuna mandaaqaranannai inni faqa mara afeedamma nimaqee mariasa mi ainainausa innindi maridanoo. Innee taikainna aukuana innaarunai findifi ooru firanara afeesara mariafanoo Anutuna afeeka fannoo innisaa rakisidanoo.

1 Teesaroonika 4:3

Anutuna irirafa inniara maaqimminoo maridanoo inni andeeqara naaquqarafa marinaqa faiqí anaasee narí ummuari narí ummuarirafa sia inni rumbanoo mariani mandainainakiqari idukirausa naanna ramasee mariaqee qiaqa.

Yoohanee 4:14

Qinee nimianna nammarina namasainafa mina aunduraindari naaru marira nammari maqee maqee uridanoo naaru marirana amiannoo.

Idi Ufa 143:10

Anee qini Anutufa mariannanara aneenna aidira ainaina qima qiminaqa auqaa. Qini amiqimma qisaseenana amiqira aanasaa ititaqimaqainaqa fua.

Mataioo 7:21

Yisufa kafaa maaqi qimasee qimanniminau. Faiqí fifau misa nookiqari qiniara karaambaiqee karaambaiqee qimariasa sia innaaruna ququsaki fifaranoo. Qini innaarunai qikoona iriranamau fimariasa misa kai innaaruna ququsaki keeqeefaranoo.

Yameesa 4:14

Innee sia duna faasaana kambiqaaninnanara irimariafanoo. Innee nári nimooqidaqa sanapaaruna miqirausa maqa maaqa ititai qafauna dauni rakee idanoo.

Yoohanee 6:58

Doo qinee innaarunaindaraa naranara foora maridaqa. Sia inni nisaifaqausa neemaru naranausara foora maridaqa. Misa mina namasee mariiqa aiqama faiqí faiqi oosanamau fiqa kuqimariqau. Maa naranna namaseeqa naaru naaru kaqi marifaranoo.

Mataioo 21:31

Mi fasiqaqanda indaaruqaa fee inaaqianaa fee nári nikoona ufa aindusinoo fee qifaqa qinee irianaura. Misa iriseeqa qiqau. Indaaruqaafa mifa narí akoona ufa aindusinau innaaqianaafa sia aindusinau. Yisufa minara iriseenoo maaqi qimasee misara akooqoo qimanniminau. Miqi kaimmaseeqa kaaqa faiqí maraqanua anaaseesa faqa ummuarira takisa munnimma maree mariasa faqa misauqa Anutuna ufara eedoo qimasaidaqa inni indaaru kamannisee Anutuna ququsaki keeqaidaqa.

Kooroosee 4:12

Eepafaraasafa inni Kooroosee maqannaafa mai maridanoo inni nimandaidanoo. Mifa faqa asauku mundirana Yisuna ainainira faiqi maridanoo, mifa inni Kooroosee maqannaasara andeeqasee Anutuna ufa nimandakusee irisee mi mau andeeqasee fuaqeera afeekaikamasee innaaru qidanoo. Innee kooroosee maqannaasa faiqí firaasara maqi mafi amiqimasee Yisuna aiku oosanaki ooqumarifi afeekaikiqa mariaqeera innaaru qidanoo. Innee miqiaqeera Eepafaraasafa inniara maqee maqee afeekaikamasee innaaru qidanoo.

Aaquqira Ufa 10:25

Deedeefaa ufai firaafa uqinanoo mandoosana maree mariasa fuaqamma aqusaannoo. Andeeqarausa sia fuaqa aquannoo. Misaki kaqi marifaranoo.

Kooroosee 1:9

Maasa indaaru mi ufana iriseeqa miqooqari inniara innaaru qidaqa. Maasa inniara Anutuna iriranamau fifandinnanara inni naundurai qumbiqaanifeera innaaru qidaqa. Anutuna maraquna fannoo nimi irirana faqa iriranamau fira irirana faqa inni naundurai qumbiqaanifeera minara faqa innaaru qimannisaidaqa.

Yoohanee 7:17

Qini ufa Anutunaindi fee qinee qeeqa fee qidee. Faiqí moo fannoo Anutuna iriranamau firarimarifa qini ufara Anutufa fee qiannoo.

Idi Ufa 90:9

Ani aanooqirafa maasa marirana qusarama qimaqaidanoo. Maasa qeeqa maa maqanasaa marunna aukuannana moodaannai daannamma neera foora iqa taikaidaqa.

Idi Ufa 39:6

Aiqama fasiqauqa nimanandara foora marida nidaqa. Miqi mariasa aiqama ainaina fifau kai kadaapi ridaqa. Maaqoo maridaqa qumiasana suqu quqaseeqa kuqifanoo yafee maraannoo fee qimasaida sia iridaqa.

Idi Ufa 102:26

Anee aiqama ainaina auquqoonafa taikafuannoo. Aneenna kai kaqi marinnaranoo. Mi aiqama ainainausa nauraa qammunnara foora anaqi anaqiannoo. Anee mi nauraa ainainausa ooqeennaa qamunnara foora aqusainaqa taikafifaranoo.