1 Yoohanee 2:15 - Anutuna Ufa

¹⁵ Innee sia maa maqa maaqanasaaqaraa mandirirana mariranara ruaqa. Minaki mari ainainnara faqa sia ruaqa. Innee maa maqa maaqanasaaqaraa manda iriranara rimarifanoo Anutunara rirafa sia inniki mariannoo.

1 Yoohanee 2:15 Referans Kwoze

Yameesa 4:4

Innee ummuari mari anaaseena aanna raidaqa innee maanara sia fee iridee, innee Anutuna aqoondi fee qimasaida maa maqa maaqanasaaqaraasa ainaina aqoondikidaqa Anutuna namuqaaki mariafanoo sia fee minara iridee. Faiqí anaasee moo fannoo maa maqa maaqanakinaa ainaina aqoondikiannee qimaseenoo minara kai inoo Anutuna namuqaakidanoo.

Roomma 12:2

Minara irisee maaqimmiaqa sia maa maqa maaqanasaa mariasa naanna raaqa. Innee eedoo qifanoo Anutufa inni nitikura amiqimmasee firaaqoo quandanniseenoo naunduraki nirana faqa quandannisaannoo. Innee miqimmaseeqa Anutuna irirana faqa Anutuna aidirana faqa amiqiranee qimariana faqa idaaqiranee qimariana faqa amiqimandee irifaranoo.

Mataioo 6:24

Moodaa fasiqa fannoo sia amana qaara rakisiraqanda moodaa kari ainainamma nimaqaannoo. Mifa indaaruqaa rakisiranara akooqaannoo moo rakisiranara aidiannoo. Sia miqinoo mifa moo rakisiranasaa atooqaannoo moo rakisirana minnisaannoo. Innee miqi kai iqa mariafaqa sia amana Anutunara faqa maqasaa qumiasanara faqa moodaanaki sia amana ainainamma nimaqeennaranoo.

Ruka 16:13

Ainainira fasiqa moo fannoo sia amana qaara rakisiraqanda moodaa kari ainainamma nimaqaannoo, sia amana. Mifa indaaruqaanara akooqaannoo moo rakisiriranara aidiannoo. Mifa moo rakisiranasaa atooqeenoo inaaqianaana minnisaannoo, miqi kai iqa innee faqa Anutunara faqa maqasaa qumiasanara faqa moodaanaki sia amana ainainamma nimaqeennaranoo.

Yoohanee 15:19

Innee qini faiqi namu maa maqa maaqanasaaqaraasa faqa moodaa irirana faqaasa marifaqau misa inniara maasaindi fee qimaseefau inniara rini. Qinee inni maa maqa maaqanakinaasa rusandeesamumasee qumaraqaunausa mariafaqa maqee sia misaindi marianara minara kaukaata qimannimaqaidaqa.

1 Yoohanee 3:17

Moo fannoo ainaina narí amanasaa maqeeifa narí akaqaafasaa sarauqiranaki marina qafamasee qimudaoo qimasee amiraree qimasee narí amuqusirana amuqusinanoo narí amuqusa muqufi rafaaqafuseenoo sia dadaaqinoo, naqimasee miqinna fasiqafa Anutunara qini qimuqusaki maridanoommifoo qiannoo fee. Sia amana maridanoo.

1 Timooti 6:10

Munnimmara rimariafa mandainaina oosana oosana mandainaina oosana areemarifa maridanoo. Akaqausa ooqai Anutuna ufa irimarusa munnimmara ridaqa Yisuna ufa minnisee nariqa ummaara oosana oosana marasaafanoo mi ummaarafa nári nimuqusa radamidanoo.

Karatia 1:10

Faiqí nifusaa qeeqa qimoofee qida fee nasurida fee miqi qidaqee oo sia uqanna qinee miqianaura. Anutuna kuqaa eedoo qira ufara qinee randaidaqa. Qinee faiqí nifusaa fifau nasuridaqa miqi qidafau sia asauku mundirana ainainiranaki marini maqee maqee qini darirara kai qiafaqa moo ainainiranaki funaiqini.

1 Yoohanee 4:5

Misa maa maqa maaqanakinaa iriranamau ufa qimariafaqa maa maqa maaqanakinaasa misa ufa iridaqa moodaa maqannaasa maridaqa.

1 Yoohanee 5:10

Yafa yafee Yisunara Anutuna amaaku fee qinafa narí aundurakinaafa faqa dadaaqinanoo kuqaa anoonee qiannoo. Yafa yafee Yisunara sia Anutuna faiqi fee qinafa mifa Anutunara unna qimari fasiqafee qidanoo Anutufa narí amaakuara qu ufanara unna fee qidanoo miqi qidanoo.

Mataioo 4:8

Yisufa miqi qimasoofanoo afaannauqa firaafa mina iriseenoo kaqi afeekaikamaseenoo Yisuna kafaa afiqamareenoo aaqana kisaaqasaa afiqee muruseenoo aiqama maqa maaqa maqusa maqusa misa nári areenaranaki marina Yisuna uqafiqaseenoo qimaminoo qinau.

Yameesa 1:27

Maasa qikoofa Anutufa maa qaaramoo ainainausa maraanara kuqaa anoona qini saqarikirausammiafoo qidanoo. Moo oosana fiaiqi faiqi rakisirana faqa moo oosana adeedaana aanaaseeuqa nariqa aupuraranaki mariasa rakisirafa faqa moo oosana maa manda maqa maaqanakina mandoosanauqa qifaaqai aqufuandoo qimasee eerairinafa faqa mi ainainna namuna maree mariasara kuqaa anoona qini saqariki mariasee qidanoo.