1 Timooti 5:11 - Anutuna Ufa

¹¹ Oo Timooti sia kumaaraa adeedaana anaasee maramaree anaasee rakisiranaikia. Kumaaraa anaasee kaifaa faiqiara riqa asauku mundirana saika nimina minnisee foora.

1 Timooti 5:11 Referans Kwoze

1 Timooti 5:14

Oo Timooti qinee Pauroosa kumaaraa adeedaana aanaaseera maaqi qidaqa, misa andeeqasee mariaqeera. Misa kaifaa moo fasiqa marasee faiqi minasaa maqasee nariqa faiqisaa rakisida andeeqasee mariaqa. Misa miqi marifanoo maasa namuqaa Yisuna ufara nikooqee marisa maasaki randasee sia mandoosana paqurimasee mandufa uqeeraaqa.

Yameesa 5:5

Innee maa maqanasaa maria kamuqoo aiqama ainainna amiqiranaki faqa nári nidimari ainaina moomoo maree marianaki faqa mariafanoo. Rakirafa anidanoo ani aqoonausa kuqa narimariafanoo innee inneeqa nifaaqa afeedidaqa narana moomoo naidaqa nainooki mariafanoo.

Uqafiqoo Ufafa 18:7

Babiroonia maqannaasa nári nifaaqa areenarana faqa nári moomoo amiqira ainaina faqa nariqa maraqau. Mi ainainna amana kai innee aupurarana faqa ikifaafau qirana faqa misa nimiaqa. Misa náriara uriqararausee qimariana sia maasa keekoopau maridau. Maasa sia ikifaafau qianauree qimariana akiaqara aupurarana faqa ikifaafau qirana faqa nimiaqa.

2 Peetooroo 2:18

Mi manda fasiqausa nári nifaaqa amooqimariana faqa furufari marianara faqa ufa qidaqa. Faiqí anaasee akaqausa nári mandoosanakiqari findifi aaqee kai aanai ubeekarariafaqa mi mandoosanna maree mariasa misa mareeqee nári ufaanaki mara naridaqa. Mi fasiqausa nári mandainainara nidiranannai ufaana fufuseeqa minaki mara naridaqa.

1 Timooti 5:9

Oo Timooti ani Yisuna ufara suqimariasasaa rakisirausa mariasa maridana adeedaana anaasee asooqauqa misa náriara naaduma aanaaseesaa rakisiranaikiqa mariaqa. Sia kaqiqee adeedaanauqa mi saikanaki mara quqaa, qaara moo fasiqa niku nisauku taikasee aukuana (60) maraqaasa adeedaanaikida asooqaqee mariasa kai mi saikanaki quqasaina maria. Moodaa fasiqasaa amundoo adeedaanafa kai minaki mariani.

1 Timooti 4:3

Miqi maria fasiqausa unna qimasee anaasee mararanara mandoosanee qimasee akaqa naranara manda narana sia naaqee qifaranoo. Anutufa mi oosana oosana narannara faiqí anaasee naaqeera auqu quqaqoofa maridanoo. Mina ufa irimariasa mina anoona irimariasa dufi dufi qimasee naaqeera quqaqoofa.

1 Timooti 5:12

Misa asauku mundirana saikaki marianauree qima afeekaikamasoona ateekeefoora.

Uqafiqoo Ufafa 18:3

Mi maqusaanaasa nári ummuarirana faiqí anaasee narí deedeepa narí deedeepirana uainna nammariara foora aanaamuru mariasa niminoo innee naaqee qimasoofaqa neeneeusa maridaqa. Maqasaaqaraasa aanaamuru karaambaiqauqa Babiroonia faqa ummuaridaqa naafeeqeeusa maridaqa. Aiqama maaqa maaqa pisinisa uqeeree mariasa Babiroonia maqannaasa kaaqa ainaina moomoo irairaaimarinanoo minannai munnimma moomoo maree mariasa maridaqa.

Uqafiqoo Ufafa 18:9

Mi qangiroofa Babiroonia maqusara kaqi qinoo qinau. Maa maqa maaqanasaaqaraa karaambaiqauqa Babiroonia maqusaindaraa mandainaina maree mariasa mi maqusana idaqainna idamuna qafamasee firaaqoo ikiraqeefaranoo.