1 Timooti 4:12 - Anutuna Ufa

¹² Oo Timooti anee kumaaraa mariananoo minara faiqí anaasee irisee sia ani ufa irifoora maa ufana ani qimamidaqa. Aneenna ufa faqa aneenna nirana faqa aneenna faiqí aanaaseera amuqusirana faqa aneenna Yisuna saqarikirana faqa aneenna andeeqasee marirana faqa amiqimasee andeeqasee akooqoo marinaqa qafeeqa faiqí anaasee Yisuna ufa irimariasa ani afaqaidaqa ani aanna raaqeera.

1 Timooti 4:12 Referans Kwoze

Titusa 2:7

Anee aneennara faqa aiqama ainaina amiqimmandee marinaqa misa ani qafeeqa miqimandee mariaqa. Anee kuqaa uqanna oori runusee maridana misa naakapamasee qimannimia.

2 Timooti 2:22

Nimuqusa anukarausa maqee maqee karaambaiqa aaraidaqa dadaaqiannee qidaqa anee misa faqa misa naanna raidana kumaaraa mandainainara nidiranara eerairiaqa andeeqaranara afeekaikamasee afaqaaqa, Yisunasaa irirana rusirana faqa faiqí aanaaseera nimuqusirana faqa naunduraki asooarana faqa afeekaikamasee afaqaaqa.

2 Timooti 2:15

Anee aneennara Anutuna afusaa anee afeekaikamandee maridana saika maree mariananoo Anutufa aniara maaqi qianifeera oo maa fasiqafa amiqimmandee qini saika uqeeraidanoo qini anoona ufa amiqimasee andeeqasee qimannimimarifa sia narí saikara oonumafi irinoo asauruanifeera.

1 Peetooroo 5:3

Innee amaana maqasaa rakisimaria fasiqausa sia inneeqara uriqararausee qimasee fuki faaki qiaqa, innee fidaqa quandafi ireeda kai faiqí anaasee nifiqee andeeqaramau kai fuaqa.

1 Koorinti 11:1

Qinee asauku mundirana Yisuna aanna raidaqa innee miqikai iqa qini daanna raaqa.

1 Teesaroonika 1:6

Innee maasa andeeqarana qafamasee karaambaiqa faqa maasa faqa andeeqarana ameeraameerirana faqa maasa faqa andeeqarana ameeraameeri mariafanoo, inni maqannaasa Yisuna ufa irunara mina akiaqara inni aupurarana firaaqoo nimufaqa innee sia minara iriqau naaquqara maraquna nimimaru asasirana asasammasee karaambaiqa ufa kai maroosa.

Titusa 2:15

Titusa anee mi ainainna maqee qinee qunna ainainna faiqí anaasee naakapaa. Anutufa ani qimaminara sia rufiaa. Afeekaikamasee qimannimia. Aneenna afeekaikamambinana fuki faaki qidana amiqira oosana andeeqara oosana maraaqeera qimannimia akaqausa mandoosana mareefoora qaoo qia. Aniara manda faiqi fee kaqikaa faiqi fee qifoora, Anutuna ufasaa afeekaikamafinana andeeqasee qimanniminaqa sia miqiaqa.

Mataioo 18:10

Innee aufariaqa. Sia uqanna faiqi aanaaqi moo fannoo maaqirafa akoo uqannaqaani. Innee mi oosannara eerairiaqa. Minara qimannimianaura. Innaaruna maqusai qangiroouqa maqasaaqaraa faiqi aanaaqi misa naadu naadu rakisinnimaqara qangiroouqa qini innaarunaindaraa qikoona oorisaa kikiqidaqa nári faiqi aanaaqi maa maqanasaaqaraasa rakisinnimaqaranara Anutuna qimamidaqa mina oorisaa maridaqa.

2 Timooti 2:7

Anee mi ufana qunnana irisainanoo karaambaiqa fannoo dadaaqinana mi oosanna irinnaranoo.

Yameesa 3:13

Inniki moo fannoo nariara irirana faqaasee aiqama ufa oosanara irimarunausee qimarifa doo mi fasiqafa narí amiqira mariranannai faqa amiqira qumararanannai faqa reendeenirana namufaqa narí irirana namufaqa koorooianifeera.

Yameesa 3:17

Innaarunaindaraa irirafa indaaruqaafa sia ikairi faifa amiqirafa mifa naaree indaaru doo mina miqooqari asooarana nimirafa faqa fisoo fisooirafa faqa aiqamausara aqoondikirana faqa miqimarifa faiqiara qimudaoo qirafa qumbiqanoo maridanoo mi innaarunaindaraa irirafa mifa amiqira narana unakuseenoo afaaridanoora foora amiqira oosana nimimarifa mifa sia qaara ufa qirafa marifa. Mina marirana faqa sia qaaraikinoo maridanoo. Innaarunaindaraa irirafa miqiminoo maridanoo.

Firipi 4:8

Oo qini qikaqaafasaauqa qini taikara ufa maaqimminoo maridanoo, inni iriranara qimannimidaqa, innee inneeqa kai amiqira ainainara irirafa faqa uriqarara ainaina faiqí amooqimaria ainainnara irirafa faqa minauqara kai maqee maqee naaqoo nitikuraki inni irirafa qumbiqaani. Kuqaa qimaria ufana faqa naaquqara amiqira ainaina faqa andeeqarana faqa anukara ainaina irirana faqa idaaqira ainainara irirana faqa amiqira oosana ainaina Anutufa amana iriaqaa ira ainaina faqa mi ainainausara kai nitikuraki qumbiqanoo mariani.

1 Teesaroonika 2:10

Maasa innee Teesaroonika maqannaa faqa mariafanna kamuqoo sia Anutufa kai maasa marirana qafanau, innee faqa qiqafoofanoo. Maasa inni Yisunara rimarusa faqa maridaqa maasa anukarana faqa andeeqarana faqa pisoopisooirana faqa sia aaqarana faqa mariafanaqa qiqafee marusa maridaqa.