1 Timooti 4:10 - Anutuna Ufa

¹⁰ Minara kai maasa kadaapirida nimudaanai qidaqa. Maasa qiqa qimuqusakinaa irirafa kaqi marira Anutunasaa mafi munduseeqa. Mifa aiqama fasiqa anaasee asumu maree marifa maridanoo, mina ufasaa rusimariasa kuqaa misa asumu maree marifa maridanoo.

1 Timooti 4:10 Referans Kwoze

1 Yoohanee 2:2

Anutuna asauku mundirafa mifa kai aandau tatufirafara foora maridanoo. Minannai maqasaa fasiqa anaasee mandainaina akiaqara taikanniseenoo doo maasa Anutufinnai mafi qisaidanoo. Sia maasaindi kai aiqama anaamurundi minannai kai taikannisaaninafa maridanoo.

Yoohanee 1:29

Iqaqoofanoo kananaana Yisufa Yoohaneefunnai ooqu fimarufanoo Yoohaneefa qafeenoo narí faqa marusa maaqi qimasee qimanniminoo qinau. Innee qafaaqa maa fasiqafa Anutufa nifaueemari aandau aanaaqi narí qaindasaa kuquaninna aandaufa maasa aiqamausa maa maqanasaaqaraasa mandainaina minannai maraquqiseenoo Anutufa darira ufa ateekaqisaaninafa maridanoo.

1 Yoohanee 4:14

Maasa maa ainainna qafeeqa aiqama qimannimidaqa maasa qikoofa narí amaaku aqiqeenoo maa maqa maaqanasaaqaraasa mandainainaki mariasa qumareeqee uqeeraani fee qimasee aqiqanau.

Yoohanee 5:24

Yisufa Yuda maqannaa rakisirausa kaqi qimannimidanoo qinau. Qinee kuqaa anoona ufa inni qimannimidaqa faiqí moo fannoo qini ufa irisee qini diqiqamaqoona saqarikinafa mifa doo naaru mariranaki maridanoo. Miqinna fasiqafa sia Anutuna arirufaki mariannoo. Anutuna narirana doo maa maqee aiqaaqareenoo kaqi mariranaki doo keeqanoo maridanoo.

Idi Ufa 84:12

Oo aiqama afeeka faqaa Yaaweefa ani saqariki mariasa firaa asasiranaki maridaqa.

Heeburu 13:13

Maasa faqa Yisuna dadaaqiqa ooqeenaa maaqa naambeeqaira foora Yisufa mariqoo mina asaurirana dadaaqi maraanauranoo.

Idi Ufa 118:8

Yaaweena saqarikirafa amiqirafa uriqarafa maridanoo. Faiqí faiqisaa mundirafa ureeqanoo maridanoo.

Idi Ufa 52:8

Qinee Davidisa sia miqimarunausa maridaqa. Qinee Anutuna amaana maqaki fuka oorifa saqariara foora ammunidaqa. Qinee naaru naaru Anutuna sia taikaaninna amuqusirana saqarikidaqa.

1 Peetooroo 1:21

Anutufa mina kuqiranakinaana uqeereeqeenoo areenaranaki quqanau. Innee minannai Yisunannai Anutunasaa mundiqa mariafanoo kafaa minannai kai inneeqa irirana minasaa rusirana faqa naaru innaarunai kambiqaaninna ainainara nidirana faqa minasaa ootupanoo maridanoo.

Heeburu 11:26

Mooseena afu fannoo innaarunai qumiasana ainainasaa afu munduseenoo minara kai rimarufa marufanoo Isipa maqannaasa munnimma ainaina oosana oosana minnimmasanau. Mooseefa Isipa maqannaasa faqa nári aaqara adiafaairanaki keeqarara akooqoofanoo misa minnisee asauku mundirana kasooqaqee kambiqaaninnanara irisee mi aupuraranaki keeqeera maqi mafinau Isararee maqannaasa misa aupuraranaki dadaaqinoo keeqanau.

1 Timooti 6:17

Oo Timooti anee ainainafaqaasa maaqi qimasee qimannimia. Innee ainainafaqaasa sia inneeqa nifaaqa nimooqiaqa. Sia innee taikeemaria munnimmanasaa inneeqa irirana munduaqa. Inni Anutunasaa kai inneeqa irirana munduaqa. Mifa aiqama ainaina afaaramasee maasa qiqaara raanifee ainaina qimimarinasaa kai inneeqa irirana munduaqa.

1 Timooti 3:15

Moo ainaina fannoo qini rafaaqafimarifaqa maridaqa maa papiqanakinaafa inni Anutuna aiku asaukuki nirana marirana naamuaqiannoo. Anutuna ufara suqiranaki keeqee mariasa misa Anutuna amaana maqara foora maridaqa. Anutuna anoona ufa faakana maridaqa.

Mataioo 27:43

Mifa nariara Anutuna amaaku fee qimarifa Anutunasaa afaaqa quqarafa marifanoo Anutufa minara iridanoo fee sia fee iridanoo fee. Iridanoofau qumureenoo mina dadaaqinoofau asumu mariranaki quqani.

Idi Ufa 107:2

Yaaweefa inni namuqaa nisaukuki umaaraki maruna maroosa innee kafaa kafaa dufi dufi qimasee amooqiaqa.

Idi Ufa 37:40

Yaaweefa andeeqarausa dadaaqinoo manda mariranakinaana uqeerannisaidannoo. Aaqee mariasa nisaukukinaana asumu mareeqee kaqinni quqannisaidannoo. Misa Yaaweena mandaaqee marianara asumu maraidanoo.

Idi Ufa 36:6

Ani Yaaweena andeeqarafa firaa aaqananamuara foora uriqaranoo maridanoo. Anee maasa ufa irisee andeeqasee raina qimaqara oosana fannoo ooruku nammari farumara foora meemai uqanna maridanoo. Faiqí faqa aandau faqa ani rakisinnimaqarana ameemaanai maridaqa.

1 Koorinti 15:10

Anutufa sia qini ureeqaranara irinoo kaqi narí afauaranannai qini mareeqeenoo narí niqiqoo fasiqausaki quqaqiseenoo ufa qimannimiannee afeeka qimufanoo sia qiniki mandaikinau. Qinee aiqama niqiqoo fasiqausa urinaaqaramasee faiqí aanaaseeki maqusa maqusa kadaapiriqa, sia qeeqa kaifau miqidau Anutufa qimu afeekafa qiniki kasinara miqidaqa.

2 Koorinti 1:10

Mifa firaa qimeekaranakinaana maasa uqeereeqee qisaifaqa maridaqa kafaa miqi kaimmiannoo. Mifa kafaa maasa minakinaana uqeereeqeenoo quqaqisaifaqa sia rufiaida minara irirafa minasaa rusinoo maridanoo.

1 Timooti 2:3

Misara innaaru qirafa amiqira oosana maridanoo Anutufa maasa asumu maree marifa minara aididanoo. Mifa aiqama fasiqa anaasee asumu mariranaki ani mariaqeera qidanoo anoona ufamau fuaqeera qidanoo misara innaaruqira oosannara Anutufa aididanoo.