1 Timooti 3:7 - Anutuna Ufa

⁷ Yisuna ufara suqimariasasaa rakisiranaiki mari fasiqanara Yisuna ufara sia irimariasa faqa minara amiqira fasiqee qimariafa mariannoo. Miqi qimaria fasiqafa sia Sadannana namufaqa moodaa madikaki aqufinoo asauruannoo. Doo Yisuna ufara suqimariasasaa rakisimaria fasiqausa oosana doo miqiminoo mariani.

1 Timooti 3:7 Referans Kwoze

2 Koorinti 8:21

Maasa irirafa minara maaqimminoo maridanoo. Maasa Karaambaiqa Anutuna afusaa faqa maqasaa fasiqa nifusaa faqa andeeqaramau fidaqa rakisianaura.

2 Timooti 2:26

Sadannafa narí ufaanaki mara arinoo narí iriranamau quqasoofaqa fimarufaqa misa anoona ufasaa ubeekaifanoo nári irirafa kambiqafinaqa Sadannana ufaanakiqari aruruduku fifaranoo.

Kooroosee 4:5

Innee Kooroosee maqannaa Yisuna aiku oosana mariasa innee Yisuna ufara nikoo nikaa imariasa faqa moodaa maqusaki mariafanoo. Innee misa nifusaa reendeenamasee irirana faqaasa naanna ramasee nuaqa. Innee misa faqa maridaqa innee sia fifau nifaurunnai kai ufa qiaqa, Yisunara qimannimiraree qidaqa deedaqammaqaifanoo mariani, iraifaqa dauni qimannimiaqa.

1 Timooti 6:9

Moomoo ainaina munnimmara randeemariasa manda nimaniranaki aqufidaqa. Nári moomoo ainainara munnimmara rimariafa nariqa furufariranara nidimarifa mifa mareeqeenoo nári ufaanaki nári naridaqa.

1 Teesaroonika 4:12

Innee Yisuna ufa irimariasa miqi faqa mina ufara nikooqee mariasa inni nimooqiqa andeeqeeaafoo qifaranoo. Innee faqa miqidaqa sia moo ainainara sarauqinana moonasaa oonu mundua.

2 Koorinti 6:3

Akaqausa maasa inniki saikiranara aaqeeaafoo qifoora maasa qeeqa rakisidaqa inni niku nimaarusirafa mariandoo qimasee eerairidaqa.

1 Koorinti 10:32

Inni marirafa kaqi mana manifaqa nindafamaseeqa Yuda maqannaasee aanaamuru fee Yisuna ufa iri mariasee inni niqafamasee noori runifaara. Innee minara irisee mi oosannara eerairiaqa.

Titusa 2:8

Anee mapukirufa kai qimanniminaqa sia quandafi aniara fifau faafau ufa qiifoo qifaranoo. Anee mapukira ufa qimanniminaqa aniara nikooqee mariasa ani namuqaa faqa kaukaataqira ufa qianneera mina oosanara randeeqa nisaurifaranoo.

1 Teesaroonika 5:22

Oosana oosana mandainainara eerairiaqa.

1 Timooti 5:14

Oo Timooti qinee Pauroosa kumaaraa adeedaana aanaaseera maaqi qidaqa, misa andeeqasee mariaqeera. Misa kaifaa moo fasiqa marasee faiqi minasaa maqasee nariqa faiqisaa rakisida andeeqasee mariaqa. Misa miqi marifanoo maasa namuqaa Yisuna ufara nikooqee marisa maasaki randasee sia mandoosana paqurimasee mandufa uqeeraaqa.

1 Koorinti 5:12

Yisuna ufa sia irimariasa aqoosai mariasa sia narira ufa qinee nimmianaura mi saikafa sia qini saika maridanoo. Anutufa kai misa narira ufa nimiannoo. Inneeqa kai inneeqa nikaqaafasaa kimariana Yisuna ufara suqimariasa aaqaifaqa ufa nimirafa innindi mariannoo. Ooqai tamummaqara fasiqa moo fannoo minara maaqi qimasee akara rinau. Inniqa suqiranakiqari mandoosana maree marina aaduma mara quqaaqee qidanoo. Qinee Pauroosa minara inniki mandoosana maree mari fasiqana aqiqaaqee qidaqa.

Mareekoo 4:11

Anutufa narí ququsakinaa qumee irirana qimannimiannee qimasaifaqa qimannimidaqa akaqausa aqoosai mariasa quandara ufa kai qimannimunaqa iridaqa.

3 Yoohanee 1:12

Inniki faiqí moo marifa mina auqu Deemeetariusafa minara aiqamausa kuqaa andeeqara fasiqa fee qidaqa. Anoona ufa faqa mi fasiqanara andeeqara fasiqa fee qidanoo. Maasa kuqaa anoona ufa kai qimaruna innee irimariasa mariafanoo sia mi fasiqanara unna qidaqa. Maasa minara amiqira fasiqa fee qidaqa.

1 Timooti 3:6

Yisuna ufara suqimariasasaa rakisiranaiki mari fasiqafa sia fukasaa Yisunasaa irirana rusimarina mara quqaa. Miqimari fasiqafa dauni narí oori uqeerasee narí afaaqa mara maree uridanoo amooqinoo dauni aaqaranaki aqufuandoora. Ooqai Sadannafa innaarunai miqimarunara Anutufa ateekanau. Maa fuka fasiqafa Yisuna mandaaqarana miqi kai inoo Anutufa ateekaandoora.