1 Timooti 2:8 - Anutuna Ufa

⁸ Yisuna ufara suqimarianaki faiqiara qinee maaqi qimasee naamuaqidaqa. Aiqamai maria fasiqausa aanooqirana siaina, ufa rainarana siaina, nári nisauku anukarausa uqeerasee innaaru qimariasa nári marirana nári nirana minauqara Anutunaindi fee qiaqeera, aiqama fasiqara miqi mariasee innaaru qiaqeera qidaqa.

1 Timooti 2:8 Referans Kwoze

Idi Ufa 134:2

Amaana maqaki inneeqa nisauku uqeerasee innaaru qidaqa Yaaweena amooqimma amaqaaqa.

Idi Ufa 63:4

Qinee maaqoo kaqi marianna kamu aniara dufi dufi qianaura. Qinee qeeqa qisauku uqeeraseeqa ani innaaru qima amaqaanaura.

Heeburu 10:22

Doo maasa minara iriseeqa Anutuna aaqa adeedi aniaqa. Kuqaa aneenna amuqusakiqari Anutunara ridana doo Anutuna aaqa adeedi aniaqa. Aneenna irirana mapukusee minasaa rusirafa doo adeedi ania. Ooqeenaa mandainaina ani aakirana afaimma quqaseenana anukarafa ania. Aneenna afaaqa amiqira nammarinnaira foora findaukamasee Anutuna aaqa adeedi ania.

Titusa 3:8

Mi ufana anoona ufa kai qimamidana aninna irirafa minasaa rusimari ufafa maridanoo. Titusa qinee Pauroosa maa ufana faqa ani qimamianana anee Anutuna ufa irimariasa qimannimia. Misa sia fifau faafau ufa kai ida mariaqa. Misa aiqama kari andeeqara ainainiranaki maridaqa auqaaqeera qimanniminaqa maqee maqee minaki kai mariaqa. Mi ainainirafa aiqama fasiqa anaasee dadaaqi marifa maridanoo, anee mina uqeerasee afeekaikia.

Yameesa 4:8

Anutufa marinnai aaqa anifanoo mifa quandaki inni naaqa aniannoo. Innee mandoosana maree mariasa inneeqa ikairi nisaukusaa marina nammari uquaqa. Innee qaara ufa qimarisa inneeqa naundura anukaaqa.

Ruka 24:50

Yisufa narí faiqi namu faqa narí aqoondiuqa faqa Yeerusaree maqusaindari nifiqeenoo Beetani maqusa amummaqa oonureenoo narí asaukuqara uqeeraseenoo nifaaqooqa qimannimaqaidanoo narí faiqi namu minniseenoo uqeerakinoo innaarunai ooru finau.

1 Peetooroo 3:7

Qinee Peetooroosa doo aanaaseeuqara qiqa doo maqee anaasee nifaaqmaqkara qianaura. Anutufa kaqi marirana kaqi nimidanoo aneenna anaaqa faqa aneenna faqa mi mariranaki mariafanoo minara aneenna aanaaqara amanna fee qimasee amandakusee mina faqa maria. Innee miqimasee inneeqa ninaaqmaaka faqa marifanoo moo ainaina fannoo sia innee Anutunara innaaru qirana ititaannoo.

1 Timooti 5:14

Oo Timooti qinee Pauroosa kumaaraa adeedaana aanaaseera maaqi qidaqa, misa andeeqasee mariaqeera. Misa kaifaa moo fasiqa marasee faiqi minasaa maqasee nariqa faiqisaa rakisida andeeqasee mariaqa. Misa miqi marifanoo maasa namuqaa Yisuna ufara nikooqee marisa maasaki randasee sia mandoosana paqurimasee mandufa uqeeraaqa.

1 Koorinti 7:7

Qiqa irirafa maaqimminoo maridanoo. Aiqamausa qini daanna ree adeedaana mariaqaana. Anutufa narí irirananai naadu naadu marirana nimifaqa maridaqa faiqí moo adeedaana marinanee, faiqí moo anaasee faqaafa marinanee Anutufa kai nimidanoo.

Yoohanee 4:21

Mi anaaseefa miqi qufanoo Yisufa qimaminoo qinau. Innee Samaria maqannaasa fifau amooqi mariafanoo sia minara irimariafannoo. Maasa Yuda maqannaasa Anutuna amooqimarianara irimarunausa maridaqa. Anutufa Yuda maqannaannai aiqama aanaamuru Anutuna nariranakinaana uqeereeqeenoo narí aqoondikiranaki quqannisaannoo. Oo maa anaasee amiqimasee qini ufa iria. Qusasaa anira aukuana faiqí anaasee sia maa aaqannasaa fee Yeerusareenni fee Anutunara innaaru qifaranoo, fifau aiqamatinai qini qikoona amooqifaranoo.

Ruka 23:34

Misa Yisuna arimarufanoo Yisufa innaaru qinoo qinau, Oo qini qikoofa misa mandainaina qini qimimariana minninnisaa sia mina akiaqara ia, misa nári imarianara sia iridaqa. Sundiauqa Yisuna aruseeqa kaatara foora sararamaseeqa mina qamunna raina rainiisee maraqau.

Mataioo 21:21

Yisufa minara iriseenoo qimanniminau. Qinee anoona ufa inni qimannimidaqa. Innee Anutunasaa irirana rusiseeqa minara moodaa irirafa marinaqa innee sia oonumafi irifanoo sia qaara irirafa marinanoo, maa faafisana qunnandee kai iqa innee faqa miqi kai ifaranoo firaa ainaina faqa innee miqifaranoo. Maa firaa aaqana oorifa aaqanara faqa qifanoo uqeerakinanoo ooruku nammariki aqufuannoo.

Mataioo 5:44

Inneeqa namuqaara faqa nimuqusaki nidiani. Innee qini ufa irinausa mina saara narifaqa misara faqa quandafi innaaru qiaqa. Anutufa misa amiqi amiqianifeera innaaru qimannisaaqa.

Idi Ufa 66:18

Qinee mandainainara fifau ainainee qimasee kaqi auqaunanoo Anutufa sia qini innaaru qirana iriqini.

Idi Ufa 26:6

Qinee qeeqa qisauku nammari uqusee qeeqara aaqarana siaisee qidaqa. Miqimmasee qinee ani aidara fiqu fiqu idaqa ani amooqidaqa.

Idi Ufa 24:4

Andeeqara oosana auqee marifa faqa amiqira amuqusa faqaafa faqa sia unna anutusa nimooqi mariasa faqa sia unna qimasee nimana aiqee mariasa kai minaki keeqeefaranoo.

Mataioo 6:12

Akaqausa maasa manda ainaina qimimariana maasa minnisaanana miqikai inana anee faqa maasa manda ainaina akiaqara maraqu qisa.

Aaquqira Ufa 21:27

Manda oosana maree mariasa tatufirana suqaranara Yaweefa fidiaqaa midanoo. Manda iriranannai tatufirana suqaa fanoo Yaaweefa fidiaqaa idanoo.

Aaquqira Ufa 15:8

Mandainaina maree mariasa aandau arusee tatufu amiafanoo Yaaweefa qafamaseenoo misa tatufiranara fidiaqaa midanoo. Aneeqee maria fasiqa anaaseesa innaaru qiranara Yaaweefa aididanoo.

Idi Ufa 35:13

Qini oosana moomau fidanoo. Qini namuqaauqa auriranaki mariafaqa qinee misara soofaarira qamunna afisusee qeeqa mara maree qumureeqa daararee marufaqa misara findifuaqeera innaaru qimariqiafana. Qinee inuka tuqu daumoo amisee findifuaqeera innaaru qimariqiafana.

Idi Ufa 28:2

Qinee qeeqa qisauku ani naaquqara amaana maqa maritinai uqeerasee dadaaqianneera innaaru qianana iria.

Idi Ufa 141:2

Qini innaaru qirana amiqira afundimari ida munanara foora maraa. Qinee qisauku uqeerasee innaaru qirana eeneemari suqee maria tatufiranara foora maraa.

1 Koorinti 1:2

Innee Koorinti maqusai Anutuna ufara suqimariasa akara rumannimaqaidaqa Anutufa inniara narí aiku asauku mariaqeera utaaqamaqaisa mariafanoo, innee mina asauku mundirana Yisunasaa atooqaanara Anutunaindi kammiqa mariafanoo, Anutufa narí faiqi namu mariaqeera narí innai fuaqeera inni naareenoo, sia innee kai minaindi mariafanoo, aiqama maqanaa maasa karaambaiqa asauku mundirana Yisuna aaree mariasa misa faqa innee faqa minaindi mariafanoo. Yisufa misa faqa maasa faqa karaambaiqa maridanoo.

2 Koorinti 2:14

Oo Anutunara dufi dufi qiaqa. Innisaimbaqa asauku mundirana faqa moodaanaki kamambi maridaqa minakiqari Anutufa narí narunakinaana Anutuna asumu firiara foora innisaimbaqa nifiqee asauku mundiranara kaanina mareeqa idireeqa maree maqusaira foora miniqaasa rakiranara foora uriqararausa maridaqa. Miqooqari innisaimbaqa Anutufa mareeqeenoo asauku mundirana ufa amiqira afundara foora nimifaqa aiqama aanaamurunni daraaniqa qimannimiqa nidaqa. (Ooqai Pauroona aukuana Roomma maqannaasa sundiauqa faqa misa karaambaiqauqa faqa namuqaa maqusai oonureeqa misa naruseeqa misa ainaina faqa faiqí kaakadi narirausa rumbamareeqa nariqa maqusai nifiqamaree fiqau. Nariqa maqusa adeedi oonureeqa padi mafufaqa nári indaaru fiqa rumbaqoosa ootupa ootupa rumbara rumbaseeqa nifiqee narirara maqusa qambaanai narirara nifiqee fiqau. Rumbarausa ninaaqiana afundi maru ainaina ida muquru mareeqa fimarufanoo mi afundafa misa qambaanamma afundi marinau. Mina anaaqiana sundia firaafa Karaambaiqa misa sufafaqa maree finau. Rumbaqoosa mi afundanara maasa kuqunna afundafa qidanoo fee qiqau. Sundiauqa faqa kaiqeesa faqa mi afundiranara amiqira afunda fee qiqau.)

Firipi 1:12

Qinee Pauroosa Yisuna ufa maqusa maqusa qimannimi marunnana akiaqara karabusa rumbasaafaqa maridaqa. Nariqa qini rumbaqaafanoo Yisuna ufa aru rafaaqa firaree qimasee qinee rumbaqa maruna sia misa Yisuna ufa rafaaqa fia, qini rumbaranannai misa sia irirai mina muru pooduqaafanoo.

1 Teesaroonika 1:8

Sia mi maqa maaqa qanda kaifau karaambaiqa ufa iriqau, aiqama maqa maaqai innee Teesaroonika maqannaasa Anutuna ufa irufa, mi ufafa aiqamai daraaninoo fifaininau. Maasa fifau inniara mi maqannaasa fiqu fiqu idaqa qimannimiqa nimariafanaqa misa ooqai iriseeqa qimaqimiqa.