1 Teesaroonika 5:6 - Anutuna Ufa

⁶ Miqunara maasa innisaimbaqa sia faiqeemariasa naanna raaqa nifu maqasee mariaqa. Maasa innee faqa sia nammari neemariasa naanna ree furufariaqa kaqi amiqimasee marianaura.

1 Teesaroonika 5:6 Referans Kwoze

1 Peetooroo 1:13

Inneeqa nitikurakinaa irirana deedaqammasee mariaqa. Asauku mundirafa Yisufa koorooinna aukuanna amiqi amiqirana nimiannoo. Inneeqa naundurai irirana mi amiqi amiqiranasaa munduqaraasamaseeqa maridaqa rakisidaqa aufaridaqa mariaqa.

Mataioo 24:42

Minara qinee inni qimannimidaqa. Deedaqida mariaqa. Sia kaqi mariaqa. Qinee inni karaambaiqa qumira aukuanara sia irimariafanoo. Minara innee deedaqiaqeera qidaqa.

1 Peetooroo 5:8

Innee inneeqa nimanara irisee aufarida mariaqa inni namuqaa Sadannafa kaasau fainiara foora fiqu faiqu idanoo yanee nambiqaanau yanee nambiqaanau qidanoo.

Uqafiqoo Ufafa 16:15

Miqimarufanoo Yisufa miqoo qini qimaqiminoo qinau. Qini ufa iria, qinee ummuarira fasiqara foora ireeda kai innaarunaindari qumuanaura. Nifu maqee marusa faqa qamunna deedaqirausa faqa asasifaranoo, sia kaqisamu fiqa faiqí nifusaa faqa Anutuna afusaa faqa sia nisaurifaranoo.

Titusa 2:12

Anutuna afaarirafa maanara daakapaidanoo. Oosana oosana ainaina sia Anutufinnai ubeekanoo mari ainainnara minnisaaqee qidanoo. Maa maqanasaaqaraa ainainara kaaqa rimariana nimuqusirana doo quqaaqee qidanoo. Maasa maa maqanasaa marunnaqoo qeeqa qimanara qeeqa daundurara iriseeqa aiqama ainaina sia maraa qee qidanoo. Anutuna afaarirafa maa maqanasaa marunnaqoo maasa nirana marirana kuqaa kai qiaqee qidanoo. Maasa maa maqanasaa maridaqa Anutuna fooqaa marirana qiaqee qidanoo.

Eefeesusa 5:14

Aiqama ainaina asukunakinaana mareeqe kaaqa qara qoo aiqamausa nifusaa quqasaifanoo mi ainainausa faqa kaaqa qaranaikiannoo. Minara maasa idi moo maaqi qinoo maridanoo. Anee faiqee marianafa findi fua. Kuqiranakiqari findi finanoo asauku mundirafa suaniara foora anisaa qaani.

Uqafiqoo Ufafa 3:2

Innee minara iriseeqa tauti findifuaqa nimuqusa kaqikaaqoo kasimariqoo kaaqa kuqifoora dauni findi fuaqa. Inneeqa Anutuna saika mareemariana Anutufa qafaidanoo mina afusaa sia anoonaikidanoo minara qinee inniara tauti findifi fuaqee qidaqa.

1 Peetooroo 4:7

Doo aiqama ainaina taikarafa adeediranoo maridanoo. Innee maqee maqee Anutunara innaaru qiraree qimasee inneeqa nimanara irisaida kai fuaqa maqee maqee aufaridaqa mariaqa. Innee sia miqiqa aaqara oosana mareeqa naqimasee Anutunara innaaruqifaree. Sia amanaikifara.

1 Koorinti 16:13

Inni Koorinti maqusanaasa maqee maa ufana qimannimianaura. Innee maqee maqee aufarida mariaqa, innee Yisuna saqarikiranaki minaki mapukufina kikiqammambuaqa innee maqee maqee paasoosida mariaqa, afeekaikiqa mariaqa.

1 Timooti 2:9

Anaaseera qinee maaqi qidaqa. Aiqama nári nifaaqai mari siara qamunnana amiqimasee nári nifaaqa aanaamususee irirana faqaasaikamambi mariaqee qidaqa. Sia kaaqa firaaqoo oosana oosana ainaina nifaaqa auquaqa.

Aaquqira Ufa 19:15

Kudoosaapee maria oosanafa faiqarana kai amidanoo. Ainaina sia inafa aandaroo aruannoo.

Titusa 2:6

Titusa anee miqi kai mandee kumaaraa faqa maa ufana qimanniminaqa, misa faqa nári naundura nimuqusa amiqimasee mariaqa.

1 Timooti 3:2

Yisuna ufara suqimariasasaa rakisimari papatarafa narí nirana marirana sia aaqarafa mariannoo andeeqarafa marida andeeqasee rakisiannoo. Miqimarinna fasiqafa moodaa anaasee faqaafa kai mariannoo. Mifa oori runusee marifa mariannoo. Narí aakiranara iri marifa mariannoo. Narí qumiasana aina faqa marirana faqa andeeqasee quqeemarifa. Mi fasiqafa Yisuna ufara suqimariasasaa rakisiranaiki mari fasiqafa aanaamuru maqee maqee mina maqusaki aniraafanoo amiqi amiqidanoo nifiqa narí maaqaki quqasaida narana firidanoo. Mi fasiqafa Anutuna akarakinaa ufa andeeqasee qimannimi marifa mi oosanausa maree marifa Yisuna ufara suqimariasasaa rakisirafa amanaikiannoo.

Kooroosee 4:2

Innee Kooroosee maqannaa asauku mundirana Yisuna aiku oosanaki mariasa innee inneeqa ainainidaqa Anutuna ufamau fimarianara minara Anutuna maqee maqee innaaru qimamaqaaqa. Sia nifaurunnai kai unna innaaru qiaqa amiqimasee naundurannai innaaru qiaqa. Innaaru qidaqa maqee maqee Anutunara dufi dufi qimamaqaaqa.

Eefeesusa 6:18

Innee mi ainainausa maraidaqa innaaru qidaqa maqee maqee Anutuna dadaaqiranara faqa innaaru qiaqa. Anutuna maraquna afeekannai maqee maqee eendaki faqa faasaana faqa Anutuna maqasaa fasiqa anaaseera Anutufa amiqi amiqimma nimaqaanifeera innaaruqiaqa. Sia kudoosaapaaqa afeekaikamandee innaaruqiaqa.

Ruka 21:36

Innee maqee maqee aufarida maridaqa innaaru qimasaida mariaqa. Innee inneeqa afeeka afeekaikamasee qimannimunna mandainainausaki afeekaikamandee fiqaree qini faiqí nimaaku qifusaa amiqimandee kikiqiaqeera innaaru qiaqeera qidaqa.

Ruka 12:39

Innee maa ufana faqa iriaqa, maaqa akoofa ummuarira fasiqa anianinnanara iriseenoofau rakisinanoofau sia kooqi rakeemasee ainaina maraiqini.

Mataioo 25:13

Yisufa maanaaqauqa kikiqa qususeenoo narí faiqi namu qimanniminau. Innee sia qinee qumira aukuanara irimariafanoo sia deedaqifoora. Minara inni qimannimidaqa innee iridaqa qiniara rakisiaqa.

Mataioo 25:5

Amundara fasiqa sia dauni ani marufaqa, afeesimarufanoo nifuki aunduarufaqa mandaiki mariqau.

Mataioo 13:25

Faiqí misa faiqaqeeufanoo mina namuqaa fannoo anireenoo kukura asumu sakuma maruqoo ummaquseenoo finau.

2 Timooti 4:5

Timooti misa miqimarifana anee aneenna kasoomambi ubiqafinana misa ani ariranee aupuraranee amimarifana kaqi kai fua. Amiqira fasaasa ufa naamuaqira saika maqee maqee marana fua, anee aneenna aiqama saikaki maridana Anutuna ainainira faiqi maridaqee qimasaidana marana fua.

1 Timooti 3:11

Dadaaqi maria fasiqausa ninaaqmaaka faqa marirana nirana andeeqasee maridaqa sia munuqi miniqi qimariasa marifaranoo. Mi anaaseesa noori runusee maridaqa anoona ufa kai qimariasa mariaqa.

1 Teesaroonika 5:8

Maasa sia miqimarunausa maridaqa kaaqa qaranaindi maridaqa maasa sia nammari namasee furufariqa nuaqaana kaqi mariaqaana. Maasa qeeqa Yisuna saqarikirana faqa qeeqa nariara nariara rirana faqa mi ainainaqandannai saqari kammandee ukee iriqa. Maasa asumu marianafa kasooqaqee kambiqaaninnanara asasidaqa rakisida maridaqa. Mi asasira afeesiranara pateeuqara foora qikiaqaki afisusee rakiranakiara foora maria. (Ooqai nikiaqa itairirausa suani qikiaqaki daruandoo qimasee pateeuqa nariqa nikiaqa itairiranasaa afisimariqau. Ooqai Yisuna aukuana Roomma maqanna rakira fasiqauqa ainna qafee afisusee rakiranaki nimariqau. Aiqama ainaina samu sia qikiaqa daruani fee qimasee afisiqau.)

Firipi 4:5

Innee aiqamausa sia ramoo ramaaiaqa ireeda kai nirana marirana aiqamausa nimiaqa. Karaambaiqa qusasaa qumuannoommi.

1 Koorinti 15:34

Innee Koorinti maqannaasaki akaqausa kuqirausa sia findifi maria ufana qimariasa inni putaamma nimaqaifaqa innee misa mandoosana maraseeqa furufarirana maree mariafanoo. Innee mina minnisee kafaa andeeqara irirana marasee inneeqa mandoosana quqasee andeeqaramau fuaqa. Inneeqa nisauruaqa innikiqari akaqausa Anutuna afeekara sia amiqimasee iri marifanoo kaqi meeramau irirana irimariafanoo.

Ruka 12:37

Amiqimasee afeesimariasa asasifaranoo misa uriqararafa anireenoo amiqimasee ainaini mariasee qimaseenoo narí qamunanda atukaramaseenoo narana suqaseenoo rakiqa nimiannoo.

Mareekoo 13:37

Minara maqee qinee inni qimannimidaqa aiqamausa qimannimidaqa innee aiqamausara aufariaqee qidaqa qinee qumiranara rakisida mariaqa.

Mataioo 26:38

Miqidanoo minamusa qimanniminau. Innee maaqoo saqama qambaanai marida nifu maqaidaqa qinisaa faqa rakisi qimaqaaqa. Qini qikoofa qini minniqisaaninnanara firaa qoo qimuqusimarifaqa, mi qimuqusirafa daruannoo fee qidaqa.

1 Timooti 2:15

Doo maqee Anutufa sia aiqama aanaaseeuqa mina akiaqara naru taikaannoo faiqi maqaranasaa marifaranoo. Misa nári nifaaqa amiqimmandee aanaamususee maridaqa Yisunasaa irirana rusiseeqa mariaqa faiqí aanaaseera amuqusamasee mariaqa qikairi siaisa anukarausa mariaqa. Miqidaqa noori kandamasee maridaqa kaqi marifaranoo.

Eefeesusa 2:3

Maasa faqa aiqamausa aanaamuru Anutuna ufa rukiee mariasa naanna ramasee maasa qeeqa faiqí faiqi mandiriranamau fidaqa qeeqa qifaaqa irirana afaariqa kaqi qeeqa manda didiramau kai fiqiafana. Maasa Yuda maqannaasa aanaamuru naanna ramasee qeeqa qifaaqa afaaramasee mina akiaqara Anutuna aranaqaranaki firaridaqa.

1 Teesaroonika 4:13

Qini qikaqaafasaauqa anoona ufa siaisa kuqufiqa sia findifidammiafoo qimasee ikifaafau qimariana. Innee faqa misa naanna reefoo qimasee kuqirausara anoona ufa iriaqee qimasee inni qimannimidaqa.

1 Teesaroonika 5:10

Mi asauku mundirafa minasaimbaqa maasara moodaanaki mariaqeera maasa darirana qimaaqa maqasee kuqufa findifinoo maridanoo narí kaifaa qumurainaqa kuqiqee kaqi maridee narí faqa mariaqeera maasa qimaaqa maqasee kuqinau.