1 Teesaroonika 5:21 - Anutuna Ufa

²¹ Innee aiqama amaana ufa sia kaqi iriaqa aiqama ufa aiquqummasee iriseeqa anoona ufa kai iriaqa.

1 Teesaroonika 5:21 Referans Kwoze

1 Yoohanee 4:1

Qini qifaaqasaa qiqoondiuqa. Moomoosa náriara Anutuna maraquna maasaki marisee qimariana sia mina irisee aiqamausara kuqaammifoo qiaqa. Innee misa nimanamasee qafaaqa kuqaa Anutuna maraquna fee moona maraquna fee misaki maridanoo fee. Unna qimaria tamummaqarausa aiqamai daraanammiqa marianara qimannimidaqa.

Roomma 12:2

Minara irisee maaqimmiaqa sia maa maqa maaqanasaa mariasa naanna raaqa. Innee eedoo qifanoo Anutufa inni nitikura amiqimmasee firaaqoo quandanniseenoo naunduraki nirana faqa quandannisaannoo. Innee miqimmaseeqa Anutuna irirana faqa Anutuna aidirana faqa amiqiranee qimariana faqa idaaqiranee qimariana faqa amiqimandee irifaranoo.

Eefeesusa 5:10

Innee karaambaiqa aidi mari mariranara randasee maraaqa.

Ruka 12:57

Innee sia inneeqa kai andeeqara ufa irisee mi mau fuafanoo nanaree miqidee.

Firipi 4:8

Oo qini qikaqaafasaauqa qini taikara ufa maaqimminoo maridanoo, inni iriranara qimannimidaqa, innee inneeqa kai amiqira ainainara irirafa faqa uriqarara ainaina faiqí amooqimaria ainainnara irirafa faqa minauqara kai maqee maqee naaqoo nitikuraki inni irirafa qumbiqaani. Kuqaa qimaria ufana faqa naaquqara amiqira ainaina faqa andeeqarana faqa anukara ainaina irirana faqa idaaqira ainainara irirana faqa amiqira oosana ainaina Anutufa amana iriaqaa ira ainaina faqa mi ainainausara kai nitikuraki qumbiqanoo mariani.

Roomma 12:9

Inniki nariara nariara nimuqusirafa inniqa nimuqusannai kai nariara nariara nimuqusiaqa. Innee aiqama manda mariranara fidiaqaamasee amiqira marirana kai rakisisimma qumaraaqa.

Uqafiqoo Ufafa 3:3

Innee ooqai qini ufa irimaria oosannara naaqoo irisee qini ufara faqa irisee eedoo qimasee mi mau fifanoo inneeqa mandoosana quandaaqa. Innee sia faiqaranakiqari tauti findififaqa qinee ummuari mari fasiqafara foora tautumannimaqasee anireeqa naruanaura.

Firipi 3:16

Saina miqinoo mariani innisaimbaqa sia moo ufa irisee mi mau fuanaura maasa ooqai fuafannamau kai fuanaura.

1 Koorinti 15:58

Oo qini qikaqaafasaa doo minara iriseeqa sia kasi kasiaqa mapukuseeqa atukaraqa mariaqa. Karaambaiqa marirana nirana mariana maqee maqee minaki kai noori runusee mariaqa. Karaambaiqa marirana niranaki marianara aiqama saika naaru marira anoona marifa maridanoo karaambaiqa marirana nirana sia moo fannoo anoona siaifa maridanoo. Anoona marifa kai maridanoo.

Firipi 1:10

Anutufa miqinoo inni dadaaqinaqa asauku mundirafa qumira faasaanasaa innee ikairi siaisa, ufa siaisa maridaqa asauku mundirafa nimira amiqira anoonaikira marirafa inniki marifanoo aiqamausa mina qafammasee Anutunara dufi dufi qimasee amooqifaranoo.

Yoohanee 8:31

Yisufa minara iriseenoo qimanniminau. Innee qini ufa qimannimunnana irisee mi mau maqee maqee fifaqa kuqaa qini faiqi namu marifaranoo.

Uqafiqoo Ufafa 2:25

Maana kai qimannimidaqa. Inneeqa amiqira oosana uaqeeiana mina kai maramaree fuaqa, fifi inaqa qinee qumuanna aukuanna mina akiaqara maraaqa.

Heeburu 10:23

Maasa innaarunai mariranara asasidaqa afeesidaqa kooroo idaqa. Maasa mi asasira afeesirana amiqimmandee qumaraaqa. Anutufa narí qima afeekaikira ufa sia minnisaannoo mifa qumaraannoo minara amiqimmandee rakisi qumaraaqa.

2 Teesaroonika 2:15

Oo qini qikaqaafasaa qinee minara irisee qimannimidaqa maasa ooqai inni faqa maridaqa nookiqari qimannimiafanna anoona ufana faqa maaqooqari pasaki akara rumannimiafannana mi anoona ufana faqa innee mi anoona ufanaki mapukufinaqa afeekaikamasee kikiqammafi nisaukuki uaqee iaqa. Sia moo unna ufa iriaqa.

Yoohanee 15:4

Innee saqari asaanara foora qinisaa ariqa mariaqa. Innee sia qinisaa ariqa maridaqa sia qini amiqira marira nirana mareefaranoo.

Aaquqira Ufa 3:1

Qini qimaaku qinee qimamianna ufana sia qaunua. Qinee qimamianna ufana aiqama kari iridana qinee qimamunnandee ia.

Uqafiqoo Ufafa 3:11

Qinee qusasaa qumuanaura. Innee uriqaraqa mariana amiqimmandee rakisi qumaraaqa moo fannoo qumaraandoora.

Aaquqira Ufa 23:23

Kuqaa anoona qira ufa faqa amiqira irirana faqa afeekaikammasee maraa. Firaa ainaina marinara sia uqasaina moo fannoo feefauriani.

Uqafiqoo Ufafa 2:2

Oo Eefeesusa maqannaa Paatoo dinni taikasee dinni ani qaara marasee fasau narí asaukuki uqirafa ni fasiqafa ani qimamidanoo. Qisauku dinni taikasee dinni ani qaara marasee rambi kuradee mari ainainna qambaanai nimari fasiqafa Eefeesusa amaana maqasaa rakisimari paatoo maaqi qimasee qimamidanoo. Qinee anee auqee marianna saikana iridaqa anee kadaapiri mariannanara iridaqa anee sia feefauruara irisaidana maqee maqee kadaapiri marianaqa iridaqa. Anee mandoosana maree mariasara akooqee mariannanara qinee minara faqa iridaqa eedoo qidaqa. Akaqausa náriara unna qimasee Yisufa diqiqoo fasiqausee qufana anee misa faqa amanamasee qafoonanoo misa unna qirana anee paqurunafa mariananoo.

2 Timooti 4:14

Areesandeerafa mifa qainna faqa koopaa faqa auqimarifa mifa narí mandoosana mareenoo qini firaaqoo mandaikamaqimaqeenoo, mifa firaaqoo maasa qimannimira ufara akooqaidanoo anee faqa firaaqoo minara eerairia. Anutufa miqimarina akiaqara arirana mina amiannoo.

2 Timooti 1:15

Oo Timooti anee maanara irimariananoo. Misa qini Roomma maqannaa ruumbeeqee karabusaki quqasoofaqa aiqama Asia maqa maaqakina qini qiqoondiuqa qini minnisee quqasee sandamafiqau. Fikeerusafa faqa Qeeramookeeneesafa faqa miqanda faqa quqasee sandaqau.

1 Koorinti 2:11

Faiqí naundurakinaa maraquna fannoo mi fasiqana aundurakinaa irirana aiqama iridanoo. Miqi kai inoo Anutuna maraquna fannoo Anutuna aundurakinaa ainainara aiqama iridanoo.

Aaquqira Ufa 4:13

Anee aamuaqira ufa rakisi qumaraa. Sia uqaa. Aneenna ufa minasaa atukarama qaina mariani ani marirafa maridanoo.

2 Timooti 3:6

Misakiqari akaqa fasiqauqa nariqa unna amaana ufa qianeera furufari maria anaaseesa mandoosana maree maru anaaseesa maaqaki oonureeqa unna amaana ufa qimannimiseenoo misa afapita qumareenoo misa firaafaikinoo marifaqa mi irirana siai anaaseesa nári oosana oosana mandainaina nidudusaa aruqaafanoo innee doo mi mau kai fuaqee qifaqa mi mau kai fidaqa.

Karatia 6:10

Minara irisee maana qimannimidaqa maasa aiqamausa amiqira dadaaqirana dadaaqiaqa sia moodaakari kai, maqee maqee dadaaqirafa kambiqafinana dadaaqiaqa. Aiqamausa dadaaqidana niqoonausa Yisuna saqariki mariasa firaaqoo dadaaqiaqa.

1 Teesaroonika 5:15

Innee maa ainainnara faqa rakisiaqa, moo fannoo ani mandaikammamaqainana akiaqara sia narí mandaikammamaqaa sia mi oosanafa mariani. Innee aiqama kari narinni narinni amiqira oosana kai narí ami narí amiaqa sia inneeqaki kai miqiaqa. Innee aiqama maqannaasaki maridaqa miqimannimaqaaqa. Inneeqa irirana nimana mi amiqira oosannasaa kai quqaaqa.

1 Teesaroonika 5:22

Oosana oosana mandainainara eerairiaqa.