1 Teesaroonika 5:13 - Anutuna Ufa

¹³ Misa nári amiqira saikara irisee firaaqoo noosaa qiranara rufiaida misara nidiaqa. Innee nariara nariara nidimarinaqa asooaranaki mariaqa.

1 Teesaroonika 5:13 Referans Kwoze

Mareekoo 9:50

Ooruku amiqira ainaina maridanoo mina adiafaa irafa taikafinanoo naqimmasee adiafaairana maraannoo fee sia amanaikiannoo. Innee inneeqa naunduraki narinni narinni ooruku faqaasara foora maridaqa narinni narinni asooaranaki mariaqa.

Heeburu 12:14

Innee aiqamausa mariasa namufaqa amiqimmandee asooaranaki marirana amaniaqa. Inni mariranakina amiqirafa andeeqarafa kai mariaqa. Sia miqiqa karaambaiqa sia qafeefaranoo.

Yameesa 3:18

Asooeemariasa nári amiqira marirana qaqamara fooqiara asooaranaki ummaqusaafanoo minakiqari amiqimmandee andeeqarafa kambiqaidanoo.

Eefeesusa 4:3

Anutuna maraquna fannoo inni moodaanaki mara quqasaifaqa mariafanoo innikina asooarafa inni moodaanaki afapita qumaraifaqa mariafanoo innee mina moodaanaki marirana amiqimasee rakisiaqa, rakee iani.

Karatia 5:22

Anutuna maraquna fannoo sia miqi maria mandoosanakina uqannifiqaidanoo. Innee mina ufamau fifanoo inni mareeqee amiqira saqari qaqammara foora ireefaranoo. Maa amiqira oosanausa ireefaranoo, nariara nariara uriqarara ainaina maridee qimasee nariara nariara rirana faqa Anutunara asasirana faqa naunduraki asooarana faqa faiqí aanaaseera reendeenira irirana faqa amiqimandee dadaaqi mariana faqa afaarirana faqa amiqira ainaina afaarirana faqa sia minnisee firafa miqookai marida auqainna ainaina auqaida marirana faqa fisoofisoommasee ufa qirana faqa narí mandoosanara akooqamasee andeeqasee fimarina faqa Anutuna maraquna fannoo mi ainainausa kai uqannifiqaidanoo, sia moo sandufa fannoo mi amiqira ainainausara qaoo qiannoo.

2 Koorinti 13:11

Qini qikaqaafasaa doo maqee akara taikaanaura. Innee kaaqa andeeqaranara afeekaikamasee marararee qimariasa mariafanoo, qini ufa qunnana amiqimasee iriaqa, sia nariara nariara rairaiqiaqa, moodaanaki maridaqa asooaranaki mariaqa. Faiqí aanaaseera nimuqusirana nimimari Anutufa faqa naundura asooarana nimimari Anutufa faqa inni faqa mariani.

Yoohanee 15:17

Doo qeeqa aaquqira ufa maaqi qimasee qimannimidaqa. Innee nariara nariara ridaqa nidiaqa.

Idi Ufa 133:1

Anutuna faiqí anaasee moodaanaki marida narí amiqi narí amiqirafa kaaqa amiqirafa maridanoo.

2 Timooti 2:22

Nimuqusa anukarausa maqee maqee karaambaiqa aaraidaqa dadaaqiannee qidaqa anee misa faqa misa naanna raidana kumaaraa mandainainara nidiranara eerairiaqa andeeqaranara afeekaikamasee afaqaaqa, Yisunasaa irirana rusirana faqa faiqí aanaaseera nimuqusirana faqa naunduraki asooarana faqa afeekaikamasee afaqaaqa.

2 Teesaroonika 3:16

Karaambaiqa narí kai naundurai asooarana oosana marifa aiqama kari oosana oosana mariranaki inni faqa naundura asooarana nimiannoo. Karaambaiqa inni aiqamausa faqa mariani.

Kooroosee 3:15

Innee asauku mundiranaki mariasa moodaara foora marianara nariara nariara farafara qirana minnisee asauku mundirana asooarafa inni naundurai rakisimarinaqa moodaanaki kiqa mariaqa. Innee miqiaqee qimaseenoo Anutufa inni rusandeesamumasee mareeqee asauku mundiranaki quqanau. Doo Anutunara faqa maqee maqee dufi dufi qiaqa.

Karatia 6:6

Akaqa fasiqauqa Yisuna ufa inni qimannimifaqa innee misa ufa irimariana akiqara quandaki narana munnimma, maaqa, ainaina naida nimiaqa. Miqidaqa innee misa ummaara dadaaqifaranoo.

Karatia 4:14

Qinee auruafanaqa qiqafee sia qiniara nikooqoofaqa qini mandaikamaqisasee minniqisaqau. Qini aurirafa firaaqoo inni narufaqa minniqisaaneerusia sia minniqisaqau. Idaaqa kai maqisee marufaqa mariqiafana. Innee qiniara Anutuna qangiroora foora mari ifoo qimasee qini qumaraqau. Innee asauku mundirana Yisuna qumaroondeemmiqa qini qumarasee amiqi amiqimmaqisaqau.

Mataioo 10:40

Faiqí anaasee yafee moo fannoo inni dadaaqinafa mifa qini faqa qiqoondikidanoo. Qini dadaaqinafa qini qikoona qini diqiqoona mina faqa aqoondikidanoo.

Oosana 45:24

Yooseefaafa narí afasausa mara Kannaana maqusai niiqamasoofaqa fufanoo qima niminoo qinau. Innee aatata fidaqa sia qiniara qimasaida narí aqi narí aqiqa fuaqa.

1 Teesaroonika 5:14

Qinee inni naamuaqi maruna fasiqausa qimannimidaqa, inni kudi fasiqauqara afeekaikamasee naakapaifaqa misa ainainiaqa, rufiee maria fasiqa anaaseesa nimana mapukunimaqaaqa, irirana oore̱eqarausa innee dadaaqiaqa, innee aiqamausa qambaanai reendeenidaqa asooamasee qimannimiqa fuaqa.