1 Teesaroonika 5:11 - Anutuna Ufa

¹¹ Innee mi irirana iriseeqa soofaari mariasa mi iriranannai narí dadaaqi narí dadaaqidaqa narí amana narí amana mapukuaqa.

1 Teesaroonika 5:11 Referans Kwoze

Eefeesusa 4:29

Sia putaa ainaina afunda ainainara ufa qiaqa, faiqí anaasee pooduqamannimaqaida dadaaqimaria ufana kai qimasaifaqa misa iriseeqa amiqirana adiafaairana mareefaranoo.

Heeburu 10:25

Akaqausa amaana maqaki maqee suqiranara nikooqaidanoo. Innee sia miqiaqa maqee maqee suquaqa. Karaambaiqa qumira faasaanara qusararanara irisee narí fuki faaki narí fuki faaki qimasee Anutuna ufara suquaqa.

Roomma 15:2

Maasa naadu naadu qeeqa qikaqaafasaa narí Yisuna saqarikirana dadaaqiananoo afeekaikiani. Sia aneennara iria, aneenna akaqaafasaa amiqi amiqianifeera minara irisee dadaaqia.

Heeburu 3:13

Maa aukuannasaqa innisaimbaqa kaqikai maridaqa maa ainainnara rakisiaqa, faasaambaasaana narí poodue̱e nári poodue̱e imariana. Innikina moo fannoo narí mandoosana fannoo rarisameeqee Anutuna ufara sia irianaki quqaandoora eerairiaqa.

1 Teesaroonika 4:18

Miqiannanara innee faiqí anaasee faiqi kuqufuafaqa nifaaqa rumbee marifaqa ikiraqee mariana mi ufana qimannimifanoo nifaaqa aufadaani.

Roomma 14:19

Maasa minara irisee Yisuna aiku asaukuki nidaqa maasaki asooarana faqa narí afeekaiki narí afeekaikiqa Anutuna ufamau fuaqee qimasee mi mau fuaqa.

1 Koorinti 14:12

Innee Koorinti maqannaasa kaaqa Anutuna maraquna fannoo nimimari afeekanara kai firaaqoo rimariasa mariafanoo. Mi afeeka iriranakiqari maanara kai afeekaikiaqa. Yisuna ufara suqimariasa misara dadaaqiqa firaaqoo uqeeree maria ainainnara kai nidinaqa uqeeraaqeera qidaqa.

Eefeesusa 4:12

Anutufa sia fifaufau mi dadaaqira afeekana niminau, faiqí anaasee Yisuna ufara suqimariasa Yisuna afaaqara foora afeekaikamasee mariaqeera mi dadaaqira afeekana oosana oosana maasa qiminoo qinau, innee maa dadaaqira afeekana marasee minannai qini ufara suqimariasa afeekaikamannisaaqee qinau.

Yudeesa 1:20

Innee qini qiqoondiuqa sia miqimariasa mariafanoo. Innee Yisuna naaquqara ufaki mariasa mariafanoo maaqara foora auqiqa fifi inaqa minaki afeekaikiaqa. Innee Anutuna naaquqara maraqunannai maqee maqee innaaru qiaqa.

Eefeesusa 4:16

Asauku mundirafa narí ufa ameemaanai mariasa rakisimarifaqa misa minara maasa qikiaqa fee qidaqa. Faiqí afaaqa sia moodaa ainaina maridanoo oosana oosana afaaqa ati fannoo aadu aadu ainaina akoofasaikirana moodaanaki ootupamafifanoo moodaa fasiqa maridanoo. Asauku mundirafa maasa qikiaqa marifa maasa rakisimarifaqa maasa faqa miqi kai iqa faiqí afaaqa fooqaana aadu aadu akoofasaikirausa moodaanaki ootupanoo marifaqa maasa qikiaqa Yisunasaa atooaqa maridaqa mina afaaqaikiqa maridaqa. Maasaki aiqamausa naadu naadu nariqa saikirana andeeqasee maridaqa sia nariara nariara nikooqaani nariara nariara rinnanannai moodaanaki innooqafinoo amiqimmandee kambiqafi fuannoo.

1 Koorinti 10:23

Akaqausa minara maaqi qidaqa. Maasa amana aiqama oosana amiqirana faqa mandaikirana faqa minauqa maraanauree qiafaqa qinee Pauroosa minara maaqi qidaqa. Kuqaa aiqama nana ainaina amana maraanaura, sia aiqama ainaina amiqirafa maridanoo. Akaqausa maaqi qidaqa aiqama oosana amana maasa maraanauree qiafaqa qinee minara aiqama oosana sia faiqí anaasee dadaaqimaria oosanafa marifanoo fee qidaqa akaqana kuridirafa maridanoo.

2 Peetooroo 1:12

Qinee minara iriseeqa maa ainainausara maqee maqee naaqoo auqeemariana iriqa maraaqeera. Innee sia aunimariafanoo irimariafanoo anoona ufasaa afeekaikamafi atooqafi irimariafaqa kaifaa qimannimidaqa. Qinee maaqoo sia kuqidaqa kaqi maridaqa inni kafaa kafaa naaqoo auqaranara andeeqanoo mari ifoo qidaqa.

2 Koorinti 12:19

Innee mi ufana iriseeqa qiniara maaqi qifaranoo. Pauroofa narisaa faqa narí faqa marinausa faqa misasaa faqa ititaidanoo miqidanoo fee qifaranoo. Maasa sia miqianaura, asauku mundirafa maasara qundee kaimmidaqa. Qini qifaaqasaa qiqoondiuqa maasa Anutuna afusaa maridaqa aiqama ainaina auqeemaria ainaina inni dadaaqidee qidaqa auqaidaqa.

1 Koorinti 14:29

Qaaraqanda fee qaaramoo fee Anutufa ufa niminnana qifaqa aiqamausa suqimariasa irisee misa ufa raina rainammasee iriaqa.

Roomma 15:14

Oo qini qikaqaafasaauqa qinee Pauroosa inni Roomma maqusai mariasara qidaqa. Qinee inniara amiqirafa faqa irirana faqa qumbiqarausee qidaqa innee Roomma maqusanaasa amiqira irirana narí uqafiqee narí uqafiqee qimariasa amana mariafanoo.

1 Timooti 1:4

Anee maaqi qimasee qaoo qia. Misa nári uriuqa minnisaaqa misa nári nikeeku nikaaku nifaqnausa nifasaasa qimammaree kisaaqasaa fimariana minnisaaqa. Miqi qimaria ufafa ufa rainarana tinoorirana kai uqeeraidanoo sia Anutuna marirafa nirafa maasaki marina dadaaqidanoo. Anutufa maasara maaqoo fuannaanna sia mi manda dapi ufanannai paqurianaura maasa nári irirana Yisunasaa rusiranannai kai fuanna aanna paqurianaura.

1 Teesaroonika 4:10

Innee Teesaroonika maqusanaasa Yisuna ufa irimariasa Maseedoonia maqa maaqaki maria nikaqaafasaasa mi amiqira oosanna nimiqoosa mariafanoo. Sia maqee iandee kai kaqikaaqoo nariara nariara nidiani moo faqa moo faqa firaaqoo nariara nariara nidiani.

1 Koorinti 14:5

Qinee inniara aanaamuru ufakiqari sia irianakiqari aiqamausa minakiqari ufa qiaqee qidaqa. Mi oosanna uriqararafa maaqimminoo maridanoo Anutuna ufa nári ufakiqari qimannimirafa Anutuna maraquna nimimarifa qinee inniara minara firaaqoo qiaqee qidaqa ridaqa. Anutuna ufa nári ufakiqari qimannimimarifa uriqararafa maridanoo, aanaamuru ufakiqari sia iria ufanakiqari qimarifa ureeqarafa maridanoo, mi moo ufanakiqari qimarinnana faiqí moo fannoo aniree nári ufakiqari mi ufana qimanniminanoo andeeqasee irifanoo amana mariannoo miqimasee Yisuna ufara suqimariasa dadaaqirana mareefaranoo.