1 Teesaroonika 4:8 - Anutuna Ufa

^8-9 Faiqí fee anaasee fee moo fannoo maa qinee qunnufana minnisainafa sia faiqí ufafau minniseefara Anutufa narí naaquqara andeeqara maraquna niminna ufana rukieefaranoo. Innee Teesaroonika maqannaasa Yisuna ufa irimariasa nariara nariara nidiranara innee irimariafaqa fifau qimannimidaqa. Anutufa narí kai narí aidi narí aidiranara qimannimifaqa irimariafanoo.

1 Teesaroonika 4:8 Referans Kwoze

1 Yoohanee 3:24

Yau yausee Anutuna naakapara ufamau fimarinausa misa Anutunaki marifanoo kafaa Anutufa misaki maridanoo. Anutufa narí maraquna nimiqoona minara Anutufa maasa daunduraki maridanoo fee qidaqa.

Ruka 10:16

Yisufa quandafi narí faiqi namu qimanniminoo qinau. Ya fasiqa anaasee fee inni ufa irianinafa qini ufa uqanna iriannoo. Ya fasiqa anaasee fee inni ufa rukiainafa qini futeeqaannoo, ya fasiqa anaasee fee qini ufa sia irinafa qini diqiqaina Anutuna futeeqaannoo.

Yoohanee 12:48

Yafee moo fannoo qini minnisainafa qinee ufa qimarunnana minnisainaqa sia qeeqa ufa mina amianaura. Kasoo taikara faasaana Anutufa qini dookinaa ufa maqee qimannimimarunnana maraseenoo minannoo naruannoo.

Aaquqira Ufa 23:9

Anee sia furufarira fasiqa ufa amia. Mifa ani ufara sia asasiannoo.

Aaquqira Ufa 1:7

Anee irirana faqaafa mariraree qimasee Yaaweena ameemaanai maria. Furufari mariasa sia iriranara naaquqaidanoo irirana mararanara faqa nikooqaidanoo.

Yudeesa 1:8

Miqikai masee maa maqee inniki mandoosana uqeeree mariasa ooqeenaasa naanna raidaqa. Maqee inniki mariasa qainamaseeqa Anutuna ufammifoo qimasee mi mau fiqa aaqamaki nariqa naridaqa. Misa Anutuna aanoora sia rufiaidaqa mina ufa rukiaseeqa nári qimaqaa aatata fidaqa. Mi mandoosanna maree mariasa innaarunai amiqirausa marianara mandufa qimannimaqaidaqa.

Karatia 4:6

Anutufa inniara mina amaaku fee qiaqeera qimaseenoo narí amaaku maraquna inni nimuqusaki aqiqoofanoo keeqafi maridanoo, mi maraqunafa inni dadaaqifaqa innee faiqi aanaaqiara fooqaana Anutunara qini qikoo fee qimariafanoo.

1 Koorinti 7:40

Mi anaaseefa kaqi adeedaana maridanoo aufadaranaki mariannoo. Qinee mi ufana qunnana qeeqaindi qeeqa irirana maaqi qidaqa Anutuna maraquna fannoo dadaaqidanoo fee qidaqa.

Roomma 5:5

Mi asasirana afeesirafa sia qisaurirana qimiannoo Anutufa narí naaquqara maraquna kaqi qimimarifa maridanoo. Anutufa narí naaquqara maraqunannai maasa naunduraki nammariara foora narí aidirana maasa naunduraki adiaqimaqeenoo narí areenarana naida qimiannoo.

1 Peetooroo 1:12

Anutufa sia mi tamummaqara fasiqausa maru kamuqoorau qimanniminau. Maa maqee maria kamuqoora inniara qimannimufaqa irisee akara rumaqoofa maridanoo. Mi tamummaqara fasiqausa minara iridaqa ainainiqau. Misa maa maqee innee irimaria anoona ufanara minara qimasee akara riqau. Mi anoonufana tamummaqara fasiqauqa ooqai akara rumaqoofa doo maa maqee maria aukuana amiqira fasaasa ufa Yisunara qimannimimariasa doo qimannimisaafaqa irimariafanoo. Anutuna naaquqara maraquna fannoo dadaaqifaqa inni maqusa maqusa mariasa daraanimambifaqa qimannimiafaqa irimariafanoo. Tamummaqara fasiqauqa ooqai akara rumaqoo anoona ufausa mina maqee irimariafanoo innaarunaindaraa qangiroouqa mi ufana misa iriafanoo iriaqaa kai imarifaqa firaaqoo Anutufa Yisuna maa maqanasaa arusee afiqoonara randaidaqa. Maasa faqa maa maqanasaa marunausa faqa sia mi ainainnana amana maridaqa.

1 Koorinti 2:10

Qinee Pauroosa minara maaqi qidaqa. Maasa inni saimbaqa Roomma maqannaasa namufaqa Anutufa narí maraqunannai narí ooqai kukeeqara irirana qiminau. Anutuna maraquna fannoo aiqama ainainara randasee aiquqummasee qafaidanoo. Sia akooqoo ainaina kai qafaidanoo Anutufa naaru kambiqaaninna kukeeqara ainaina farumara foora unaurinoo marina mina faqa aiquqummasee irimarifa marunara Anutufa narí ooqai kukeeqaqoo irirana inni saimbaqa qiminau.

Rafudoo Akarafa 16:8

Mooseefa kafaa qimanniminoo qinau. Eendinanoo Yaaweefa aandau niminaqa neefaranoo. Kananaana bereeta fooqaana inni nimana kai nimiannoo. Innee mina firaaqoo aanoo qimarianara miqiannoo. Innee maasara aanoo qimariana sia maasarau miqi mariafanoo, Yaaweenara aanoo qimariafanoo.