1 Teesaroonika 4:3 - Anutuna Ufa

³ Anutuna irirafa inniara maaqimminoo maridanoo inni andeeqara naaquqarafa marinaqa faiqí anaasee narí ummuari narí ummuarirafa sia inni rumbanoo mariani mandainainakiqari idukirausa naanna ramasee mariaqee qiaqa.

1 Teesaroonika 4:3 Referans Kwoze

1 Peetooroo 4:2

Nipatasaa nidafirana naruqooqari innee maa maqanasaa maridaqa inniqa nidira mandainaina fannoo sia inni mara quqaannoo, Anutuna irirafa kai inni mareeqee quqaani.

1 Teesaroonika 5:23

Anutufa maasa naundurai asooarana nimimarifa inni mariranaki naaquqara andeeqara oosana firaaqoo nimiani. Mifa kai inni aiqama marirana nipatasaa faqa nimana faqa maraquna faqa aaqarafa sia mariani anukarafa kai mari mari inanoo asauku mundirafa karaambaiqa Yisufa miqiqa marinnanaki qumuani.

Roomma 12:2

Minara irisee maaqimmiaqa sia maa maqa maaqanasaa mariasa naanna raaqa. Innee eedoo qifanoo Anutufa inni nitikura amiqimmasee firaaqoo quandanniseenoo naunduraki nirana faqa quandannisaannoo. Innee miqimmaseeqa Anutuna irirana faqa Anutuna aidirana faqa amiqiranee qimariana faqa idaaqiranee qimariana faqa amiqimandee irifaranoo.

Heeburu 13:4

Innee aiqamausa faiqí anaasee nimundaranara uriqarara ainainee qiaqa. Faiqí aneesee aqumummasainafa sia moonaindi quandaki qumaraa. Aiqamausa inneeqa nammari kai neeqa andeeqasee mariaqa. Faiqí anaasee dapi narí maree narí maree qiqa nuasa faqa qummuariqa nuasa faqa Anutufa ufa iriseenoo naruannoo.

Eefeesusa 5:17

Minara innee sia furufariaqa Karaambaiqa inniara fuaqee qinaqa fifandinnanara faqa auqeefandinnanara faqa ooqai iridanoo innee mi iriranara randasee paqurimandee mi mau afeekaikamandee fidaqa qafaaqa.

Kooroosee 3:5

Inneeqa maa maqanasaaqaraa nifaaqa ainaina adiafaairana arusaifanoo sia inni kaifaa mandoosana uqannifiqaani faiqí fannoo anaasee qummuarimariana faqa anaasee fannoo faiqí qummuarimarina taikaani. Inneeqa nifaaqa sia kooroo iaqa. Innee sia inneeqa mandoosana maraidaqa maanaaqa anaaseera indee indee qiqanuaqa adiafaa qiqa nuaqa doo mi irirausa taikafuani. Oosana oosana mandainaina marararee qimariafa mifa faqa taikafuani. Innee aiqama ainainara nimukee marina mi irirafa taikaani. Anutuna minniseeqa moo Anutunara foora innaaru qidee qimariasa faqa ainainara rimariasa faqa moodaanaki unna aatata fimariafanoo.

1 Teesaroonika 4:4

Anutufa inniara maaqiaqee qidanoo. Innee aiqamausa inneeqa nifaaqara naaquqara uriqarara ainainee qimasee rakisidaqa andeeqara oosana marararee qidaqa narí ummuari narí ummuarirana taika uqanna fuani.

Karatia 5:19

Faiqí faiqi maqasaa irirana oosana kaqi akooqoo maridanoo. Mina oosana maaqimmasee koorooidanoo, faiqí anaasee narí ummuari narí ummuarirana faqa adi namufaqira oosana oosana faqa irirana siaisa furufarida kaqi mandainaina maraqanuana faqa saqarinnai unnaqira Anutuna amana auqusee irirana mina amimariana faqa aukainaina ufaaqa afaannainaina maraqanuana faqa, faiqí anaasee namuqaa kirana faqa rakirana faqa rairaiqirana faqa qusufa qimasee aanooqirana faqa, aiqama ainaina náriara kai fatusimariana faqa, naadu naadu rakeekaammasee nariqa kai naadu naadu suqimariana faqa, nariara nariara rairai qimariana faqa nammari namasee furufarirana faqa, misa suqufifaqa oosana oosana mandoosana uqeeree mariana faqa oosana oosana mandoosana maraidaqa. Qinee ooqai aaquqima nimaqaafanausa kafaa maqee faqa aaquqimannimaqaidaqa, mi oosanna maree mariasa sia uqanna Anutuna ququsaki keeqeefaranoo.

1 Yoohanee 2:17

Maa maqa maaqanaki maria mandirirana marina ainainausa faqa faiqí nidimari mandainainausa faqa doo taikanoo qumidanoo kasooqaqee firaaqoo taikaannoo. Faiqí fee anaasee fee moo fannoo Anutuna iriranamau fimarifa sia maa maqa maaqana namufaqa taikaanno, kaqi naaru naaru mariannoo.

Mataioo 7:21

Yisufa kafaa maaqi qimasee qimanniminau. Faiqí fifau misa nookiqari qiniara karaambaiqee karaambaiqee qimariasa sia innaaruna ququsaki fifaranoo. Qini innaarunai qikoona iriranamau fimariasa misa kai innaaruna ququsaki keeqeefaranoo.

Uqafiqoo Ufafa 21:8

Maparaa imariasa faqa ueeqee mariasa faqa kaaqa ufa rukiee mariasa faqa faiqí anaasee kuqa narimariasa faqa kaaqa faiqí aanaaseera rimariasa faqa aukainaina maraqa nuasa faqa tumunnai faiqí nimana auqusaida minara rufiasaida innaaru qimariasa faqa aiqama oosana oosana unna ufa qimariasa faqa mi mandoosanna maraqa nuasa misa maqusai ida farumaki marifaranoo. Miqoo ida firaafa fasafasainoo mandundi marifa mariannoo. Mi idana auqu inaaqiannaa kuqirafa maridanoo.

2 Teesaroonika 2:13

Innee Teesaroonika maqusanaasa sia miqimariasa karaambaiqa inniara aidimarisa maasa doo inniara maqee maqee Anutufinnai dufi dufi qidaqammu. Anutufa narí maraquna afeekannai faqa innee anoona ufasaa mandaaqaranannai faqa inni Teesaroonika maqusanaasa innaarunai asumu marirana faqa Anutuna narí faiqí anaasee kammafi mariaqeera faqa oosana arooqooqari rusandeesamumasee inni maraanauree qimaqoofa maqee mareenoo.

Eefeesusa 6:6

Sia misa eedoo qira ufara kai irisee misa nifusaa kai ainainiaqa, inneeqa nimuqusannai Anutuna ufamau asauku mundirana ainainidara foora amiqimasee ainainamannimaqaaqa.

1 Koorinti 7:2

Kafaa mina atiki maaqi qianaura. Faiqí anaasee narí ummuari narí ummuarirafa moomoo marinara aiqama fasiqauqa nári ninaaqa maraaqa, aiqama aanaaseeuqa nári nifaaqmaaka marasee andeeqasee mariaqa.

Idi Ufa 143:10

Anee qini Anutufa mariannanara aneenna aidira ainaina qima qiminaqa auqaa. Qini amiqimma qisaseenana amiqira aanasaa ititaqimaqainaqa fua.

Idi Ufa 40:8

Oo qini Anutu, ani aidirana mau firara firaaqoo dididanoo. Ani sanda ufa qini qimuqusaki maridanoo.

1 Peetooroo 1:2

Maasa qikoofa Anutufa maqee maa kari narí ianinnanara iriseenoo inni rusandeesamumaqoosa mariafanoo. Sia fifaufau rusandeesamuinau. Asauku mundirana Yisuna fidikannai findaukarausai kiaqeera faqa Yisuna ufara eedoo qimasee mi mau fuaqeera faqa Yisuna maraqunannai kaaqa andeeqara fasiqa anaasee kammafi mariaqeera inni rusandeesamumasee maranau. Anutuna afaarirafa faqa asooarana faqa inni naundurai qumbiqafinoo irairaamminoo mariani.

Heeburu 13:21

Anutufa asooarana faqaafa innee mina iriranamau fifandinna oosana akoofasaikirana inni niminaqa fuaqeera. Anutufa asauku mundiranannai maasa faqa mareeqeenoo narí aidira oosanaki narí iriranamau firanaki quqannisaani. Aiqama amooqirafa faqa kaaqa areenarafa faqa asauku mundiranaindi naaru naaru mariannoo. Kuqaa.

Titusa 2:14

Mifa maasa kuqirana nariara maraseenoo maasa sia maraaqeera maasa kuqiranaki mifa keeqanau. Sia fifaufau kuqinau. Maasa qeeqa mandainainakinaana mareeqeenoo maqee kamuqoo narí kaaqa qara andeeqara fasiqa anaasee kammannimaqaaneera kuqinau. Maasa minaindikuqanna iaqeera, maqee maria kamuqoo amiqira ainaina kai maasa aruqarara rimariasaikamma fuaqeera kuqinau.

Kooroosee 1:9

Maasa indaaru mi ufana iriseeqa miqooqari inniara innaaru qidaqa. Maasa inniara Anutuna iriranamau fifandinnanara inni naundurai qumbiqaanifeera innaaru qidaqa. Anutuna maraquna fannoo nimi irirana faqa iriranamau fira irirana faqa inni naundurai qumbiqaanifeera minara faqa innaaru qimannisaidaqa.

2 Koorinti 12:21

Qinee innee unnai oonu raananoo Anutufa qini mareeqeenoo qisauriranaki quqaannoo. Qinee inni mandoosanaki oorureeqa inni nifusaa ikiraqasee soofaariara foora iqa qisauruanoora. Inniki moomoosa ooqaindari mandoosana marasee sia minara oonumafi irisee nisaurusee minnisaqau. Akaqausa faiqí faqa anaasee faqa narí ummuari narí ummuarirana minannai furufaridaqa akaqausa faiqí anaasee dapi maraqanua fasiqa anaaseesa faqa akaqausa ufa rukiasee nári mandoosana manda iriranamau fimariasa mariafaqa sia minara oonumafi irisee nisaurusee minnisaqau.

1 Koorinti 1:30

Anutufa inni mareeqeenoo asauku mundirana Yisunasaa atooqaseenoo asauku mundirana qumareenoo maasa iriranee qimaseenoo maasa mareeqeenoo narí andeeqaranaki qiseenoo narí aiku asauku uqannaikamma qimaqeenoo maasa manda ainainakinaana idukuqisoofaqa marunnanara maasa tamummaqara fasiqa ufamau kai fuannanara minara maaqi qimasee mifa akararinau. Faiqí moo fannoo nana ainainaree moo ainaina amooqianauree qimasee sia narí amooqirana uqeeraani karaambaiqara kai amooqiani.

Mataioo 15:19

Amuqusakiqari manda irirana faqa faiqí narirana faqa moona anaasee maree mariafa faqa maanaaqa kumaara rarisee mariafa faqa ummuari mariafa faqa fifau akaru qimasee quandasee qimariafa faqa aqoonnanara mandufaqiranara faqa mifauqa kai faiqí putaamma nimaqaidanoo. Sia nisaaqumaseeqa narana neemariafa sia mifa faiqí anaasee putaamma nimaqaidanoo.

Mataioo 12:50

Faiqí anaasee yausee innaarunai qini qikoona iriranamau fimariasa misa kai qini qikaqa faqa qini dauna faqa qini qinausa faqa maridaqa.

Kooroosee 4:12

Eepafaraasafa inni Kooroosee maqannaafa mai maridanoo inni nimandaidanoo. Mifa faqa asauku mundirana Yisuna ainainira faiqi maridanoo, mifa inni Kooroosee maqannaasara andeeqasee Anutuna ufa nimandakusee irisee mi mau andeeqasee fuaqeera afeekaikamasee innaaru qidanoo. Innee kooroosee maqannaasa faiqí firaasara maqi mafi amiqimasee Yisuna aiku oosanaki ooqumarifi afeekaikiqa mariaqeera innaaru qidanoo. Innee miqiaqeera Eepafaraasafa inniara maqee maqee afeekaikamasee innaaru qidanoo.

Roomma 6:22

Doo maqee innee mandainainakiqari idukiqa mariafanoo Anutuna rumbaranaki keeqafi mariafanoo. Doo innee miqiunara inni marirafa aiqama doo minaindi kakai mafi mariinaqa taikara aukuana innaarunai marirana inni nimiannoo.

Yoohanee 7:17

Qini ufa Anutunaindi fee qinee qeeqa fee qidee. Faiqí moo fannoo Anutuna iriranamau firarimarifa qini ufara Anutufa fee qiannoo.

Heeburu 12:16

Innee rakisiaqa. Sia inniki moo fannoo Esauna aanna raaqa. Mifa andeeqarana minnisee Anutuna ufa rukiasee moodaa naranannai kai afasaafa narí qumiasana narí akaqa doo aminau.

Uqafiqoo Ufafa 22:15

Mi maqusana aqoosai kaaqa ufa rukiee mariasa faqa aukainaina maraqa nuasa faqa faiqí anaasee nariara nariara fanandi mariasa faqa faiqí anaasee kuqa narí mariasa faqa saqarinnai faiqí nimana auqusaida innaaru qimariasa faqa unna oosana auqimariasa faqa unna ufa qimariasa faqa misa aiqama aqoosai marifaranoo.

Mataioo 5:32

Mi ufafa miqimminoo maridanoo, qinee Yisusa minara maaqi qidaqa. Faiqí moo fannoo narí anaaqa aqiqee mariana sia ummuari mari anaaseena amiqimari anaaseena fifau aqiqee marifa mi fasiqafa narí anaaqa mareeqeenoo ummuariranaki quqaidanoo. Quqasaifanoo faiqí moo fannoo mi anaaseena maraifa mifa faqa ummuarammidanoo.

1 Teesaroonika 4:2

Inni faqa marianna kamuqoo Karaambaiqa Yisuna ufamau fuaqeera naamuaqira ufa oosana oosana naakapaafannana innee irimariafanoo.