1 Teesaroonika 3:5 - Anutuna Ufa

⁵ Qinee Pauroosa minara iriseeqa innee iannai Timootina aqiqeeqa. Qinee inni naufakiana sia uqanna iriqa kisaaqasaa mariranara qikooqaifaqa munari minariqa Timootina aqiqeeqa. Mifa oonureenoo Yisunasaa mundiranara irianifeera aqiqeeqa, Sadannafa inni nikarimaqasee qafaifanoo qini saika kadiqaannoo fee sia fee kadiqaannoo.

1 Teesaroonika 3:5 Referans Kwoze

Mataioo 4:3

Kudoosaapee marufanoo afaannauqa firaafa mandainainara amanammasee qafarara anireenoo Yisuna qimaminoo qinau. Anee kuqaa Anutuna amaaku mari inana maaqi qimasee kooroo inaqa qafaa, maa oonisara qinanoo feemu kamambinana nainanoo amuaqu inaqa qafaa.

2 Koorinti 2:11

Maasa Sadannana mandiriranara iridaqa mifa maasa uridaaqaraandoora mandainaina maraana akiaqara mininniseeqa kafaa moodaanaki kiaqa.

Eefeesusa 4:14

Mikari maasa sia faiqi aanaaqiara foora aiqama oosana oosana amaana ufa iriseeqa munari minari ianaura unna ufa qimaria fasiqausa nári nikaruqira finnai akaqausa aaqaranaki rarisama quqaidaqa maasa misa ufa iriseeqa sia ufaira foora aiqama saqari udammi udammianaura.

Karatia 4:11

Qinee Pauroosa inniki marunausa inniara rufiaidaqa. Inniki ainainiafanafa fifaunni maqasaa rairaa idanoommi maqi qidaqa.

Karatia 2:2

Anutufa narí maraqunannai kukeeqasee qimaqimunara ooru fiqiafana. Miqoo ooruree Yisuna ufara suqimarusa misa uriqararausa faqa kai ufa qidaqa, aanaamuru Yisunara qimannimiafannufana oosana oosana qimannimiqiafana. Misa sia irifaqa qini saika ooqai faqa maqee faqa sia amiqimandee qini dooki iriranaki qaoo qifoora minara qinee qimannimiqa.

1 Koorinti 7:5

Minara irisee sia innee nariara nariara qaoo qiaqa. Anutunara kisaaqasaa amiqimasee innaaru qiannee qimasee faiqí faqa anaasee faqa moodaaqooqara ufa qimaseenana naquma amaanee marasee akeeka masee aura masee maraanauree qimaseenana aadu aadu mambinana Anutunara kisaaqasaa innaaru qiaqa. Innaaru qimaseenana kafaa moodaanaki kiaqa kisaaqasaa aadu aadu ina mariannanara Sadannafa nimanamandee qafaina sia afeeka marina eedoo qifoora minara kafaa moodaanaki kiaqa.

1 Teesaroonika 3:6

Doo maqee Timootifa oonurandee anireenoo inni adiafaaira naufakiana qifaqa iriqa. Mifa innee Yisuna saqarikirana faqa nariara nariara nimuqusirana faqa qimaqiminoo. Mifa innee maasara maqee maqee irimariana faqa maasa inni niqafaaqaairana amana amana kai innee maasa qiqafaaqaa imarianara Timootifa qimaqimifaqa iriqa. Ooqai maasa qifaaqa rumbanoo marifaqa mariunausa.

1 Teesaroonika 2:1

Oo Teesaroonika maqannaasa qini qikaqaafasaauqa. Maasa namu inni maqusai fuafannakari sia kadiqamannisaqiafana, innee minara irimariafanoo.

2 Koorinti 6:1

Qinee Pauroosa qini faqa maria namusa maasa Anutuna aanaiqikirausara foora maridaqa Anutuna faqa moodaanaki ainainidaqa inni Koorinti maqannaasa fuki faaki idaqa doo innee Anutuna kaaqa afaarira anoona doo maraafanoo sia quqasaifanoo maqasaa aqufi rairaaiani.

Firipi 2:19

Qinee qusasaa Timootina aqiqaananoo innee Firipi maqannaa iannai fuanifee qidaqa karaambaiqa Yisufa dadaaqinaqa aqiqaanaura. Mifa innee iannai oonuree aniree qimaqiminanoo inni ufa fannoo qini daundurai pooduqama qimaqaannoo.