1 Teesaroonika 3:11 - Anutuna Ufa

¹¹ Maasa Anutufa maasa qikoofa narí uqanna, maasa karaambaiqa Yisufa faqa maasa aana afisusainaqa innee iannai fuanaura.

1 Teesaroonika 3:11 Referans Kwoze

Mataioo 6:32

Anutuna ufa sia irimariasa misa miqi qidaqa. Innee sia misa naanna raaqa. Innee inni innaarunai nikoonara kai iriaqa. Mifa faasai inni narana inni qamunna ainainara faasamma iridanoo.

2 Teesaroonika 2:16

Anutuna asauku mundirafa karaambaiqa Yisufa faqa maasa qikoofa Anutufa maasara aidi marifa narí kaqi afaarira oosanakiqari naaru naaru paasoosirana faqa naaru kambiqaaninna ainainara asasammasee afeesirana faqa nimuqanda miqanda fannoo inni afeeka niminaqa andeeqara nirana marirana ufaqirana maraaqa, inni nimuqusaki sia Yisuna ufamau firanara naaquqarafa mariani paasoosirana kai umbiqa nimiani.

1 Teesaroonika 3:13

Miqifanoo Anutufa inni nimuqusa mapukusee afeekaikamma nimiannoo. Innisaimbaqa karaambaiqa Yisufa narí aiku asauku faqa kafaa qumureenoo inni mareeqeenoo andeeqarausa naaquqarausaikama nisainaqa maasa qikoona Anutuna afusaa kikiqifaranoo.

Ruka 12:32

Oo innee qini faiqi namu, innee qini aandau aanaaqi firimariasara foora mariafanoo sia rufiaaqa inni innaarunai nikoofa asasamasee innaaruna ququsa inni nimiraree qidanoo.

Mataioo 6:26

Innee kaaqa qamunna naranara rimariasa qinee nindafaidaqa. Qufini sia narana ummaqidaqa sia aiqidaqa, sia afeedidaqa, kaqi narana naidaqa. Anutufa misa nimidanoo. Anutufa ufini ririmma kaqikaa ainaina dapi ainaina narana niminoo inani. Innee faiqí firaa ainaina mariafanoo uriqaraqa mariafanoo inni faqa nimiannoo.

1 Yoohanee 3:1

Innee qafaaqa maasa qikoofa Anutufa firaaqoo maasara amuqusifanoo rimarifa maridanoo. Maasara firaaqoo amuqusifanoo maasara narí faiqi namu fee qidanoo. Maa maqa maaqanasaaqaraasa Anutunara sia irunnanara mina faiqi namu maasara faqa sia iridaqa.

2 Teesaroonika 3:5

Karaambaiqa fannoo Anutunara nidirana inni nimuqusaki quqaani. Anutuna ufamau nimandakufi maqee maqee firana Anutuna asauku mundirafa inni naunduraki quqaani.

Ruka 12:30

Maa maqanasaa Anutuna ufa sia irimariasa misa mi ainainausara kai maqee maqee randaidaqa, inni nikoofa inni narana qamunna ainainara faasai iridanoo nimiannoo.

Mareekoo 1:3

Aadana maqa maaqakiqari moo fannoo maaqi qimasee fi fi qinoo faaqaridanoo faiqí anaasee qimamidanoo. Innee karaambaiqa fuaninna aanna afisuaqa, andeeqara qoo kai karaambaiqa nuani.

Karatia 1:4

Maasa qikoofa Anutufa qufanoo asauku mundirafa iriseenoo eedoo qimaseenoo mi mau finau maqee kamuqoo marunna mandainaina afeekaikiranakinaana maasa idukuaqeera narafaaqa maasa mandainaina akiaqara aunirira saqarisaa paasoosamasee quqanau.

Roomma 1:3

Mi amiqira fasaasa ufana narí amaaku narí asauku mundirana Yisunara maasa karaambaiqara qidanoo. Mifa Dafidinakiqari kambiqoonara maasa maqasaa fasiqee qidaqa. Anutufa narí firaa afeekannai kuqiranakinaana Yisuna mara findifumaseenoo minannai uqannifiqasoofaqa iriseeqa misa minara Anutuna amaaku innaarunaindaraafa naaquqarafee qidaqa.

Mataioo 6:14

Yisufa mi ufanara kaifaa maaqi qimasee qimanniminoo qinau. Innee inneeqa niqoonausa faqa aanaamuru faqa manda oosana akiaqara mininnisaifanoo innaarunai nikoofa inni manda oosana akiaqara faqa minnisaannoo.

Mataioo 6:6

Innee innaaru qidaqa inneeqa maaqaki inneeqa kai keeqafinana kooqi ititaseenana qumee kai inneeqa nikoonara innaaru qifanoo, aiqama ainaina kukeeqarana faqa qafee marifa ani qafamaseenoo mina akiaqara amaqaannoo.

Mataioo 6:4

Qumee kai amimarinanoo inni nikoofa aiqama qumee ainaina qafee marifa mina akiaqara ani feefauru quqammamaqaannoo.

Yoohanee 20:17

Miqi qimasoofanoo Yisufa qinau, sia qeeqa qikoofinnai ooru fiqa minara anee sia qini qifaaqa qumaraa. Anee oonuree qini qikaqaafasaauqa qimannimia. Qinee qeeqa qikoofinnai faqa inni nikoofinnai faqa qeeqa Anutufinnai faqa inni Anutufinnai faqa ooru fidaqa.

1 Teesaroonika 4:16

Mi faasaannasaa innaarunaindari Anutuna daambeenda firaaqoo ruannoo, qangirooqua uriqararafa ufa qiannoo, Anutuna ukeena fuaqaannoo doo miqoo innaarunaindari karaambaiqa narí uqanna qumuannoo. Qumurainaqa kuqirausa kaqi maru kamuqoo asauku mundirana saqarikida mariusa misa naaree kuqiranakiqari findififaqa doo miqoo maasa mikari kaqi mariasa faqa kuqirausa faqa Anutufa moodaanaki afapita qumareenoo uqeerannisainaqa asurukina keeqakinaqa aanai ooru karaambaiqa paqurimasee mikari mina faqa naaru naaru marianaura.

1 Teesaroonika 5:23

Anutufa maasa naundurai asooarana nimimarifa inni mariranaki naaquqara andeeqara oosana firaaqoo nimiani. Mifa kai inni aiqama marirana nipatasaa faqa nimana faqa maraquna faqa aaqarafa sia mariani anukarafa kai mari mari inanoo asauku mundirafa karaambaiqa Yisufa miqiqa marinnanaki qumuani.

2 Teesaroonika 3:16

Karaambaiqa narí kai naundurai asooarana oosana marifa aiqama kari oosana oosana mariranaki inni faqa naundura asooarana nimiannoo. Karaambaiqa inni aiqamausa faqa mariani.

Uqafiqoo Ufafa 21:3

Qumuroofanoo ufa moo fannoo Anutuna innaaruna qaarisaaqari maaqi qimasee firaa kari qinau. Doo maqee Anutuna maqusa faiqiki qumu maridanoo. Mifa misa faqa marinaqa misa mina faiqí anaasee marifaranoo. Anutufa narí uqanna misa faqa marinoo misa Anutufa mariannoo.