1 Teesaroonika 2:9 - Anutuna Ufa

⁹ Oo qini qikaqaafasaa maasa inni maqusai inni faqa mariafanaqa innee maasa oosana qafamasee irimariafanoo. Maasa narana maree maria saikana kadaapiriqa tooqaamu maraafana qafaqau. Maasa Anutufinnaindaraa amiqira fasaasa ufa qimannimiqa fifi inaqa innisaa oonu munduanaqa innee maasa naranara mamaraida miqidammiafoo qifoora faasaana faqa eendaki faqa qeeqa kai narana maree maria ainainirana kadaapiri mariafanaqa qafaqau.

1 Teesaroonika 2:9 Referans Kwoze

2 Koorinti 11:9

Qinee inniki mariafanna kamuqoo qeeqa narana munnimma sia marufaqa sia inni munnimma moodaa marasee narana mara naqiafana. Qini qikaqaafasaauqa Maseedoonia maqannaasa nariqa munnimma mareeqee qini qimana kai qimufaqa marasee narana mara nee mariqiafana. Ooqai miqi mariafannana kafaa maqee maaqoo marunnaqooqari sia innindi maraanaura. Innee aaqarana marasaifaqa naqimmasee fee inni aaqara ufannai andeeqannisaanauree inni narana munnimma qimunara irisee qisauruanoora. Qinee Pauroosa minara inni qimannimidaqa.

2 Timooti 1:3

Qini qikeeku qikaaku sia moo ainaina rafaaqafinau Anutuna sandufamau amiqimasee fidaqa maqee maqee Anutunara innaaru qimariqau. Qinee faqa miqi kai masee misa naanna ramasee maqee maqee innaaru qidaqa aniara Timootinara dufi dufi qidaqa. Oo Timooti ani anoofa Eeunisa nammarifa faqa ani ataatoofa Rooisa nammarifa faqa miqanda noori kandamasee Yisunasaa amiqimasee mundiqa mariqau. Maqee anee faqa miqanda naanna ramasee mi oosanna kai maree mariana qinee iridaqa qafaidaqa. Mi irirafa kaqi aniki marifaqa qinee iridaqa.

1 Timooti 5:5

Adeedaana anaasee moo fannoo maridanoo minasaa rakisirafa moo fannoo sia marifa mifa kaaqa adeedaana uqanna maridanoo. Miqira adeedaana narí irirafa Anutunasaa mundirafa maridanoo eendaki faasaana Anutunara dufi dufi qidanoo maridanoo minara kai dadaaqiannee qidanoo innaaru qidanoo.

1 Timooti 4:10

Minara kai maasa kadaapirida nimudaanai qidaqa. Maasa qiqa qimuqusakinaa irirafa kaqi marira Anutunasaa mafi munduseeqa. Mifa aiqama fasiqa anaasee asumu maree marifa maridanoo, mina ufasaa rusimariasa kuqaa misa asumu maree marifa maridanoo.

1 Teesaroonika 2:6

Maasa inni faqa maridaqa inni fee akaqausee sia misa nimooqira ufara randaqiafana.

1 Koorinti 9:18

Qeeqa saika akiaqara nana feefauru fee maraidee, Anutufa amana kadaapi akiaqara narana marasee naannee qifaqa qinee sia miqidaqa amiqira fasaasa ufa sia feefauruara irisee kaqi didifaqa qimannimunafa mifa qini feefaurirafa maridanoo. Kaqi qimamidaqa qeeqa andeeqara kadaapirirana akiaqara sia maraida kaqi qimannimira asasirafa mifa qini amiqira feefauru maridanoo.

1 Koorinti 9:15

Mi andeeqara oosanafa marifaqa qinee sia miqiqa maa pasana akara runnana innee narana sia kaqi qimiaqee qidaqa akara rumannimaqaidaqa. Akaqausa qini maa ufanara fifau dapi ufammifoo qifoora sia inni narana marasee kaqi naanaura kuqiranaki fuanaura, qeeqa kadaapinnoo feefaurirafa amana. Miqi marifaqa Anutuna ufamau fiqaramasee funnanara qeeqa qimooqidaqa. Sia moo fannoo mi ainainniannanara qimooqirana aruannoo. Ainainamaseeqa feefaurumasee naanaura.

1 Timooti 1:11

Mee Anutuna mapukira ufa qunnana mifa maasa Anutuna amiqirana mina areenarana kooroo idanoo. Mina amiqira fasaasa ufa amana kai mi ufafa maridanoo. Mi fasaasa ufana Anutufa qinisaa quqasee anee Timooti qimannimiannee qu ufafa maridanoo.

1 Teesaroonika 3:10

Maasa faasaana eendaki inniara Anutufinnai innaaru qidaqa, Anutufa dadaaqinaqa inni noori nindafamasee inneeqa Anutuna ufamau firana andeeqa nimifaranoo.

1 Teesaroonika 2:2

Maasa namu Teesaroonika maqusai fuaneera Firipi maqusai oonuraafanaqa mandaikamma nimaqeeqa manda ufa qimunara irimariafanoo. Maasa inni maqusai oonuraafanaqa moomoosa aanooqima nimaqoofaqa oonumafi iriafananoo Anutufa paasoosirana nimufaqa mina ufa inni Teesaroonika maqannaasa qimannimiqiafana.

1 Teesaroonika 1:3

Maasa inniara maqee maqee maasa qikoona Anutuna aaqoo auqaidaqa. Innee Yisuna saqarikidaqa miqianara Anutuna ufirira ainainirana maqee maqee imariafanoo. Innee Anutunara faqa faiqí aanaaseera faqa nimuqusa imarinara Anutufinnai kadaapiri mariafanoo. Innee Yisunara asasammasee afeesira irirafa karaambaiqa asauku mundirana Yisunaki atukaramasee marianara minauqara faqa maasa irisee Anutuna aaqoo auqaida inniara innaaru qimannimaqaidaqa.

Firipi 4:16

Qinee Teesaroonika maqusai mariafanaqa innee moomoo kari qinee mandainainaki mariafanaqa innee dadaaqidaqa narana maree maria munnimmana qimaqee mariqau.

2 Koorinti 6:5

Maasa maa namusa darirana faqa karabusaki rumbaqimaqarana faqa moomoo fasiqa aanoomandee aniree dari dariisoona faqa maqee miqidaqa. Maasa daararee marifaqa sia faiqarana mareeqa kisaaqasaa kadaapiriri ifaqa nifaaqa ummooqukamandee maridaqa ainainidaqa.

1 Koorinti 4:12

Maasa qeeqa kadaapiriranannai tooqaamu darirananai minannai ainainamasee naidaqa. Faiqí maasa diquraraafaqa maasa amiqi amiqimmannimaqaidaqa. Misa mandaikamma qimaqaafaqa maasa kaqi kai mina maraqa fidaqa.

Roomma 15:16

Anutufa amiqira ainainirana qini qiminau. Qinee asauku mundirana Yisuna saikaki quqaqisaifaqa maridaqa aanaamuru qimannimiranaki maridaqa. (Mooseena uqiqaana maaqakina Anutuna aanaiqikira fasiqauqa sipsipa aanaaqi amiqirana kai faiqí aanaaseendi mara maree mini ooninnai auqira qaindasaa quqasee arusee aandau tatufirana Anutuna suqa amimariqau.) Qinee aanaamuru faqa Anutuna faqa aanaiqikirausara foora marunnanara maa akaranaki afeeka ufa inni nimiqa, kaqiqeesa marifaqau sia afeeka ufa qimannimini ireeda kai qimannimini inni aanaiqikirausa maridaqara afeeka ufa qimannimidaqa. Anutuna naaquqara andeeqara maraquna fannoo aanaamuru mariasara Anutunaindi fee qimasee misauqa marirana nirana Anutuna aidirana amana kai mariaqeera minara kai Anutunai aanaiqi kirausaikidaqa maridaqa.

Roomma 1:1

Qinee Pauroosa Anutuna asauku mundirana Yisufa mara firiqai faiqisa maridaqa mina ainaina dadaaqimaruna faiqisa maridaqa. Anutufa qini maqasaa fasiqa Anutufa faiqí aanaaseekinaana rusandeesamumasee narí amiqira fasaasa ufara qimannimiannee qimaqoosa maridaqa.

Ruka 18:7

Anutufa sia miqi marifa, amiqirafa maridanoo mifa narí faiqí anaasee eendaki faasaana misa ikiraqarana iriseenoo sia anuquannoo qinee qimannimida dauni dauni dadaaqiannoo.

Idi Ufa 88:1

Oo Yaawee, anee qini asumu maree marianna Anutufa mariananoo. Faasaana anee dadaaqianneera innaaru qidaqa iki raqaidaqa. Eendaki faqa aniara innaaru qidaqa.

Idi Ufa 32:4

Eendaki faqa faasaana faqa Yaawee aneenna asaukunnai fannoo qini aupurarana qimimariananoo qini afeeka taikeenoo. Aiqaiqa aukuana suani firaafa qeenoo maqa aadana ususaifanoo taadairindee idanoo.

1 Koorinti 9:4

Qinee Yisuna ufa maqusa maqusa oonuree aniree idaqa Yisunara qimannimimarunnana akiaqara mi maqannaasa narana nammari kaqi qimifanoofau andeeqarafa mariqini.

2 Koorinti 11:27

Qinee minaki fidaqa kadaapirirana faqa tooqaamu darirana faqa maraidaqa moomoo kari sia faiqeeqa, qinee daararee marufaqa nammariara didimarufaqa nimariqiafana, qinee moomoo kari qini maaqa faqa narana faqa qamunna faqa sia marufaqa kaqi qisukunni faiqaqa nimariqiafana.

Aaquqira Ufa 31:18

Mi anaaseefa narí ainainara anoona kai fee qidanoo. Qooma qumbiqaidanoo qeemarifanoo ainaininoo fifiifanoo eenda amuqusai munu taikaidanoo.