1 Teesaroonika 2:6 - Anutuna Ufa

⁶ Maasa inni faqa maridaqa inni fee akaqausee sia misa nimooqira ufara randaqiafana.

1 Teesaroonika 2:6 Referans Kwoze

Karatia 1:10

Faiqí nifusaa qeeqa qimoofee qida fee nasurida fee miqi qidaqee oo sia uqanna qinee miqianaura. Anutuna kuqaa eedoo qira ufara qinee randaidaqa. Qinee faiqí nifusaa fifau nasuridaqa miqi qidafau sia asauku mundirana ainainiranaki marini maqee maqee qini darirara kai qiafaqa moo ainainiranaki funaiqini.

1 Teesaroonika 2:9

Oo qini qikaqaafasaa maasa inni maqusai inni faqa mariafanaqa innee maasa oosana qafamasee irimariafanoo. Maasa narana maree maria saikana kadaapiriqa tooqaamu maraafana qafaqau. Maasa Anutufinnaindaraa amiqira fasaasa ufa qimannimiqa fifi inaqa innisaa oonu munduanaqa innee maasa naranara mamaraida miqidammiafoo qifoora faasaana faqa eendaki faqa qeeqa kai narana maree maria ainainirana kadaapiri mariafanaqa qafaqau.

Yoohanee 5:44

Innee kaaqa naramooqirana naramooqiranara ridaqa Anutuna amooqiranara sia rimariafanoo.

Yoohanee 5:41

Yisufa Yuda maqannaa rakisirausa kaqi qimannimidanoo qinau. Qinee sia inni naanna raida faiqí qimooqiaqee qirainainara randaidaqa.

Karatia 5:26

Sia maasa qeeqara doori uqeeraseeqa amiqirausee qimasee qeeqa qimooqia sia nariara nariara sukufa qia sia nariara nariara rairai qiaqa.

2 Koorinti 13:10

Karaambaiqa afeeka uriqararana qimuna, sia inni rapeepaamma aqira uriqararana qiminau, inni pooduqarana qiminau. Qinee innee iannai oonureeqa karaambaiqa uriqararana qimuna mara maree aanoomandee inni ufa sia nimianoo qimasee moo atinai marunaqooqari maa akarana rumannimaqaanaqa inneeqa kai andeeqasee marifaqamma oonu nindafa.

2 Koorinti 4:5

Maasa namu sia qeeqara qidaqa faiqí anaasee qimannimidaqa, maasa asauku mundirana karaambaiqa Yisuna minara kai kooroomannimidaqa. Maasa namu Yisuna auqu uqeeraidaqa Yisunara inni qimannimidaqa inniki rumbara fasiqara foora ainaina mannisaidaqa.

1 Koorinti 11:9

Anutufa sia anaasee dadaaqianifee qimasee faiqí auqinau, faiqiara iriseenoo anaasee auqinau.

Yoohanee 12:43

Misa sia Anutuna afusaa eedoo qiranara rimariqau. Faiqí nifusaa eedoo qiranara kai kaaqa rimarunara Yisunara kukeeqee mariqau.

Yoohanee 7:18

Faiqí moo fannoo narí ufa kai qidanoo narí auqu kai uqeeraidanoo. Faiqí moo fannoo narí aqiqainna fasiqana auqu uqeerararee qimarifa mifa kuqaa ufa qidanoo, sia nikaruqirafa minaki maridanoo.

Aaquqira Ufa 25:27

Anee adiafaa ira ainaina neeneesainanoo mandaika miannoo. Anee aneennara uriqararanara randainanoo mifa faqa mandaika miannoo.

Estaana 5:11

Misa maaqaki aniroofanoo Amannafa misa nifusaa narí auqu uqeeranau. Mifa narí munnimma moomoo marunara faqa umiasana faqa mina faiqi namu akoonaiqiuqa moomoo marunara faqa qimanniminau. Kinna fannoo mina firaa saika faqa firaaq auqu faqa amiqoonara qimanniminau. Qimannimufaqa kinna oofisaauqa akaqausa mina ameemaanai mariqau.

Estaana 1:4

Mi naranafa qisauku dinni taikasee dinni oonu moodaa marasee 6 uqoonaki marinau. Marufanoo kinna fannoo narí aiqama munnimma faqa narí maaqa afaaqa auqirana faiqi anaasee quqannifiqanau. Quqannifiqasoofaqa misa mi ainainausa qafoofanoo kaaqa amiqirafa uriqaranoo uqanna marinau.

Karatia 6:13

Misa inniara Yuda maqannaa fainanduqira oosana maraaqee qimariasa nári sia Mooseena sandufamau fimariasa misa inni Karatia maqannaara fainanduqira oosanara eedoo qianara kai nári nimooqiaqeera qimasaidaqa inni fuki faaki qidaqa.