1 Teesaroonika 2:4 - Anutuna Ufa

⁴ Anutufa maasa nimanamasee inni qimannimiranara eedoo qimasee narí amiqira fasaasa ufa maasasaa quqasainaqa maasa maqee maqee Anutuna aidiramau kai inni qimannimidaqa. Anutufa maasa firana amanamasee qafeemarifa marifaqa minara irisee andeeqasee qimannimidaqa. Sia faiqí maasa ufa irisee eedoo qiaqeerau qimannimidau. Anutufa irisee eedoo qianinnamau kai inni qimannimidaqa.

1 Teesaroonika 2:4 Referans Kwoze

Karatia 1:10

Faiqí nifusaa qeeqa qimoofee qida fee nasurida fee miqi qidaqee oo sia uqanna qinee miqianaura. Anutuna kuqaa eedoo qira ufara qinee randaidaqa. Qinee faiqí nifusaa fifau nasuridaqa miqi qidafau sia asauku mundirana ainainiranaki marini maqee maqee qini darirara kai qiafaqa moo ainainiranaki funaiqini.

Roomma 8:27

Anutuna maraquna fannoo Anutuna faiqí aanaaseera Anutunnai firaaqoo pisoopisoo mandee innaaru qidanoo, sia fifau, Anutuna iriramau kai misara innaaru qidanoo. Anutufa faiqí nimuqusaki mari ainainara faasai qafee marifa marinara maraquna ireefandinna ainainara faqa faasai iridanoo moodaa irirana marinara maraquna maasara ireemari ainainara iridanoo.

Karatia 2:7

Misa qiniara maaqi qiqau, ooqai Yisuna amiqira fasaasa ufa Yuda maqannaasa qimannimirafa Peetooroonasaa Anutufa quqanau, doo maqee kamuqoo mifa aanaamuru mi ufanakai qimannimirafa qini Pauroonasaa quqee maqi qimasee maanara faqa irimariqau.

2 Timooti 1:14

Anutufa oosana oosana amiqira irirana anisaa quqaqoona mina naaquqara maraquna fannoo aniki marina mi afeekanannai mi oosana oosana irirana amiqimasee rakisia.

Idi Ufa 17:3

Yaawee anee qini qimuqusara irimmariananoo. Anee eendaki qinee unnannai anireenana qini qimanammasee qafaananoo sia manda irirafa qiniki maridanoo.

Eefeesusa 6:6

Sia misa eedoo qira ufara kai irisee misa nifusaa kai ainainiaqa, inneeqa nimuqusannai Anutuna ufamau asauku mundirana ainainidara foora amiqimasee ainainamannimaqaaqa.

Titusa 1:3

Mifa ooqai naaru marirana kasooqaqee qimiraree qunara doo maqee maa fasannai andeeqara aukuannee qimaqoofa mina anoona Yisufa maa fasannai doo kooroo inoo maridanoo. Anutufa maasa mandainainakinaana qumaree marifa firaaqoo qimaqimina mi ufana qimannimidaqa.

Eefeesusa 3:8

Qinee Anutuna aiku asauku maqasaa fasiqaki oorudupirausa marunanoo Anutufa sia minara irinoo kaqi mi naakaparana qiminoo diqiqamaqimaqeenoo asauku mundirana, innaarunai nimira amiqi amiqira ainaina moomoo ainaina sia amana asaana rirana amana mi ufanara aanaamuru qimannimiranaki qini quqaqisaifaqa maridaqa.

2 Koorinti 4:2

Maasa namu asukunaki nimaria oosana nisaurira oosana faqa doo mareeqee ninaaqiannai aqusee nimeesuqusee sia unnamaanna qidaqa sia nikaruqiranaki nidaqa kaqi akoomau faiqí nifusaa nidaqa. Maasa Anutuna ufa qumaree sia munu eendi mini eendidaqa anoona ufa qirana kai uqeereeqee akooqoo nifusaa quqaidaqa. Maasa miqi kaimmaseeqa qeeqa nirana marirana Anutuna afusaara foora miqi kaimmaseeqa aiqama maqannaasa nifusaa andeeqaanaqa misa naakirafa qiqafamasee sia qaoo qifarannoo.

1 Koorinti 9:17

Qinee qeeqa kai qimannimira saika mareefau feefauruara qunaiqini. Anutufa daakapainara ainainidaqa mina akiaqara sia feefauruara innaaru qidaqa qimira saika marifaqa kaqi maraidaqa.

Ruka 16:11

Anee maa maqanasaaqaraa munnimma qumiasana furufaramasee rakisinanoo naqi fee masee innaarunai finanoo Anutufa innaarunai mari firaa qumiasana munnimma anisaa quqasee rakisiannee qiannoo fee.

Aaquqira Ufa 17:3

Koora faqa siruaa faqa tasirisiri mandee qafaandee inoo Yaaweefa faiqí nimuqusa nimanammasee qafaidanoo.

Uqafiqoo Ufafa 2:23

Qinee mi anaaseena ufa irimariasa faqa kuqa narusaanaqa amaana maqaki keeqee mariasa qini oosana irifaranoo. Misa qiniara kukeeqara ainainara irimari fee qiaqeera naruanauranoo. Qinee aiqamausa nári nisaukunnai auqainnana akiaqara kai nimianaura.

Heeburu 4:13

Sia Anutuna afusaa moo ainaina kukeeqarana amana, sia amana miqiannoo. Aiqama ainaina faiqí anaasee Anutufa auquqoo ainainausa kai marinara narí afusaa akoosaqa akooqoo uqanna maridanoo. Maasa mi Anutuna afusaa qeeqa marunnanara andeeqaranara faqa aaqaranara faqa ufa qianaura.

1 Timooti 6:20

Oo Timooti qinee moomoo fasiqa anaasee ani asaukuki quqasaanana anee amiqimasee afapita qumaraa. Dapi ufa Anutuna andeeqarufa sia minaki mari ufafa furufarira ufa raiqara ufa faqa akaqausa moo aaqara ufara unna qimasee irirana faqaasa ufa fee qidaqa mi ufausara aiqama anee faqa misa faqa eerairiaqa.

Kooroosee 3:22

Innee ainainira faiqiuqa mariasa innaarunai inni rakisirafa maridanoo inni saika oosana qafaidanoo. Innee maa maqanasaaqaraa rakisirausara faqa iriaqa aiqama kari misa ufara faqa eedoo qiaqa. Sia nári niqafainnaqoo kai andeeqasee ainainiaqa, kaqiqoo kaqiqoo faqa amiqimasee ainainiqa fuaqa. Miqi kai iqa sia faiqí anaasee nifusaa, inni nimooqiranara kai irisee ainainiaqa. Innee inneeqa nimuqusa ookiqari karaambaiqara naaquqainaqa minara irisee amiqimasee ainainiqa fuaqa.

2 Koorinti 5:11

Maasa karaambaiqara rufiaranara iridaqa faiqí anaasee aaquqimannimaqaidaqa. Anutufa maasa anoona mariranara akooqoo iridanoo innee Koorinti maqannaasa maasa anoona marirana faqa amiqimasee abee iridee sia fee iridee.

Idi Ufa 44:21

Anutufa maasa qimuqusaki kukeeqara ainainara irimarifa marinara mi aiqama ainaina qafaiqini.

2 Timooti 2:2

Qinee moomoo fasiqa anaasee nifusaa ufa nimiafannana anee faqa mina irimariananoo. Mi ufausa maramareenana andeeqara fasiqauqasaa quqasainaqa misa qumareeqa quandafi niqoonausa faiqí anaasee qimannimiaqeera.

2 Koorinti 5:16

Doo maqee maaqooqari maasa sia faiqí faiqi iriranannai faiqí aanaaseera irianauranoo maqee maaqooqari oosanaraseeqa misara qimuqusianauranoo. Ooqai maasa asauku mundiranara faqa faiqí faiqi iriranannai minara iriafannana doo maqee sia miqidaqa doo maqee minara uriqarara fee qidaqa. Faiqí anaasee moo fannoo asauku mundiranaki atooqanoo marinanoo Anutufa mi fasiqa anaaseena ooqeenaa manda irirana doo taikeenoo fuka irirana aqoonna fasiqa anaaseera amuqusirana niminoo. Doo minannai Anutufa faiqí anaasee fukaikamaqaifaqa maridaqa.

1 Koorinti 7:25

Doo maqee anaasee siaisa faqa faiqí siaisa faqa qimamianaura. Qinee Karaambaiqa amuqusirana maree marunausa marunnanara qini ufa irisee minasaa munduaqa, sia qinee karaambaiqa ufara inni qimannimidaqa qeeqa ufa qimannimidaqa.

Yoohanee 21:17

Miqi qimasee Yisufa qaaramookufanoo Peetooroona irammirinoo qinau, Simoona Yoohaneena amarana amaaku kuqaa fee anee qiniara aidinoo fee. Peetooroofa Yisufa qaaramoo kari iroonara aundura rapikufanoo maaqi qimasee qimaminau, Oo Karaambaiqa anee aiqama ainainara irimarianafa qinee aniara didimarinara anee irimariananoo. Yisufa iriseenoo qinau, anee qini ufa irimariasasaa naranara foora nimia.

Ruka 12:42

Karaambaiqa fannoo iriseenoo ainainimaru fasiqana kikiqusinoo qimaminau, ainaina faqaana ainainira faiqi irirana faqaafa andeeqasee rakisimarifa marinau.

Idi Ufa 7:9

Anutu anee andeeqarafa maridana maasa irirana faqa maasa qimuqusa faqa aiququmasee qafee marianafa mariananoo. Anee manda oosana maree mariasa aaqara oosana taikasainaqa mariaqa. Andeeqarausa amiqimasee dadaaqinaqa mapukusee mariaqa.

Idi Ufa 139:23

Oo Anutu qini diuqummasee qini iriranara iria. Anee qini qimanammasee qini irirana oosanara iria.

2 Koorinti 2:17

Maasa amana mi saikana maraanaura. Akaqausa Anutuna ufara fifau oorudupira ainainee qimasee minasaaqaraana manda munnimma maraidaqa. Miqi qimariasa sia mi saikana amana mareefaranoo. Maasa sia misa naanna raidaqa. Anutufa maasa mi saikanaki diqiqoosa marunnanara mina afusaara foora maridaqa asauku mundirana ainainira faiqi maridaqa noori runusee faiqí anaasee qimannimidaqa.

1 Peetooroo 4:11

Amaana ufa qimannimimari fasiqafa Anutuna ufa kai qimannimiani. Faiqí dadaaqimariasa Anutufa nimimari afeekanannai afeekaikamasee niqoonausa dadaaqiaqa. Miqinanoo aiqama ainainiranaki asauku mundirana Yisunannai Anutuna amooqira ainaina kambiqafuannoo aiqama areenarafa faqa afeeka faqa naaru naaru marianinafa minaindi Yisunaindi kai maridanoo. Kuqaa.