1 Teesaroonika 2:2 - Anutuna Ufa

² Maasa namu Teesaroonika maqusai fuaneera Firipi maqusai oonuraafanaqa mandaikamma nimaqeeqa manda ufa qimunara irimariafanoo. Maasa inni maqusai oonuraafanaqa moomoosa aanooqima nimaqoofaqa oonumafi iriafananoo Anutufa paasoosirana nimufaqa mina ufa inni Teesaroonika maqannaasa qimannimiqiafana.

1 Teesaroonika 2:2 Referans Kwoze

1 Teesaroonika 1:5

Maasa Yisuna aufakiana sia noonnai kaifau inni qimannimidau, Anutuna afeekannai faqa mina naaquqara andeeqara maraqunannai faqa qeeqa faqa mi iriranamau fidaqa minannai faqa inni qimannimiafannana minara Anutufa inni rusandeesamunara iridaqa kuqaa fee qidaqa. Maasa inni faqa Teesaroonika maqusai mariafana qiqafoosa maridaqa inni dadaaqirara andeeqaseeqa mariafanausa maridaqa innee minara irimariafanoo.

Kooroosee 2:1

Qinee Pauroosa inniara kadaapi rimarunnana iriaqeera inni qimannimidaqa sia inni Kooroosee maqannaara kaifau kadaapiridaqau Raoodiseea maqusanaasa akaqausa Yisuna ufa irimariasa faqa innee aiqama sia qini doori qiqafee mariasa inniara kadaapiridaqa.

Yudeesa 1:3

Oo qini qifaaqasaa qiqoondiuqa. Anutufa maasa innaaruna asumu marirana moodaa qimiqaifaqa minaki quqaqisainara akara ruani qimaseeqa minniseeqa moo ufa akara ruanaura. Anutufa moodaa kari nimu ufana maasa qimuna mi ufana rakira ufara foora afeekaikamasee uqeera aindusuaqa minara inni afeekaikamandee akara rumannimaqaidaqa.

Roomma 1:1

Qinee Pauroosa Anutuna asauku mundirana Yisufa mara firiqai faiqisa maridaqa mina ainaina dadaaqimaruna faiqisa maridaqa. Anutufa qini maqasaa fasiqa Anutufa faiqí aanaaseekinaana rusandeesamumasee narí amiqira fasaasa ufara qimannimiannee qimaqoosa maridaqa.

2 Koorinti 3:12

Maasa mi naaru marirafa anianinnanara asasamandee afeesidaqa paasoosamandee Yisuna ufa qimannimidaqa. Maasa sia Mooseena aanna reeqa qamunna qummaree nikiaqasaa afisusee oorisaa areenarana rafaaqafidaqa. Mooseefa qamunna qumareenoo Isaraee maqannaara narí ooriki takukandaa rimarina mina taikee marina qafeefoo qimasee qamunna oori afisinau.