1 Teesaroonika 2:16 - Anutuna Ufa

¹⁶ Maasa Anutuna ufa faiqí asumu marararufa aanaamuru qimannimimarunaqa misa nikooqaifaqa maasa rafaaqafirara amanidaqa. Miqidaqa Yuda maqannaasa aaqarafa doo firaafa uriqaranoo maridanoo, doo maqee mandainaina akiaqara Anutuna aranaqarafa doo misasaa aqufinoo maridanoo.

1 Teesaroonika 2:16 Referans Kwoze

Mareekoo 16:16

Qinisaa irirana rusimariasa irirana rusidaqa nammari maree mariasa misa innaarunai naaru marira asumu mareefaranoo. Qinisaa sia irirana rusimariasa misa nariranaki fifaranoo.

Mataioo 23:32

Doo amana, inneeqa nikeeku nikaaku naanna raaqanani. Misa maroo mandainaina innee firaanaika masaaqanani.

2 Teesaroonika 2:10

Mifa oosana oosana nikaruqira mandainaina uqannifiqainaqa naaru idaki taikeefandinausa minara kuqaa fee qimasee irifara, misa innaarunai asumu marira anoona ufara sia nidimarifaqa sia oonu irianara mina akiaqara taikeefaranoo.

Karatia 5:11

Oo qini qikaqaafasaauqa qeeqara qimannimianauranoo qinee Yuda maqannaasa fainanduqira ufa asauku mundiranasaa ookaammasee minannai innaarunai firaree qimariana mi ufana maqusa maqusa qinee qimannimi marianaqau misa sia maqee maqee qini darimariaqini. Fainanduqira ufa Yisunasaa ookaairafa anoona marinoofau qinee asauku mundirana aunirira saqarisaa arunara qimannimianaqau sia daruqini. Yisunasaa mundirunara kai qimannimimarunaqa iridaqa darimariafanoo. (Misa mi aukuanna faina kafaqianda uqidee qimasaida Yuda maqannaasa maasa Anutuna faiqi namu fee qimariqau. Nifaandama itirausara inni nianasaa naadumasaa mariaqee qimariqau. Pauroofa minara irisee maa ufana qimanniminau.)

Mataioo 12:45

Mifa mina qafamaseenoo oonureenooafaanna moodannai qisauku dinni oonu qaaraqanda maraseenoo narí manda oosana uriqararausa kai nifiqee anireenoo mi fasiqana aunduraki aiqama keeqafufaqa minaki mariqau. Mi fisiqana inaaqiana manda marirafa fiqaramaseenoo firaaqoo mandaikinoo marinau. Ooqai mi fasiqafa moodaa manda faafasaaqa maru aukuana kaqikaaqoo mandainainaki marinau. Innee maqee manda marira mariasa miqikai mandee marifaranoo.

Oosana 15:16

Ani aiku asauku qaara faqa qaara faqa oosana mi rumbaranakiqari oonu randee anifaranoo. Qinee sia Amoora maqannaasa dauni naru taikaanaura. Misa kaaqa mandaika uqanna ifaqa miqoo misa naru nindaqaaqa masee ani aiku asauku miqoo quqaanaura.

Uqafiqoo Ufafa 22:11

Anaaseera fanandirana, faiqiara fanandirana, miqida nariara nariara rimariasa saina miqidaqa mariaqa, mandoosana mandoosana maree mariasa saina miqidaqa mariaqa. Amiqira oosana maree mariasa saina miqidaqa mariaqa. Maparaammasee amiqira oosana firaaqoo maree mariasa saina miqidaqa mariaqa.

Heeburu 6:8

Nimmuru faqa mandainaina amuka faqa mi maqanasaa kambiqafinanoo Anutufa qafamaseenoo fifau maqa maridanoo, qusasaa qinee mi maqana aquraraseeqa idakikai aquanauree qinau. Anutuna ufa minnisee mariasa miqi kai masee ida kai qamataikeefaranoo.

1 Teesaroonika 1:10

Innee mifunnai ubeekamafi mina amaaku innaarunaindari qumiranara afeesu afeesirafa kaqi afeesida marunara faasai aanaamuru minara faqa irimariqau. Anutuna amaaku Yisufa kuqiranakinaana mara findifufa, maasa Anutufa kasooqaqee naruaninnanakinaana Yisufa maasa asumu qumaree marifa innee mifa qumuaninnanara afeesida marunara aiqama aanaamuru faasaimma irisee qimaqimiafanoo.

Eefeesusa 3:13

Qinee Pauroosa minara irisee inni afeekaikamandaida qimannimidaqa. Qinee Yisuna ufa qimannimunaqa misa minara fifau qini karabusaki quqeeqa. Inni Eefeesusa maqannaasa qinee karabusaki marunna aupuraranara iriseeqa sia Yisuna ufa minniseeqa kudoosaapaaqa, innee minara maaqi qiaqa Pauroona karabusaki marirana maasa Eefeesusa maqusanaasa amiqimaqimaqaidanoo fee qimasee asasiaqa.

Eefeesusa 3:8

Qinee Anutuna aiku asauku maqasaa fasiqaki oorudupirausa marunanoo Anutufa sia minara irinoo kaqi mi naakaparana qiminoo diqiqamaqimaqeenoo asauku mundirana, innaarunai nimira amiqi amiqira ainaina moomoo ainaina sia amana asaana rirana amana mi ufanara aanaamuru qimannimiranaki qini quqaqisaifaqa maridaqa.

Mataioo 24:14

Maa amiqira fasaasa ufana qini innaaruna ququsa ufa maqusa maqusa faiqí anaasee aiqama qimannimisaifaqa misa aiqama irisaifanoo mi kamuqoo taikara aukuana aniannoo.

Mataioo 24:6

Innee nianaindaraa rakira ufa irifaranoo adeedi rainnaqoo rakirana tutuqirana innee irifaranoo. Mi ufana iriseeqa siamma qiniara qumira aukuana doo aiqaree maqi qiaqa. Rakirafa kuqaa maqusa maqusa kambiaanifeera qidaqa. Maa marira aukuanafa sia dauni taikaannoo kaqikaaqoo kisaaqasaa mariannoo.

1 Koorinti 10:33

Innee qini daanna raaqa sia qinee qeeqa didirana qeeqa qifaaqa amiqi amiqiranara iridaqa aiqamausara iriseeqa misa nidiranamau fidaqa, aiqamausa innaaruna asumu maraaqeera miqidaqa.