1 Teesaroonika 2:15 - Anutuna Ufa

¹⁵ Yuda maqannaasa ooqai Anutuna tamummaqara fasiqauqa kuqa nariqau, kafaa maa kamuqoo karaambaiqa Yisuna kuqamma arusaqau. Doo kafaa maqee maasa mandaikamma qimaqaidaqa. Misa Anutuna afusaa firaaqoo mandaikidaqa misa kaaqa faiqí narimariasa maridaqa.

1 Teesaroonika 2:15 Referans Kwoze

Mataioo 5:12

Qini ufa saara arirana akiaqara Anutufa innaarunnai firaa feefaurutia quqannimaqaifanoo maridanoo. Minara irisee sia noori runuaqa, firaaqoo asasiaqa. Sia inni kai narirafa maridanoo. Ooqai Anutuna tamummaqara fasiqauqa faqa miqi kaimmidaqa narimariqau.

Mataioo 27:25

Miqi qimasoofaqa faiqí anaasee moodaa kari faaqa quqasee qimamiqau. Doo mina fidika maasaki faqa maasa faiqi namuki faqa mariannoo.

Mataioo 23:37

Oo Yeerusaree Yeerusaree firaa maqusa aniki mariasa Anutuna tamummaqara fasiqauqa narusa mariafanoo. Anutufa faiqí faiqi niqiqoosa ooni saamu narimarusa. Moomoo kari sia asaanarida qinee kookooraanara fooqiara qiqoosa qairisee Yeerusareenni faiqi namu mafi sakaanee runaqa misa rukiee mariasa.

Estaana 3:8

Amnnafa oonureenoo rakisirana qimaminoo qinau. Aiqama anee rakisi marianna maqa maaqaki maria fasiqa anaaseesa akaqausa sia maaqoo mariasa naanna raidaqa, misa mooka uqanna midammia. Minara anee misa afu kai niqafee marinaqa marifanoo mifa sia ani faqa ani maqa maaqa faqa dadaaqiannoo.

1 Koorinti 10:5

Misa miqiqa fidaqa sia minara irirai moomoosa uqanna mandoosana marasoofanoo Anutufa qufaqa misa kuqufanoo misa iri fannoo mi aadana maqa maaqanaki furufaramminau.

2 Koorinti 11:26

Qinee Yisuna ufa qimannimiqa nimariafanaqa moomoo aukuana maqusa maqusa nuafannanakina qinee moomoo kari qimeekee mariqiafana nammari aufunaki faqa nipuraraa fasiqauqaki faqa Yuda maqannaasaki faqa aanaamuru mariasaki faqa firaa taunaki faqa kaasau maqa maaqa oombura maqa maaqaki faqa ooruku nammari firaa farumaki faqa qikaru qimaru aqoondisa faqa misauqakina moomookari kuqirara qimeekeeqa.

Idi Ufa 109:20

Oo Yaaweefa qini namuqaa miqimmasee aupurarana nimia. Mi namuqaasa qiniara manda ufa qimariasa aupurarana nimia.