1 Teesaroonika 2:11 - Anutuna Ufa

¹¹ Faiqi nikausa amiqimmandee faiqi rakisidaqa maasa miqi kai iqa inni rakisimariqiafana.

1 Teesaroonika 2:11 Referans Kwoze

Heeburu 13:22

Oo qini qikaqaafasaa innee maa ufana amiqimasee asaana ruaqa. Dadaaqira ufa maridanoo sia kisaaqa akara riqa minara qimannimidaqa.

1 Timooti 5:21

Oo Timooti qinee Pauroosa Anutuna faqa asauku mundirana faqa naaquqara qangiroouqa faqa misauqa nifusaa qinee doori kandamaseeqa ufa ani qimamianaura. Qinee maqee maa papiqanakinaa ufa qimamunnana amiqimmandee mi mau kai fidana Yisuna ufara suqimariasasaa rakirausa nariqa saika amanakai feefauru nimisee andeeqasee nári aaqarana aiqamausa nifusaa koorooia. Sia moonara qiqoondifee qimasee mina aaqarana kukeeqaisaa, sia moonara aamoondi fee qimasee minaindi akooroo maisa. Aiqama misoo maasoo moodaanaki kammasee rakisinnimaqaa.

2 Teesaroonika 3:12

Anutuna asauku mundirana karaambaiqa Yisuna auqu ramasee mi fasiqausa fooroopi mariasa naaquqama nimaqaidaqa misa andeeqara mariramau fidaqa nariqa narainaina kadaapirumasee maraaqa.

1 Teesaroonika 5:11

Innee mi irirana iriseeqa soofaari mariasa mi iriranannai narí dadaaqi narí dadaaqidaqa narí amana narí amana mapukuaqa.

1 Teesaroonika 2:7

Kuqaa maasa asauku mundirafa niqiqoo fasiqausa maqasaa fasiqauqa maridaqa, maasa minara irisee sia inniara qimooqiranee, ainainee qimiaqee qimariqiafana. Ninausa faiqi aanaaqi ireeda rakisi mariandee maasa miqikai mandee ireeda kai inni faqa maridaqa qimannimiafanausa sia inni moo ainaina maraqiafana.

Titusa 2:15

Titusa anee mi ainainna maqee qinee qunna ainainna faiqí anaasee naakapaa. Anutufa ani qimaminara sia rufiaa. Afeekaikamasee qimannimia. Aneenna afeekaikamambinana fuki faaki qidana amiqira oosana andeeqara oosana maraaqeera qimannimia akaqausa mandoosana mareefoora qaoo qia. Aniara manda faiqi fee kaqikaa faiqi fee qifoora, Anutuna ufasaa afeekaikamafinana andeeqasee qimanniminaqa sia miqiaqa.

Titusa 2:6

Titusa anee miqi kai mandee kumaaraa faqa maa ufana qimanniminaqa, misa faqa nári naundura nimuqusa amiqimasee mariaqa.

1 Timooti 6:17

Oo Timooti anee ainainafaqaasa maaqi qimasee qimannimia. Innee ainainafaqaasa sia inneeqa nifaaqa nimooqiaqa. Sia innee taikeemaria munnimmanasaa inneeqa irirana munduaqa. Inni Anutunasaa kai inneeqa irirana munduaqa. Mifa aiqama ainaina afaaramasee maasa qiqaara raanifee ainaina qimimarinasaa kai inneeqa irirana munduaqa.

1 Timooti 6:13

Oo Timooti aiqama ainaina aidoo nimimarina Anutuna afusaa faqa, Piratoona oorisaa kooroounafa asauku mundirana Yisuna afusaa faqa qinee aaquqimasee qimamidaqa. Yisuna ufa asaana rumaseenana aiqama eedoo qimasee maraa, mi mau finana ani nirafa marirafa anukarafa sia aaqarafa mariani. Miqi kai ina fifi inana karaambaiqa Yisufa narí qumira aukuana paquria.

1 Timooti 6:2

Akaqausa ainainafaqaasa misa faqa Yisuna ufa iri mariasa mariafaqa innee misa ainainira faiqi mariasa sia misara faqa moodaa irirana maree marunausee qimasee mandufa nimiaqa. Innee minara iriseeqa andeeqasee fiqaramasee misa ainainamannisaaqa. Innee misasaaqaraa narana qamunnaina maree mariafanoo misara faqa Yisuna ufa irimariasee qimasee maasa misara didimariasee qimasee amiqimasee misa ainainamannisaaqa. Oo Timooti anee mi ufausa Yisuna ufara suqimaria maqanaki keeqee mariasa naamuaqimasee fuki faaki qia.

1 Timooti 5:7

Anee mi adeedaana anaaseesara qimanniminaqa andeeqasee mariaqa munuqi miniqi qiqani foora.

1 Teesaroonika 4:1

Oo Teesaroonika maqannaasa qini qikaqaafasaauqa qeeqa ufa maa ufana ati qimannimianaura. Maasa inni faqa mariafanna kamuqoo Anutuna aidiramau firanara qimannimiafanaqa mi mau fifiusa doo maqee kaqi mi mau fimariafaqa qinee iridaqa. Karaambaiqa Yisufa qimaqimiqoonara doo maqee inni fuki faaki qidaqa sia ooqai undee kai kaqikaaqoo Anutuna iriranamau fuaqa, moo faqa moo faqa afeekaikamasee mi mau fuaqa.

Aaquqira Ufa 7:24

Oo qini faiqi namu innee amiqimmasee qinee qianna ufana iriaqa.

Aaquqira Ufa 7:1

Oo qini qimaaku qinee qimamianna ufana iria. Qinee auqaannee qianna ainainnara sia qaunua.

Aaquqira Ufa 6:1

Oo qini qimaaku akaqausa dinnaa munnimma maraifana misa faqa qima afeekaika maseenana qinee mina akiiqra ianauree qimasee sia miqinana aneenna qima afeekaikianna ufanaki ufaana kiara foora aruananoo.

Aaquqira Ufa 3:1

Qini qimaaku qinee qimamianna ufana sia qaunua. Qinee qimamianna ufana aiqama kari iridana qinee qimamunnandee ia.

Aaquqira Ufa 2:1

Qini qimaaku iria qinee auqaannee qimasee qimamianna ufana sia qaunua.

Aaquqira Ufa 1:15

Qini qimaaku sia miqira fasiqa faqa fua. Misa mariaqooqari nianai maria.

Aaquqira Ufa 1:10

Qini qimaaku manda oosana maree mariasa ani amanifana sia misa ufa iria.

Idi Ufa 34:11

Innee qini faiqinamu mai aniree qini ufa irifaqa qinee Yaaweenara rufiara oosanara qimannimianaura.

Titusa 2:9

Doo aniara qiqa maqee feefauruara ainaini mariasara qianaura. Feefauruara ainainimaria fasiqausa anee maaqi qimasee qimannimia. Misa nári rakisirausa ufara sia rukiaaqa eedoo kai qiaqa. Nári rakisirausa asasiaqee ainainakaimmiaqa. Misa nári rakisiruasa ufa sia ati raqannimiaqa.

Eefeesusa 4:17

Miqi marianara qinee Pauroosa Karaambaiqa auqusaa inni qimannimidaqa afeekaikamandee kafaa kafaa qimannimidaqa, sia Anutunara aamina maqannaasa naanna raaqa. Misa irirafa fifau faafaumminoo maridanoo. Innee andeeqasee mariaqa.

1 Teesaroonika 4:6

Sia inniki moo fannoo miqinoo narí aqoonausee moo maqannaasee mandaikamma nimaqaani. Ooqai maasa inni qimannimiafannana maqee kafaa aaquqimannimaqaidaqa Karaambaiqa fannoo mi umuarira oosannara narirafa maridanoo.

1 Teesaroonika 5:14

Qinee inni naamuaqi maruna fasiqausa qimannimidaqa, inni kudi fasiqauqara afeekaikamasee naakapaifaqa misa ainainiaqa, rufiee maria fasiqa anaaseesa nimana mapukunimaqaaqa, irirana oore̱eqarausa innee dadaaqiaqa, innee aiqamausa qambaanai reendeenidaqa asooamasee qimannimiqa fuaqa.

3 Yoohanee 1:4

Qini faiqi namukammafi mariasa kuqaa anoona aatata fimarianara minara kai irisee firaa asasirana qimidaqa. Sia moo ainaina mi asasirana amana kai maridanoo.

2 Teesaroonika 2:5

Qinee Pauroosa inni Teesaroonika maqusanaasa faqa maridaqa mi ainainausara inni qimannimiafannana sia iridee auni fee.