1 Teesaroonika 1:6 - Anutuna Ufa

⁶ Innee maasa andeeqarana qafamasee karaambaiqa faqa maasa faqa andeeqarana ameeraameerirana faqa maasa faqa andeeqarana ameeraameeri mariafanoo, inni maqannaasa Yisuna ufa irunara mina akiaqara inni aupurarana firaaqoo nimufaqa innee sia minara iriqau naaquqara maraquna nimimaru asasirana asasammasee karaambaiqa ufa kai maroosa.

1 Teesaroonika 1:6 Referans Kwoze

1 Koorinti 11:1

Qinee asauku mundirana Yisuna aanna raidaqa innee miqikai iqa qini daanna raaqa.

1 Koorinti 4:16

Qinee minara irisee qeeqa qimuqusa ookiqari reendeenamandee inni qimannimidaqa innee inni nikausa qini daanna raaqa.

Karatia 5:22

Anutuna maraquna fannoo sia miqi maria mandoosanakina uqannifiqaidanoo. Innee mina ufamau fifanoo inni mareeqee amiqira saqari qaqammara foora ireefaranoo. Maa amiqira oosanausa ireefaranoo, nariara nariara uriqarara ainaina maridee qimasee nariara nariara rirana faqa Anutunara asasirana faqa naunduraki asooarana faqa faiqí aanaaseera reendeenira irirana faqa amiqimandee dadaaqi mariana faqa afaarirana faqa amiqira ainaina afaarirana faqa sia minnisee firafa miqookai marida auqainna ainaina auqaida marirana faqa fisoofisoommasee ufa qirana faqa narí mandoosanara akooqamasee andeeqasee fimarina faqa Anutuna maraquna fannoo mi ainainausa kai uqannifiqaidanoo, sia moo sandufa fannoo mi amiqira ainainausara qaoo qiannoo.

2 Teesaroonika 3:9

Maasa inniara iriseeqa miqi qiqiafana, innee mi oosanna qafamasee mi mau kai fuaqeera kadaapiriqiafana, innee narainaina kaqi qimifanoofau amana kai andeeqanoo mariqini, maasa Yisuna ufa qimannimiafannana akiaqara marini, innee maasa funnamau fuaqeera kadaapiriqiafana.

3 Yoohanee 1:11

Oo Kaiusa qini qifaaqasaa qiqoondi, anee manda ainaina qafamasee sia mina ammeemmeeria amiqira oosana qafamaseenana mina ammeemmeerina mina aanna rainanoo amana mariannoo. Andeeqara oosana maree mariasa misa Anutunaindi maridaqa. Mandainaina maree mariasa misa sia Anutunara irimariasa maridaqa.

Eefeesusa 5:1

Innee Eefeesusa maqusanaasara Anutuna amuqusira aiku asauku marianara mina ammeemmeeriaqa asauku mundirafa maasara rinoo amuqusinoo narí marirana maasa qimaaqa maqasee kuqiranaki quqasoofanoo tatufira aandau suqara fara foora Anutuna aikiambu inau, innee faqa miqi kai iqa asauku mundirafa maasara rirana ameemmeerida nariara nariara ruaqa. Inni nariara nariara rirafa maqee maqee inniqa marirana rakisinnimaqaani.

Yoohanee 8:12

Moo kari Yisufa Yeerusaree amaana maqaki faiqí anaasee maaqi qimasee qimanniminau. Qinee maqasaaqaraasa qooma maridaqa. Yafasiqa aanaaseesa qini faqa finausa misa kaqi marira qooma mareefaranoo sia uqanna asukunaki fifaranoo.

Mataioo 16:24

Qinee aunirira saqarisaa kuquanaura. Faiqí anaasee moo fannoo qini iriranamau finafa miqi kai iannoo. Narí marira ainaina mai uturuqu quqaseenoo qiqa duqusaara qiqa ufasaara, qiqa daanna ramasee kaqi kuqariranaki keeqaani.

1 Peetooroo 3:13

Qinee Peetooroosa kaifaa qimannimidaqa. Anee amiqira mariranara minara rumammaree marainanoo ya fasiqa fee manda marirana ani amiannoo fee sia ani amiannoo.

1 Peetooroo 1:8

Innee sia Yisuna qafoosa kaqi nimuqusi marifaqa minara ririaasa. Innee sia Yisuna qafoosa kaqi inneeqa irirafa minasaa rusimariasa mariafanoo mina ufamau fifiaasa. Miqimarianara innee firaaqoo kaaqa areenarana namufaqa asasimariafanoo. Mi asasiranara faiqí sia amana minara ufa qifaranoo uriqararafa maridanoo.

1 Peetooroo 1:6

Maa maqee maria kamuqoo oosana oosana inni nimanirafa aupurarafa marianno (Anutufa qinanoo marianno) minara innee kaqi kaaqoo noori runiranaki marifaranoo. Mi nimanira ainainnausara iriseeqa asasiaqa.

Heeburu 10:34

Innee karabusaki mariasa dadaaqidaqa narana munu nimiranannai misa aupurarana inne faqa maree mariafanoo. Faiqí anaasee aniree aanoomasee inni maaqakinaa ainaina aiqama animaree fifuafaqa sia innee minara noori runuafanoo, innee asasa kai mandee mariafanoo. Innee inneeqa maa maqanasaaqaraa qumiasanara fifau oorudupira ainainee qimasee innaarunai uriqarara naaru marira ainainara maridanoo fee qimasee sia ikiraqaafanoo, innee asasimariafanoo.

2 Teesaroonika 1:4

Innee Teesaroonika maqusanaasa Yisuna ufa irimarianasaara narirana faqa oosana oosana aupurarana faqa kaqi maraqa fimariana faqa Yisuna ufa kaqi iriqa fimarianara faqa iriseeqa maaqanna maaqanna fidaqa inni amiqira oosanara amaana maqaki keeqee mariasa qimannimidaqa qeeqa qimooqidaqa.

Firipi 3:17

Oo qini qikaqaafasaauqa innee aiqamausa qini kai qifaqee qini qimeemmeeriaqa, maasa inniara iriqa andeeqara aana uqannifiqaafanaqa doo maqee innee akaqausa innikiqari mi mau fimariasa niqafamasee innee faqa nifaqee mi mau fuaqa.

2 Koorinti 8:5

Maasa mi ufana iriseeqa asasamasee tautiqa oo sia mi amiqira irirafa kammbiqeefoo qunaqa misaki kambiqeenoo. Maseedooni maqannaasa nariqa naundura irirana faqa nári ainaina faqa karaambaiqa naaree amisee quandaki Anutuna iriranamau nári marirana maasa faqa qimiqau.

Roomma 15:13

Anutufa maasa innaarunaira afeesirana oosanafaqaafa maridanoo, mifa kai innee mina saqarikiranannai aiqama asasirana faqa asooarana faqa innikina qumbiqannimaqaannoo, Anutuna naaquqara andeeqara maraquna afeeka fannoo inni dadaaqinanoo innaarunaira asasammasee afeesirafa mi asasirafa qumbiqeenoo teeqiannoo.

1 Koorinti 11:2

Oo Koorinti maqannaasa innee qiniara maqee maqee irisee Yisuna ufa irimariasa sandufa qinee qimamiafanna ufamau fimarianara inni nimooqidaqa.

2 Koorinti 6:10

Maasa maqee maqee qifaaqa kudoosaapanoo marifaqa Anutunara oonu mafi irisaidaqa maqee maqee asasidaqa. Maasa kudi fasiqara foora maridaqa moomoo fasiqa anaasee innaarunai ainaina faqaasaikamma nisaidaqa. Maasa maa maqanasaa ainaina siaisa maridaqa aiqama innaarunaindaraa ainaina maasaindi maridanoo. Mi aiqama ainainnannoo maasa Anutuna amiqira ainainira faiqiuqaindi marunnanara akoorooidaqa.

2 Teesaroonika 3:7

Innee maasa oosana qafeeusa mariafanoo, maasa inni faqa maridaqa sia kudoosaaparausa mariqiafana innee maasa oosanamau kai fuaqaana innee minara irimariafanoo.

2 Timooti 4:2

Anee Yisuna amiqira fasaasa ufara faiqí anaasee qimannimia, narí qanaa fee kaqiqoo fee sandanainai qimasee qimannimia, anee misa iriaqaa iaqee qimasee qimanniminaqa misa iriaqa anee mandoosana maree mariasara qaoo qia, anee faiqí aanaaseera nifeeqaraidana poodua. Anee ubiqafi sanaasamasee faiqí anaasee qimannimia.