1 Teesaroonika 1:3 - Anutuna Ufa

³ Maasa inniara maqee maqee maasa qikoona Anutuna aaqoo auqaidaqa. Innee Yisuna saqarikidaqa miqianara Anutuna ufirira ainainirana maqee maqee imariafanoo. Innee Anutunara faqa faiqí aanaaseera faqa nimuqusa imarinara Anutufinnai kadaapiri mariafanoo. Innee Yisunara asasammasee afeesira irirafa karaambaiqa asauku mundirana Yisunaki atukaramasee marianara minauqara faqa maasa irisee Anutuna aaqoo auqaida inniara innaaru qimannimaqaidaqa.

1 Teesaroonika 1:3 Referans Kwoze

1 Koorinti 13:13

Doo maqee kamuqoo maa qaaramoo ainainna kai maridanoo. Yisunasaa irirana rusirana faqa naaru kambiqaaninnanara asasamandee afeesirana faqa faiqí aanaaseera faqa Anutunara faqa uriqarara ainainee qimasee misara nimuqusirana miṉamufa kai maqee kamuqoo kaqi maridaqa misakiqari nimuqusirafa kai uriqararafa maridanoo.

Uqafiqoo Ufafa 2:19

Innee Tiatira maqusanaasa qini Yisusara nimuqusidanoo qinee iridaqa, innee maqee maqee iriqa kai fimarianara faqa qinee iridaqa, innee qiniara iriseeqa inneeqa maqannaasa dadaaqimariafanoo. Innee sia kadaapi dari maqi qimasee minnisee mariafanoo kaqi maraqa fimarianara minara faqa iridaqa. Ooqai innee qini saika oodaa maree mariqau, maqee kamu firaaqoo maree mariafanoo qinee minara faqa iridaqa.

Karatia 5:6

Maasa asauku mundirana Yisuna faqa moodaanaki maridaqa Yuda maqannaasa fainanduqirana faqa sia fainanduqirana faqa miqanda fifau ainaina maridaqa. Anoona ainaina maaqimminoo maridanoo. Nariara nariara uriqarara ainainee qimasee nariara nariara amuqusirafa inni Yisunasaa rusirana akooroo imarifa mi ainainafa anoona uqanna maridanoo.

2 Teesaroonika 1:11

Maasa mi ainainafa kambiqaaninnanara iriseeqa maqee maqee inni Teesaroonika maqusanaasara innaaru qidaqa Anutufa inni naundurai naakapaifaqa mina ufamau uqeerara aatata fimariafanoo minara qidaqa. Anutufa inni dadaaqinaqa inni marirafa nirafa uqeerara aana amana kai fuaqeera innaaru qidaqa. Anutufa narí afeekannai innee Anutuna ufamau firanara amiqiranee qimariana anoonaikiani, innee mina saqarikira saika faqa anoonaikiani.

1 Yoohanee 5:3

Maasa Anutunara ruannana anoona maaqimminoo maridanoo. Mifa naakapainna ufara eedoo qimasee asaukunnai qumaraannanara doo mifa anoona maridanoo. Anutuna naakapara ufa sia firaa qumaara tia maridanoo aufadaidanoo.

Karatia 6:9

Minara iriseeqa amiqira mariranara sia kudoosaapeeqa minnisaaqa maasa sia minniseeqa kaqi mi mau fidaqa kasooqaqee unnakirana paqurianaura.

Roomma 15:13

Anutufa maasa innaarunaira afeesirana oosanafaqaafa maridanoo, mifa kai innee mina saqarikiranannai aiqama asasirana faqa asooarana faqa innikina qumbiqannimaqaannoo, Anutuna naaquqara andeeqara maraquna afeeka fannoo inni dadaaqinanoo innaarunaira asasammasee afeesirafa mi asasirafa qumbiqeenoo teeqiannoo.

1 Yoohanee 3:3

Maqee maria kamuqoo asauku mundirana asasammasee afeesara mariasa minara indee indee idaqa nariqa mandoosana findaukaqa fidaqa.

1 Teesaroonika 3:6

Doo maqee Timootifa oonurandee anireenoo inni adiafaaira naufakiana qifaqa iriqa. Mifa innee Yisuna saqarikirana faqa nariara nariara nimuqusirana faqa qimaqiminoo. Mifa innee maasara maqee maqee irimariana faqa maasa inni niqafaaqaairana amana amana kai innee maasa qiqafaaqaa imarianara Timootifa qimaqimifaqa iriqa. Ooqai maasa qifaaqa rumbanoo marifaqa mariunausa.

1 Yoohanee 3:18

Qini faiqi namu, maasa nariara nariara uriqarara ainainee qimasee rirana sia afaurunnai kai qia. Asaukunnai anoona ainaina kai narí ami narí ami iranannai kai mina anoona kooroo inoo kambiqaannoo.

1 Koorinti 15:58

Oo qini qikaqaafasaa doo minara iriseeqa sia kasi kasiaqa mapukuseeqa atukaraqa mariaqa. Karaambaiqa marirana nirana mariana maqee maqee minaki kai noori runusee mariaqa. Karaambaiqa marirana niranaki marianara aiqama saika naaru marira anoona marifa maridanoo karaambaiqa marirana nirana sia moo fannoo anoona siaifa maridanoo. Anoona marifa kai maridanoo.

2 Teesaroonika 1:3

Oo qini qikaqaafasaauqa maasa inniara maqee maqee Anutufinai dufi dufi qimamaqaidaqa. Innee Yisuna saqarikirafa firaaqoo kambiqainara iriseeqa sia minara dufi dufi qiana aaqaannoo. Inniara Anutufinnai dufi dufi qimarunafa andeeqaidanoo.

1 Yoohanee 3:21

Maasa qimuqusirafa sia darinaqa Anutuna afusaa paasoosammianaura.

1 Peetooroo 3:4

Inni nifaaqa amiqi amiqirafa inniqa nimuqusa ookiqari amiqira marira marirafa minannoo kai nifaaqa amiqi amiqiani. Inni nifaaqa mari inanoo asooqaqaaninafa maridanoo, fisoo fisoomasee kasooqaqee aqumurira oosana fannoo mifa sia asooqaqee mariafa maridanoo minannai kai mara nifaaqa auquaqa. Mi oosannafa Anutuna afusaa amiqira oonda uqanna maridanoo.

Heeburu 11:17

Anutufa Abarahaamana amanamandee qafaanee qufanoo Abarahaamafa Anutunasaa irirana rusirafa marunara Anutuna ufa iriseenoo eedoo kai qimaseenoo narí moodaa faiqi narí amuqusuqanna Isakeena kaqi rumbaseenoo qaindasaa quqasee arirarufanoo qaoo qinau. Anutufa faiqi ani aiku asauku moo amiraree qima afeekaikamaqoonara Abarahaamana amuna. Sia minara Abarahaamafa amuqusufanoo narí amaaku rafaaqa finau. Kaqi eedoo kai qimasee narí faiqi afiqeenoo arirarinau.

Heeburu 6:15

Anutufa miqi qimasoofanoo Abarahaamafa mi ufana anoonara kisaaqasaa reendeenamasee afeesida marufanoo kasooqaqee uqanna Anutufa qimamu ainainafa koorooinau.

1 Timooti 2:3

Misara innaaru qirafa amiqira oosana maridanoo Anutufa maasa asumu maree marifa minara aididanoo. Mifa aiqama fasiqa anaasee asumu mariranaki ani mariaqeera qidanoo anoona ufamau fuaqeera qidanoo misara innaaruqira oosannara Anutufa aididanoo.

Karatia 5:13

Oo qini qikaaqaafasaauqa inniara qinee qianaura. Innee inneeqa mandainaina rumbaranaki mariafanoo Anutufa minakinaana inni naarameeqeenoo Yisuna idukiranaki quqeenoo. Doo innee minaki maridaqa inni nifaaqa manda nidimari ainainafa sia quandakinoo innisaa rakisidanoo inni nikaruqiranannai minni ubeekamannimaqaani. Sia miqiaqa maaqiaqa inneeqa nariara nariara rirafa nimudaoo qirafa inni nifiqeeqeenoo nariara nariara dadaaqiranaki quqaani.

Karatia 1:4

Maasa qikoofa Anutufa qufanoo asauku mundirafa iriseenoo eedoo qimaseenoo mi mau finau maqee kamuqoo marunna mandainaina afeekaikiranakinaana maasa idukuaqeera narafaaqa maasa mandainaina akiaqara aunirira saqarisaa paasoosamasee quqanau.

Roomma 16:6

Moo anaasee auqu Maria nammarifa (sia Yisuna anoofau mina amarafa) firaaqoo inni Roomma maqusanaasara kadaapirufa maridanoo qinee mina faqa amandaidaqa.

Roomma 15:4

Aiqama tamummaqara fasiqauqa akarakinaa ufa sia fifau akara riqau maasa naamuaqidee qimasee akara riqau, maasa mi akaranakinaa ufa dadaaqidaqa fuki faaki qirana faqa ubiqafi marirana faqa marasee miqandannai Yisunara asasammasee afeesirana maraaqeera akara riqau.

Roomma 12:12

Innee Yisufa qumuaninnanara afeesidaqa asasidaqa kai mariaqa, maqee maria kadaapirira ummaarafa rafaaqafinaqa naundura asooamasee kasooqaqee ubiqafiqa reendeenamasee kaqi kai minaki fuaqa, maqee maqee innee aiqamausara faqa aiqama ainainara faqa innaaru qimannisaaqa.

Roomma 2:7

Akaqa fasiqa anaasee amiqira oosana kai maraqa nidaqa innaarunai areenarana faqa innaarunai nuqu uqeerarana faqa naaru naaru mariranara faqa randaidaqa. Miqi mariasa Anutufa naaru marirana nimiannoo. Akaqausa nári nifaaqara kai ridaqa andeeqarana futeeqaidaqa aaqaranaki kai fidaqa. Misasaa Anutufa narí aanoo qirana faqa narí aranaqarana faqa nammariara foora adiannimaqaannoo.

Yoohanee 14:15

Yisufa narí faiqi namu kaqi qimannimidanoo qinau. Innee qiniara riqa qinee qimannimiafannufana andeeqasee qumareefaranoo. Sia qiniara riqa sia qinee qiafannufana qumareefaranoo.

Oosana 29:20

Rabannafa miqi qimasoofanoo Yakooboofa Raseera nammarina marararee qimaseenoo qisauku dinni taikaseenoo dinni ani qaara maraseenoo 7 aukuana mina ainaina maisee marinau. Yakooboofa Raseera nammarinara aidi marufanoo mi aukuanna namufa qaaramoo faasaanara foora aiqaranau.

Heeburu 13:21

Anutufa asooarana faqaafa innee mina iriranamau fifandinna oosana akoofasaikirana inni niminaqa fuaqeera. Anutufa asauku mundiranannai maasa faqa mareeqeenoo narí aidira oosanaki narí iriranamau firanaki quqannisaani. Aiqama amooqirafa faqa kaaqa areenarafa faqa asauku mundiranaindi naaru naaru mariannoo. Kuqaa.

Heeburu 4:11

Minara maasa sia ufa rukiasee manoo manaa iqanuaqa nimudaanai qimasee Anutuna faqa narí adooeemarinaki keeqaaqa. Sia moo fannoo maasaki ufa rukiasee innisaimbaqa Isaraee maqannaa ninausa nikausa naanna ree kaqinni aqufuaqa.

2 Koorinti 2:17

Maasa amana mi saikana maraanaura. Akaqausa Anutuna ufara fifau oorudupira ainainee qimasee minasaaqaraana manda munnimma maraidaqa. Miqi qimariasa sia mi saikana amana mareefaranoo. Maasa sia misa naanna raidaqa. Anutufa maasa mi saikanaki diqiqoosa marunnanara mina afusaara foora maridaqa asauku mundirana ainainira faiqi maridaqa noori runusee faiqí anaasee qimannimidaqa.

Roomma 16:26

Ooqai mi kukeeqara anoona ufafa maqee naaru naaru marira Anutufa ufa qufanoo mi kukeeqara ufafa aiqamausakina akoosaqa kooroomafifanoo marifaqa qafaidaqa iridaqa. Anutufa ufa qufanoo Yisufa sia kambiqooqoo tamummara fasiqauqa Yisuna aufakiana kooroo iqau. Maqee faqa aiqama maqannaa qimannimiafaqa mi ufanasaa irirafa rusififaqa iridaqa eedoo qimasee mi mau fuaqeera.

Yoohanee 15:10

Innee qinee qimannimuna ufana irisee qumareeqa qini didiranaki marifaranoo. Qinee miqikaimasee qeeqa qikoona ufa iriseeqa qumareeqa mina aidiranaki maridaqa.

Uqafiqoo Ufafa 3:10

Qinee inniara reendeenamandee mariaqee qiafanaqa innee miqi mariasa mariafanoo. Miqi mariana akiaqara firaa teeroo maaqanna maaqanna nimanamasee qafaanaura miqianna aukuanna qinee inni mareeqee kaqi atinnai quqasaana asumu marifaranoo.