Yunus 3:8 - Bagian bagian Kitab Suci Taurat (dalam bahasa Banjar)

⁸ Kain karung musti dipuruk ulih samunyaan bubuhan panduduk. Binatang binatang gin musti ditukupi lawan kain karung. Samunyaan urang musti maminta bujur-bujur lawan Allah sagan mangubah niat-Nya. Samunyaan urang musti batobat lantaran kalakuan nang jahat wan manyakiti urang lain.

Yunus 3:8 Referans Kwoze

Yunus 1:6

Imbah itu, turun ai juragan mandapati Yunus nang lagi guring janak tu, lalu ai digaraknya. “Umailah ikam nih nyamannya, nang kaya ini kaadaannya, kawa haja ikam guring! Ayu, lajui badiri, baduꞌa lawan diwa ikam, kalu ai diwa ikam kawa manulungi gasan manyalamatakan kita barataan sakira kita kada matian” ujar juragan baucap lawan Yunus.

Yunus 1:14

Lantaran itu, bubuhannya baduꞌa bahimat lawan ALLAH, Tuhan nang disambah ulih Yunus. “Ya ALLAH, Tuhan kami, kami handak manimbai urang ini ka laut. Sabujurannya, urang ini kadada maulah dusa lawan kami. Lantaran itu, kami mamohon lawan Pian, janganlah mambinasaakan kami bila kami manimbai urang ini ka laut. Samunyaan nang ini sudah tajadi lantaran kahandak Pian” ujar bubuhannya sambil baduꞌa.