Kisah Si Rut, padatuan Nabi Daud 2:7 - Bagian bagian Kitab Suci Taurat (dalam bahasa Banjar)

⁷ “Inya minta izin lawan ulun mairingi bubuhan tukang katam maipiꞌi jalai nang tagugur. Tumatan baisukan, inya bagawi tarus, hanyar haja ampih gasan baistirahat satumat di lampau” ujar Mandur baucap pulang.

Kisah Si Rut, padatuan Nabi Daud 2:7 Referans Kwoze

Kisah Si Rut, padatuan Nabi Daud 2:2

Pada suatu hari Rut baucap wan Naomi, “Ma, ulun parmisi handak kapahumaan gasan maipiꞌi jalai nang batangkay nang tagugur matan tangan tukang katam. Pangrasa ulun bubuhannya cagar mambiarakan ulun malakuakan nang itu.” “Ayu ha coba ai nak ai! Tulak ja!” ujar Naomi manyahut.

Kisah Si Rut, padatuan Nabi Daud 2:6

“Inya urang Moab nang hanyar datang lawan Naomi tumatan banua Moab” ujar Mandur manyahut.

Kisah Si Rut, padatuan Nabi Daud 2:8

“Ding, ikam maipi disini haja lawan bubuhan tukang katamku nang babinian. Kada usah ikam tulak maipi di pahumaan urang. Iringi haja bubuhan tukang katamku. Jangan jauh pada bubuhannya. Aku sudah manyuruh anak buahku nang lalakian sakira bubuhannya kada mangganggu ikam. Amun ikam haus, ambil haja banyu di tajau-tajau nang sudah diisi ulih anak buahku” ujar Boas baucap lawan Rut.

Kisah Si Rut, padatuan Nabi Daud 2:21

“Ma, ujar urang tu lawan ulun, ulun bulih haja tatarusan maipiꞌi jalay lawan bubuhan tukang katam sidin tu sampai ampih musim katam” ujar Rut baucap pulang.