Lukas 8:42 - Bagian bagian Kitab Suci Taurat (dalam bahasa Banjar)

⁴² Anak babinian nang saikungannya matan Yairus tu baumur kurang labih dua walas tahun. Rahatan Nabi Isa baampah ka wadah urang tadi, Sidin dikajali ulih urang-urang banyak.

Lukas 8:42 Referans Kwoze

Lukas 8:45

Lalu Nabi Isa baucap, “Siapa garang nang manjapai Aku ni?” “Guru, sing banyakan urang bakajal-kajal di higa Pian. Kanapa maka sampai Pian batakun nang kaya itu?” ujar Pitrus manyahut lantaran saikung-ikung kadada nang maakuinya.

Lukas 7:12

Parak garbang kuta nang itu, ada urang kuta bajurut-jurut manandu kaluar saikung urang nang sudah mati. Urang nang mati tu anak lalakian saikungannya, umanya sudah balu.

Lukas 8:41

Di situ ada saikung lalakian nang bangaran Yairus nang mahadangi jua. Sidin tu kapala rumah ibadah. “Guru, tulungi pang ulun! Anak ulun garing bangat, parak mati. Tulung!” ujarnya sambil basujut di hadapan Nabi Isa.

Lukas 8:43

Di situ ada saikung babinian nang sudah dua walas tahun maarit pandarahan paranakannya tarus-manarus. Sudah habis banyak hartanya lantaran inya baubat ka mana-mana. Tagal kadada saikung-ikung tabib nang kawa mawagasakannya.