Lukas 8:35 - Bagian bagian Kitab Suci Taurat (dalam bahasa Banjar)

³⁵ Urang-urang nang hanyar mandangar kajadian nitu datangan handak malihat jua napa nang tajadi. Wayah badapat lawan Nabi Isa, bubuhannya malihat urang nang bakas kasarungan tadi tu, sudah babaju wan sudah waras. Inya lagi baduduk parak batis Nabi Isa. Maka takutan ai bubuhan nang hanyar datang tadi, sualnya bubuhannya hanyar haja tahu manganai kuasa Nabi Isa.

Lukas 8:35 Referans Kwoze

Lukas 10:39

Adingnya, nang bangaran Maryam, baduduk di higa Sidin sambil mandangari caramah Sidin.

Lukas 8:27

Pas Nabi Isa turun ka tanah, Sidin didatangi saikung lalakian nang kasarungan ruh-ruh jahat. Urang tu datang matan kuta. Inya sudah lawas batilanjang. Lawan pulang inya kada hakun guring di rumah. Inya guring di guha pakuburan haja.

Lukas 15:17

Kaputingannya inya sadar. Lalu inya baucap dalam hati, ‘Sabarataan urang nang umpat bagawi lawan abahku kalabihan makanannya. Amun di sini, aku parak mati kalaparan.

Lukas 2:46

Sampai talu hari, kuitannya mancariꞌi Isa. Hanyar inya tadapat Isa di Bait Allah. Wayah itu, Isa lagi duduk di tangah-tangah guru-guru agama sambil mandangarakan wan manakuni bubuhannya.

Lukas 8:34

Imbah malihat kajadian tadi, bubuhan tukang jaga babi bagagas bukahan ka kuta wan ka kampung-kampung nang parak sambil mahabarakan kajadian nang itu.