Lukas 7:23 - Bagian bagian Kitab Suci Taurat (dalam bahasa Banjar)

²³ Babahimunglah urang-urang nang baiman ka Aku biar Aku ni lain daripada nang diharapakan urang!”

Lukas 7:23 Referans Kwoze

Lukas 2:34

Lalu, Simiun mamohon barakah gasan Yusup lawan Maryam. “Sabujurannya lah, Anak nang ini sudah ditantuakan Allah. Kaena, sapalih juriat Nabi Ibrahim pacangan manulak Anak nang ini, lalu pacangan binasa. Sapalih lagi pacangan kawa manarima Anak nang ini lalu pacangan kahimungan banar lantaran salamat. Inya ni baisi pancirian nang pacang manampaiakan kabanaran matan Allah. Tagal banyak urang nang pacangan manolak-Nya.

Lukas 7:22

Lalu Nabi Isa baucap, “Bulikan ja bubuhan ikam, padahakan lawan Nabi Yahya napa-napa nang sudah ikam lihat wan sudah ikam dangar. Nang picak sudah kawa malihat, nang lumpuh sudah kawa bajalan, urang kusta sudah manjadi barasih lantaran wagas pulang, urang tuli sudah kawa mandangar, urang mati sudah dihidupakan pulang, lawan pulang Habar Baik sudah jua dihabarakan ka urang-urang miskin.

Lukas 7:24

Imbah bubuhan pangkut Nabi Yahya bulikan, lalu Nabi Isa bamula bapandir ka urang-urang nang ada di situ manganai Nabi Yahya. “Sabalum palayanan-Ku bamula, kanapa bubuhan ikam rancak bajalan jauh kaluar masuk padang pasir handak malihat Nabi Yahya? Gasan malihat sasuatu nang biasa hajakah nang kaya puhun paring nang digoyang angin? Kada mungkin, kalo?