Lukas 7:12 - Bagian bagian Kitab Suci Taurat (dalam bahasa Banjar)

¹² Parak garbang kuta nang itu, ada urang kuta bajurut-jurut manandu kaluar saikung urang nang sudah mati. Urang nang mati tu anak lalakian saikungannya, umanya sudah balu.

Lukas 7:12 Referans Kwoze

Lukas 8:42

Anak babinian nang saikungannya matan Yairus tu baumur kurang labih dua walas tahun. Rahatan Nabi Isa baampah ka wadah urang tadi, Sidin dikajali ulih urang-urang banyak.

Lukas 8:52

Samunyaan urang nang di luar rumah tu rahatan manangisi wan maratapi anak nitu. “Kada usah ditangisi gin. Anak nitu kada mati. Inya guring haja," ujar Nabi Isa baucap ka urang banyak tadi.

Kejadian 22:12

“Jangan dimatiꞌi anak ikam tu, wan jangan diapa-apai inya, sualnya wayah ini Allah sudah tahu amun ikam tu hurmat wan maasi lawan parintah-Nya. Lawan pulang, ikam langsung hakun mamparsambahakan anak ikam nang saikungannya tu gasan Allah” ujar malaikat Allah baucap.

Kejadian 22:2

“Bawa Ishak, anak ikam nang saikungannya, nang ikam sayangi tu, lalu tulak ja ka banua Moria. Di situ di salah satu gunung nang pacang Kutuduhakan lawan ikam, parsambahakan inya manjadi kurban banaman gasan Aku” ujar Allah manjalasakan.

Lukas 7:11

Kada lawas limbah nitu, Nabi Isa lawan bubuhan pangikut Sidin tulakan ka kuta Nain. Banyak urang nang lain bajurut-jurut maumpati Sidin jua.

Lukas 7:13

Pas Junjungan malihat bibinian balu tu, Sidin maras banar, lalu baucap, “Pian, kada usah basadih. Kada usah manangis, Cil ai!”